Innlent

Of hátt veggjald vinni gegn tilgangi nýrrar Ölfusárbrúar

Birgir Olgeirsson skrifar
Nýja brúin yfir Ölfusárbrú verður á Efri Laugdælaeyju sem sést hér fyrir miðri mynd og nemur land við golfvöllinn á Selfossi. Handan við ána sést hvar verktakar eru byrjaðir að keyra efni í vegtenginguna frá Biskupstungnabraut.
Nýja brúin yfir Ölfusárbrú verður á Efri Laugdælaeyju sem sést hér fyrir miðri mynd og nemur land við golfvöllinn á Selfossi. Handan við ána sést hvar verktakar eru byrjaðir að keyra efni í vegtenginguna frá Biskupstungnabraut. Vísir/ArnarHall

Áhyggjur eru af því að hátt veggjald yfir nýja Ölfusárbrú muni komi í veg fyrir að hún dragi úr umferð þeirra inn á Selfoss sem eiga ekki erindi þangað. Forseti bæjarstjórnar bindur vonir við að veggjaldið verði ekki hærra en 200 krónur.

Þó útboð nýju brúarinnar sé ekki hafið þá er vinna við vegtenginguna við Biskupstungnabraut þegar hafin. Útboðið á að hefjast í síðasta lagi fyrir áramót.

Veglínan mun ná frá Biskupstungnabraut vestan megin við Ölfusá. Nýja brúin fer svo yfir efri Laugdælaeyju og nema land við golfvöllinn á Selfossi. Þaðan heldur leiðin áfram í átt að núverandi Suðurlandsvegi.

brúnni er ætlað að draga úr umferðarþunga í gegnum Selfoss en áhyggjur eru af því að of hátt veggjald muni koma í veg fyrir það. Gjald á milli 100 til 700 króna hefur verið nefnt.

Forseti bæjarstjórnar Árborgar vill hafa gjaldið sem lægst svo sem flestir noti brúna.

Hvað yrði lágt gjald að þínu mati?

„Mér finnst 100 til 200 krónur vera eitthvað sem við eigum að horfa á. Ekki meira en 200 krónur og reyna að fá sem flesta til að nota þetta. Ef þú ferð í 400 eða 700 krónur þá eigum við hættu á að færri nota þetta og við erum ekki að leysa það sem við bíðum eftir að brúin leysi,“ segir Helgi S. Haraldsson, forseti bæjarstjórnar Árborgar.

Áætluð verklok eru 2025 og gamla brúin komin til ára sinna. Ljóst er að hún muni ekki þola umferð þungra ökutækja til eilífðar.

„Með tímanum þá þolir hún ekki þessa þungu umferð og það liggur fyrir að hún mun hverfa af henni.“

Verður umferð þungra ökutækja bönnuð á gömlu brúnni?

„Vegagerðin á brúna en miðað við þá umræðu sem hefur verið þá verða settar þungatakmarkanir á hana í framtíðinni.“

Hringtorg á að tengja umferðina inn á Suðurlandsveg austan megin við Selfoss. Hugmyndir eru um að gera þar síðan mislæg gatnamót í framtíðinni en Helgi vill ráðast strax í þau.

„Kannski þýðir það að það taki fimm til tíu árum lengur að borga upp verkið og hvað með það? Klárið bara þetta verk, ekki vera með bráðabirgða lausn þarna og þurfa að rífa þetta upp aftur. Förum bara í mislægu gatnamótin og klárum þetta.“


Tengdar fréttir

Vilja skipta út yfirfullu hringtorgi fyrir betri lausn

Umferðin yfir Ölfusarbrú á Selfossi var það þung í sumar að kalla þurfti til lögreglu til að stýra umferð því bílaröðin hefur náð út í Ölfus. Nú eru uppi hugmyndir að breyta þessum gatnamótum til að greiða úr flöskuhálsinum.

Bæjar­stjórinn segir há­marks­gjaldið í kringum hundrað kall

„Ég held það séu gríðarleg mistök að horfa svona á málið,“ segir Gísli Halldór Halldórsson, bæjarstjóri Árborgar, um hugmyndir samgöngu- og sveitarstjórnarráðherra að innheimta 400 til 700 krónur fyrir hverja ferð yfir nýja Ölfusárbrú.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.