Þurfti nýja áskorun en hafði engan áhuga á að fara til Juventus eða Man United Runólfur Trausti Þórhallsson skrifar 3. september 2021 08:00 Ísak Bergmann í leiknum gegn Rúmeníu á Laugardalsvelli. Vísir/Hulda Margrét Ísak Bergmann Jóhannesson samdi við danska stórliðið FC Kaupmannahöfn rétt í þann mund er félagaskiptigluggi Evrópu lokaði. Þessi 18 ára landsliðsmaður hefur verið orðaður við flest stórlið Evrópu en tók á endanum þá ákvörðun að fara til Kaupmannahafnar. Skagamaðurinn ungi var í ítarlegu viðtali við Sportbladet í Svíþjóð þar sem hann fór yfir vistaskiptin og af hverju hann valdi FCK. Skiptu þrjú símtöl sköpum í ákvörðun Ísaks Bergmanns. Jens Gustafsson, fyrrum þjálfari hans, sagði það sama og Jóhannes Karl Guðjónsson, faðir hans og Ari Freyr Skúlason, samherji hjá sænska félaginu og íslenska landsliðinu: „FC Kaupmannahöfn er fullkomið félag fyrir þig.“ „FCK hafði haft áhuga í dágóðan tíma en aldrei lagt fram tilboð. Ég komst að því seint á þriðjudagskvöld að þeir vildu kaupa mig. Þeir vissu hver staða mín var hjá Norrköping og gerðu þeim gott tilboð,“ sagði Ísak Bergmann í viðtalinu við Sportbladet. Hann viðurkenndir að hann hafi ekki reiknað með að hlutirnir myndu ganga svona hratt fyrir sig. Ísak Bergmann Jóhannesson #fcklive pic.twitter.com/IUmCm5pX9h— F.C. København (@FCKobenhavn) September 1, 2021 „Fyrir mér er þetta rétt skref á þessum tíma, rétt skref í rétta átt. Það er ástæðan fyrir því að ég hafði mikinn áhuga þegar FCK hafði samband. Stórt félag sem berst um titla á hverju ári og leikur í Evrópu.“ Þurfti nýja áskorun „Það er alltaf einhver sem er ekki ánægður en almennt er fólk mjög skilningsríkt. Það vita allir að ég vill ná lengra á mínum ferli heldur en að spila eingöngu fyrir Norrköping. Ég vildi samt sýna félaginu virðingu því ég fékk tækifæri þar og verð þeim ævinlega þakklátur. Ég þurfti samt að taka næsta skref, ég þurfti nýja áskorun.“ „Þú getur ekki bætt þig ef þú ert alltaf innan þægindarammans. Þú verður að taka skref í nýja átt til að verða betri.“ Sáttur með skrefið Ísak Bergmann var hreint út sagt stórkostlegur á fyrsta tímabili sínu hjá Norrköping, þegar Jens Gustafsson var við stjórnvölin. Það gekk ekki alveg nægilega vel undir stjórn Rikard Norling á síðustu leiktíð. „Það er satt, þetta hefur verið frekar mikið upp og niður. Bæði hjá mér og liðinu í heild. Það er auðvitað algengt hjá ungum leikmönnum en þegar það gengur lítið upp hjá liðinu þá er það enn erfiðara fyrir ungan leikmann að bera af.“ „Þó gengið hafi verið upp og niður þá þroskaðist ég sem leikmaður undir stjórn Norling. Ég bætti mig til að mynda er varðar taktík, hann hjálpaði mér með þann hluta af leiknum. Það besta við Norrköping var svo að við reyndum alltaf að spila fótbolta á tíma mínum þar. Það var mjög gaman hvað okkur gekk vel að spila góðan fótbolta.“ „Nú hef ég tekið næsta skref á ferli mínum. Ég átti gott ár í fyrra en á mínum aldri þarftu að halda áfram að taka ný skref til að þróa leik þinn. FCK var nákvæmlega það sem ég var að leita að.“ Veit að Svíar eru ekki hrifnir af Dönum og vildi ekki fara í stórlið „Ég hef tekið eftir því að í Svíþjóð er fólk ekki sérstaklega hrifið af Dönum. Þannig er það bara. Ég horfi aðeins á klúbbinn í heild sinni frekar en deildina. Klúbburinn er stór og ég veit að deildin er aðeins betri en sú sænska en það munar ekki miklu. Málið er að FCK er alltaf að berjast um titla og spilar í Evrópu. Þetta er frábært tækifæri fyrir mig til að bæta mig þar sem þetta verður alvöru áskorun.“ „Ef ég hefði farið í enn stærra lið hefðu mögulega liðið sex til níu mánuðir þangað til ég myndi spila. Það er langur tími fyrir ungan leikmann. Þó ég muni ef til vill ekki spila alla leiki á næstunni þá má ég það samt. Þú þroskast sem leikmaður við að spila leiki.“ „Það var mikið talað um hin og þessi lið en ég vissi strax að ég vildi ekki fara til Manchester United, Juventus eða stórliða á borð við þau. Ég vill vera þar eftir tíu ár, þegar ég er 28 ára gamall og verð að nálgast mitt besta. Ég mun vinna að því takmarki allan þann tíma sem það tekur en það er samt ekkert stress.“ „Ég þarf ekki mikinn pening. Það skiptir mig ekki miklu máli. Ég vill þróast sem leikmaður og persóna.“ „Ég hugsað um það mikið,“ sagði Ísak varðandi hvort Norrköping hefði ekki getað fengið betur borgað ef til að mynda eitt af stórliðum álfunnar hefði fest kaup á honum. „Ég vissi samt að það yrði aldrei jafn há upphæð og var talið um. Ég vissi sjálfur að ég vildi ekki fara í lið sem væri of stórt. Ég held líka að Norrköping hafi sett klásúlu þess efnis að þeir fái dágóða summu þegar þar að kemur.“ Vill fara alla leið „Að byrja ferilinn hjá Norrköping var frábært. Það er enginn betri klúbbur betur til þess fallinn en Norrköping. Félagið sá vel um mig frá 15 ára aldri og nú yfirgef ég það sem ungur maður. Ég gæti ekki verið þakklátari en ég þarf að fara út úr þægindarammanum til að þróa minn leik, ég vil fara alla leið,“ sagði Ísak Bergmann Jóhannesson að endingu í viðtali við Sportbladet um nýtt ævintýri sitt í Kaupmannahöfn. Fótbolti Sænski boltinn Danski boltinn Mest lesið „Þessi viðbrögð eru auðvitað ekki í lagi“ Fótbolti „Sex til sjö leikmenn haltrandi inni á vellinum“ Fótbolti „Svekkjandi að við gefum þeim fjögur mörk“ Fótbolti Mourinho tekur við Benfica Fótbolti Janus sagður á leið til Barcelona Handbolti Fyrirliðinn kom til bjargar og Liverpool fagnaði seint í fimmta sinn Fótbolti Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Íslenski boltinn John Andrews tekur við KR Íslenski boltinn „Eins og það er í tísku að segja í dag þá þurftum við að 'söffera' í smá tíma“ Sport Cecilía hélt hreinu og Inter komst áfram Fótbolti Fleiri fréttir Slæm byrjun Chelsea skilaði Bayern sigri „Svekkjandi að við gefum þeim fjögur mörk“ „Sex til sjö leikmenn haltrandi inni á vellinum“ Mourinho tekur við Benfica „Þessi viðbrögð eru auðvitað ekki í lagi“ Swansea gafst ekki upp og skaut Forest úr leik Tvenna Thuram tryggði Inter sigur og PSG fór létt með Atalanta Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Fyrirliðinn kom til bjargar og Liverpool fagnaði seint í fimmta sinn John Andrews tekur við KR Cecilía hélt hreinu og Inter komst áfram Klúðruðu víti en sóttu stigið með stórkostlegu skoti Slæm byrjun Chelsea skilaði Bayern sigri Nýi þjálfarinn hvíldi Elías í bikarsigri Eggert lagði upp tvö en slæmt tap hjá liði Stefáns Gæti hrellt félagið sitt eftir sextán daga í burtu að láni Sverrir strax úr frystinum eftir brottreksturinn Uppgjörið: Keflavík - Njarðvík 1-2 | Njarðvík leiðir Suðurnesjaslaginn en missir Oumar Diouck í leikbann Ágúst hættir hjá Leikni Slot skýtur á þá sem gagnrýna eyðslu Liverpool Kallað eftir feitri sekt og tapi en Stjarnan þarf að greiða 150 þúsund KR geti fallið og Valur að trenda í öfuga átt Umspilið hefst í kvöld: „Fengum hjálp frá greiningardeildinni á Húsavík“ Leikirnir eftir tvískiptingu: Skagamenn fara á Ísafjörð, til Akureyrar og Eyja Partey lýsti sig saklausan af ákærum um nauðgun Ragnar við toppinn í Fantasy: „Er þetta ekki rólegasti tíminn fyrir rithöfunda?“ Brot af því besta úr DocZone: „Er þetta ekki hættulegt?“ Segja áruna yfir röflandi Blikum slæma Rekinn eftir tapið fyrir Qarabag og Mourinho gæti tekið við Sjáðu mörkin úr einum ótrúlegasta hálfleik í sögu Meistaradeildarinnar Sjá meira
Skagamaðurinn ungi var í ítarlegu viðtali við Sportbladet í Svíþjóð þar sem hann fór yfir vistaskiptin og af hverju hann valdi FCK. Skiptu þrjú símtöl sköpum í ákvörðun Ísaks Bergmanns. Jens Gustafsson, fyrrum þjálfari hans, sagði það sama og Jóhannes Karl Guðjónsson, faðir hans og Ari Freyr Skúlason, samherji hjá sænska félaginu og íslenska landsliðinu: „FC Kaupmannahöfn er fullkomið félag fyrir þig.“ „FCK hafði haft áhuga í dágóðan tíma en aldrei lagt fram tilboð. Ég komst að því seint á þriðjudagskvöld að þeir vildu kaupa mig. Þeir vissu hver staða mín var hjá Norrköping og gerðu þeim gott tilboð,“ sagði Ísak Bergmann í viðtalinu við Sportbladet. Hann viðurkenndir að hann hafi ekki reiknað með að hlutirnir myndu ganga svona hratt fyrir sig. Ísak Bergmann Jóhannesson #fcklive pic.twitter.com/IUmCm5pX9h— F.C. København (@FCKobenhavn) September 1, 2021 „Fyrir mér er þetta rétt skref á þessum tíma, rétt skref í rétta átt. Það er ástæðan fyrir því að ég hafði mikinn áhuga þegar FCK hafði samband. Stórt félag sem berst um titla á hverju ári og leikur í Evrópu.“ Þurfti nýja áskorun „Það er alltaf einhver sem er ekki ánægður en almennt er fólk mjög skilningsríkt. Það vita allir að ég vill ná lengra á mínum ferli heldur en að spila eingöngu fyrir Norrköping. Ég vildi samt sýna félaginu virðingu því ég fékk tækifæri þar og verð þeim ævinlega þakklátur. Ég þurfti samt að taka næsta skref, ég þurfti nýja áskorun.“ „Þú getur ekki bætt þig ef þú ert alltaf innan þægindarammans. Þú verður að taka skref í nýja átt til að verða betri.“ Sáttur með skrefið Ísak Bergmann var hreint út sagt stórkostlegur á fyrsta tímabili sínu hjá Norrköping, þegar Jens Gustafsson var við stjórnvölin. Það gekk ekki alveg nægilega vel undir stjórn Rikard Norling á síðustu leiktíð. „Það er satt, þetta hefur verið frekar mikið upp og niður. Bæði hjá mér og liðinu í heild. Það er auðvitað algengt hjá ungum leikmönnum en þegar það gengur lítið upp hjá liðinu þá er það enn erfiðara fyrir ungan leikmann að bera af.“ „Þó gengið hafi verið upp og niður þá þroskaðist ég sem leikmaður undir stjórn Norling. Ég bætti mig til að mynda er varðar taktík, hann hjálpaði mér með þann hluta af leiknum. Það besta við Norrköping var svo að við reyndum alltaf að spila fótbolta á tíma mínum þar. Það var mjög gaman hvað okkur gekk vel að spila góðan fótbolta.“ „Nú hef ég tekið næsta skref á ferli mínum. Ég átti gott ár í fyrra en á mínum aldri þarftu að halda áfram að taka ný skref til að þróa leik þinn. FCK var nákvæmlega það sem ég var að leita að.“ Veit að Svíar eru ekki hrifnir af Dönum og vildi ekki fara í stórlið „Ég hef tekið eftir því að í Svíþjóð er fólk ekki sérstaklega hrifið af Dönum. Þannig er það bara. Ég horfi aðeins á klúbbinn í heild sinni frekar en deildina. Klúbburinn er stór og ég veit að deildin er aðeins betri en sú sænska en það munar ekki miklu. Málið er að FCK er alltaf að berjast um titla og spilar í Evrópu. Þetta er frábært tækifæri fyrir mig til að bæta mig þar sem þetta verður alvöru áskorun.“ „Ef ég hefði farið í enn stærra lið hefðu mögulega liðið sex til níu mánuðir þangað til ég myndi spila. Það er langur tími fyrir ungan leikmann. Þó ég muni ef til vill ekki spila alla leiki á næstunni þá má ég það samt. Þú þroskast sem leikmaður við að spila leiki.“ „Það var mikið talað um hin og þessi lið en ég vissi strax að ég vildi ekki fara til Manchester United, Juventus eða stórliða á borð við þau. Ég vill vera þar eftir tíu ár, þegar ég er 28 ára gamall og verð að nálgast mitt besta. Ég mun vinna að því takmarki allan þann tíma sem það tekur en það er samt ekkert stress.“ „Ég þarf ekki mikinn pening. Það skiptir mig ekki miklu máli. Ég vill þróast sem leikmaður og persóna.“ „Ég hugsað um það mikið,“ sagði Ísak varðandi hvort Norrköping hefði ekki getað fengið betur borgað ef til að mynda eitt af stórliðum álfunnar hefði fest kaup á honum. „Ég vissi samt að það yrði aldrei jafn há upphæð og var talið um. Ég vissi sjálfur að ég vildi ekki fara í lið sem væri of stórt. Ég held líka að Norrköping hafi sett klásúlu þess efnis að þeir fái dágóða summu þegar þar að kemur.“ Vill fara alla leið „Að byrja ferilinn hjá Norrköping var frábært. Það er enginn betri klúbbur betur til þess fallinn en Norrköping. Félagið sá vel um mig frá 15 ára aldri og nú yfirgef ég það sem ungur maður. Ég gæti ekki verið þakklátari en ég þarf að fara út úr þægindarammanum til að þróa minn leik, ég vil fara alla leið,“ sagði Ísak Bergmann Jóhannesson að endingu í viðtali við Sportbladet um nýtt ævintýri sitt í Kaupmannahöfn.
Fótbolti Sænski boltinn Danski boltinn Mest lesið „Þessi viðbrögð eru auðvitað ekki í lagi“ Fótbolti „Sex til sjö leikmenn haltrandi inni á vellinum“ Fótbolti „Svekkjandi að við gefum þeim fjögur mörk“ Fótbolti Mourinho tekur við Benfica Fótbolti Janus sagður á leið til Barcelona Handbolti Fyrirliðinn kom til bjargar og Liverpool fagnaði seint í fimmta sinn Fótbolti Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Íslenski boltinn John Andrews tekur við KR Íslenski boltinn „Eins og það er í tísku að segja í dag þá þurftum við að 'söffera' í smá tíma“ Sport Cecilía hélt hreinu og Inter komst áfram Fótbolti Fleiri fréttir Slæm byrjun Chelsea skilaði Bayern sigri „Svekkjandi að við gefum þeim fjögur mörk“ „Sex til sjö leikmenn haltrandi inni á vellinum“ Mourinho tekur við Benfica „Þessi viðbrögð eru auðvitað ekki í lagi“ Swansea gafst ekki upp og skaut Forest úr leik Tvenna Thuram tryggði Inter sigur og PSG fór létt með Atalanta Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Fyrirliðinn kom til bjargar og Liverpool fagnaði seint í fimmta sinn John Andrews tekur við KR Cecilía hélt hreinu og Inter komst áfram Klúðruðu víti en sóttu stigið með stórkostlegu skoti Slæm byrjun Chelsea skilaði Bayern sigri Nýi þjálfarinn hvíldi Elías í bikarsigri Eggert lagði upp tvö en slæmt tap hjá liði Stefáns Gæti hrellt félagið sitt eftir sextán daga í burtu að láni Sverrir strax úr frystinum eftir brottreksturinn Uppgjörið: Keflavík - Njarðvík 1-2 | Njarðvík leiðir Suðurnesjaslaginn en missir Oumar Diouck í leikbann Ágúst hættir hjá Leikni Slot skýtur á þá sem gagnrýna eyðslu Liverpool Kallað eftir feitri sekt og tapi en Stjarnan þarf að greiða 150 þúsund KR geti fallið og Valur að trenda í öfuga átt Umspilið hefst í kvöld: „Fengum hjálp frá greiningardeildinni á Húsavík“ Leikirnir eftir tvískiptingu: Skagamenn fara á Ísafjörð, til Akureyrar og Eyja Partey lýsti sig saklausan af ákærum um nauðgun Ragnar við toppinn í Fantasy: „Er þetta ekki rólegasti tíminn fyrir rithöfunda?“ Brot af því besta úr DocZone: „Er þetta ekki hættulegt?“ Segja áruna yfir röflandi Blikum slæma Rekinn eftir tapið fyrir Qarabag og Mourinho gæti tekið við Sjáðu mörkin úr einum ótrúlegasta hálfleik í sögu Meistaradeildarinnar Sjá meira
Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Íslenski boltinn
Uppgjörið: Keflavík - Njarðvík 1-2 | Njarðvík leiðir Suðurnesjaslaginn en missir Oumar Diouck í leikbann
Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Íslenski boltinn