Skýrslutaka í Rauðagerðismálinu hefst í héraðsdómi í dag Hólmfríður Gísladóttir skrifar 13. september 2021 07:11 Angjelin Sterkaj, sem játað hefur að hafa orðið Armando Beqirai að bana, í dómsal í morgun. Aðalmeðferð í Rauðagerðismálinu svokallaða hefst í Héraðsdómi Reykjavíkur í dag og munu skýrslutökur standa yfir fram á fimmtudag. Málflutningur fer fram fimmudaginn 23. september næstkomandi. Samkvæmt ákærunni í málinu var morðið á Armando Beqirai skipulagt og fylgst með ferðum hans kvöldið sem hann var myrtur. Armando lést af völdum skotsára sem hann hlaut á heila og brjóst þegar hann var skotinn níu sinnum fyrir utan heimili sitt að Rauðagerði 28. Angjelin Sterkaj hefur játað að hafa orðið Armando að bana laugardagskvöldið 13. febrúar en fjórir eru ákærðir í tengslum við morðið. Fjórir eru ákærðir í tengslum við morðið sjálft. Skotinn níu sinnum í höfuð og líkama Samkvæmt ákæru hófst atburðarásin með því að Murat Selivrada sýndi Claudiu Sofiu Coelho Carvalho tvær bifreiðar sem tilheyrðu Armando og var lagt við Rauðarárstíg 31. Claudia, sem var unnusta Sterkaj, fékk fyrirmæli um að fylgjast með bifreiðunum og senda skilaboð til Shpetim Qerimi í gegnum Messenger þegar önnur hvor bifreiðin yrði hreyfð. Varð Claudia við þessu og sendi skilaboðin þegar Armando ók frá Rauðarárstíg. Rétt fyrir miðnætti óku Shpetim og Angjelin að Rauðagerði. „Þegar bifreið Armando var ekið að heimili hans að Rauðagerði 28 ók ákærði Shpetim í humátt á eftir honum, hleypti meðákærða Angjelin úr bifreiðinni við hús nr. 28 og ók svo áfram nokkrar húsalengdir þar sem hann snéri bifreiðinni við og beið þar til meðákærði Angjelin gaf honum merki um að sækja sig. Þá ók ákærði Shpetim austur Rauðagerði og tók meðákærða Angjelin upp í bifreiðina í Borgargerði,“ segir í ákærunni. Í millitíðinni faldi Angjelin sig við bílskúrinn við Rauðagerði 28 en þegar Armando kom út eftir að hafa lagt bílnum skaut Angjelin hann níu sinnum í höfuð og líkama með 22. kalíbera Sig Sauer skammbyssu. Armando lést af skotsárum sínum en Angjelin hljóp út Rauðagerði og var sóttur af Shpetim. „Þeir óku svo út úr bænum og í Varmahlíð í Skagafirði, með viðkomu í Kollafirði þar sem ákærði losaði sig við skammbyssuna með því að henda henni í sjóinn,“ segir í ákærunni. Fjórtán handteknir í tengslum við umfangsmikla rannsókn lögreglu Fjórtán einstaklingar voru handteknir í tengslum við rannsókn málsins en fjórir ákærðir í tengslum við morðið; Angjelin, Claudia, Shpetim og Murat Selivrada, sem er sakaður um að hafa bent Claudiu á bifreiðarnar sem hún átti að fylgjast með. Málið var þingfest 25. maí síðastliðinn og þá játaði Angjelin en sagðist hafa verið einn að verki. Hin þrjú neituðu sök. Í kröfu sinni um farbann sagði saksóknari hins vegar að framburður Shpetim hefði verið ótrúverðugur en hann hefði viðurkennt að hafa ekið Angjelin í Rauðagerði en haldið því fram að hann vissi ekki hver hefði búið þar né hvað stæði til. Þá lá fyrir að 12. febrúar hefðu Shpetim og Claudia tekið við tösku frá Angjelin sem í var skotvopn. Shpetim hefði geymt töskuna en sagðist ekki hafa vitað hvað væri í henni. Ákæruvaldið benti einnig á að þegar Angjelin yfirgaf bifreiðina í Rauðagerði nóttina 13. febrúar hefði hann haldið á byssunni sem búin var hljóðdeyfi. Samsett væri hún um 40 sentímetrar. Þegar hann kom til baka hefði hann lagt byssuna á gólf bifreiðarinnar. Því væri ekki trúverðugt að Shpetim hefði ekki vitað hvað stóð til. Fjöldi einstaklinga af ýmsum þjóðernum var handtekinn í tengslum við málið. Farið fram á 68 milljónir króna í bætur Fjórmenningarnir eru krafðir um 68 milljónir króna í bætur en þrír aðrir hafa verið ákærðir í tengslum við málið; kærasta Angjelin, sem er grunuð um að hafa elt Armando kvöldið 13. febrúar, og tveir karlmenn frá Albaníu. Annar var vinur Armando en hinn var í bíl með Angjelin kvöldið sem Armando var myrtur. Armando var kvæntur Þórönnu Helgu Gunnarsdóttur, sem gekk með ófætt barn þeirra þegar hann var myrtur. Hún gerir kröfur um miskabætur fyrir sig, son sinn og þá ófætt barnið og um bætur fyrir missi framfæranda, samtals 43 milljónir. Foreldrar Armando krefjast sömuleiðis miskabóta, samtals 10 milljóna króna. Fertugur Íslendingur, Anton Kristinn Þórarinsson, var handtekinn í tengslum við rannsókn málsins og sætti meðal annars farbanni. Hann var ekki ákærður. Lögmaður hans sakaði lögreglu um að halda uppi „leiktjöldum“ löngu eftir að rannsóknin hefði veikt grunsemdir og sagði umbjóðanda sinn myndu leita réttar síns. Umræddur lögmaður, Steinbergur Finnbogason, var settur af sem verjandi Íslendingsins við rannsókn málsins og fékk stöðu vitnis. Morð í Rauðagerði Reykjavík Dómsmál Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Reyndist ekki faðir stúlknanna Innlent Nafn mannsins sem lést í vinnuslysi í Árborg Innlent Fleiri fréttir Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Sjá meira
Samkvæmt ákærunni í málinu var morðið á Armando Beqirai skipulagt og fylgst með ferðum hans kvöldið sem hann var myrtur. Armando lést af völdum skotsára sem hann hlaut á heila og brjóst þegar hann var skotinn níu sinnum fyrir utan heimili sitt að Rauðagerði 28. Angjelin Sterkaj hefur játað að hafa orðið Armando að bana laugardagskvöldið 13. febrúar en fjórir eru ákærðir í tengslum við morðið. Fjórir eru ákærðir í tengslum við morðið sjálft. Skotinn níu sinnum í höfuð og líkama Samkvæmt ákæru hófst atburðarásin með því að Murat Selivrada sýndi Claudiu Sofiu Coelho Carvalho tvær bifreiðar sem tilheyrðu Armando og var lagt við Rauðarárstíg 31. Claudia, sem var unnusta Sterkaj, fékk fyrirmæli um að fylgjast með bifreiðunum og senda skilaboð til Shpetim Qerimi í gegnum Messenger þegar önnur hvor bifreiðin yrði hreyfð. Varð Claudia við þessu og sendi skilaboðin þegar Armando ók frá Rauðarárstíg. Rétt fyrir miðnætti óku Shpetim og Angjelin að Rauðagerði. „Þegar bifreið Armando var ekið að heimili hans að Rauðagerði 28 ók ákærði Shpetim í humátt á eftir honum, hleypti meðákærða Angjelin úr bifreiðinni við hús nr. 28 og ók svo áfram nokkrar húsalengdir þar sem hann snéri bifreiðinni við og beið þar til meðákærði Angjelin gaf honum merki um að sækja sig. Þá ók ákærði Shpetim austur Rauðagerði og tók meðákærða Angjelin upp í bifreiðina í Borgargerði,“ segir í ákærunni. Í millitíðinni faldi Angjelin sig við bílskúrinn við Rauðagerði 28 en þegar Armando kom út eftir að hafa lagt bílnum skaut Angjelin hann níu sinnum í höfuð og líkama með 22. kalíbera Sig Sauer skammbyssu. Armando lést af skotsárum sínum en Angjelin hljóp út Rauðagerði og var sóttur af Shpetim. „Þeir óku svo út úr bænum og í Varmahlíð í Skagafirði, með viðkomu í Kollafirði þar sem ákærði losaði sig við skammbyssuna með því að henda henni í sjóinn,“ segir í ákærunni. Fjórtán handteknir í tengslum við umfangsmikla rannsókn lögreglu Fjórtán einstaklingar voru handteknir í tengslum við rannsókn málsins en fjórir ákærðir í tengslum við morðið; Angjelin, Claudia, Shpetim og Murat Selivrada, sem er sakaður um að hafa bent Claudiu á bifreiðarnar sem hún átti að fylgjast með. Málið var þingfest 25. maí síðastliðinn og þá játaði Angjelin en sagðist hafa verið einn að verki. Hin þrjú neituðu sök. Í kröfu sinni um farbann sagði saksóknari hins vegar að framburður Shpetim hefði verið ótrúverðugur en hann hefði viðurkennt að hafa ekið Angjelin í Rauðagerði en haldið því fram að hann vissi ekki hver hefði búið þar né hvað stæði til. Þá lá fyrir að 12. febrúar hefðu Shpetim og Claudia tekið við tösku frá Angjelin sem í var skotvopn. Shpetim hefði geymt töskuna en sagðist ekki hafa vitað hvað væri í henni. Ákæruvaldið benti einnig á að þegar Angjelin yfirgaf bifreiðina í Rauðagerði nóttina 13. febrúar hefði hann haldið á byssunni sem búin var hljóðdeyfi. Samsett væri hún um 40 sentímetrar. Þegar hann kom til baka hefði hann lagt byssuna á gólf bifreiðarinnar. Því væri ekki trúverðugt að Shpetim hefði ekki vitað hvað stóð til. Fjöldi einstaklinga af ýmsum þjóðernum var handtekinn í tengslum við málið. Farið fram á 68 milljónir króna í bætur Fjórmenningarnir eru krafðir um 68 milljónir króna í bætur en þrír aðrir hafa verið ákærðir í tengslum við málið; kærasta Angjelin, sem er grunuð um að hafa elt Armando kvöldið 13. febrúar, og tveir karlmenn frá Albaníu. Annar var vinur Armando en hinn var í bíl með Angjelin kvöldið sem Armando var myrtur. Armando var kvæntur Þórönnu Helgu Gunnarsdóttur, sem gekk með ófætt barn þeirra þegar hann var myrtur. Hún gerir kröfur um miskabætur fyrir sig, son sinn og þá ófætt barnið og um bætur fyrir missi framfæranda, samtals 43 milljónir. Foreldrar Armando krefjast sömuleiðis miskabóta, samtals 10 milljóna króna. Fertugur Íslendingur, Anton Kristinn Þórarinsson, var handtekinn í tengslum við rannsókn málsins og sætti meðal annars farbanni. Hann var ekki ákærður. Lögmaður hans sakaði lögreglu um að halda uppi „leiktjöldum“ löngu eftir að rannsóknin hefði veikt grunsemdir og sagði umbjóðanda sinn myndu leita réttar síns. Umræddur lögmaður, Steinbergur Finnbogason, var settur af sem verjandi Íslendingsins við rannsókn málsins og fékk stöðu vitnis.
Morð í Rauðagerði Reykjavík Dómsmál Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Reyndist ekki faðir stúlknanna Innlent Nafn mannsins sem lést í vinnuslysi í Árborg Innlent Fleiri fréttir Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Sjá meira