Erlent

Líffæraflutningum hefur fækkað verulega í Covid-faraldrinum

Hólmfríður Gísladóttir skrifar
Á Bretlandseyjum hafa 3.391 líffæraflutningar verið framkvæmdir í Covid-faraldrinum, samanborið við 4.761 áður.
Á Bretlandseyjum hafa 3.391 líffæraflutningar verið framkvæmdir í Covid-faraldrinum, samanborið við 4.761 áður.

Líffæraflutningum hefur fækkað verulega í Covid-19 faraldrinum en mismikið eftir löndum. Þeim fækkaði til að mynda um tæp 10 prósent í Kanada árið 2020 en um tæp 67 prósent í Japan.

Samkvæmt niðurstöðum alþjóðlegrar rannsóknar, sem voru birtar í Lancet Public Health fækkaði líffæraflutningum á heilum líffærum um 31 prósent í 22 ríkjum í fyrstu bylgju faraldursins.

Aðgerðum fjölgaði á ný yfir sumarmánuðina en fækkaði aftur í október, nóvember og desember. Á ársgrundvelli nam fækkunin 16 prósentum. Það jafngildir því að 11.200 færri líffæraflutningar voru framkvæmdir 2020 en árið á undan.

Eins og fyrr segir var munurinn nokkuð mikill eftir löndum, sem rannsakendurnir segja þörf á að skoða nánar. Hins vegar leiddi rannsóknin einnig í ljós að nýrnaflutningum fækkaði mest, um tæp 20 prósent, sem má líklega rekja til þess að einstaklingar með nýrnabilun geta yfirleitt beðið lengur eftir aðgerð en þeir sem bíða eftir til dæmis hjarta eða lifur.

Þá fækkaði aðgerðum þar sem líffæri voru flutt úr lifandi gjöfum meira en aðgerðir þar sem líffæri voru fengin frá látnum líffæragjöfum en skýrist líklega af því að menn hafi ekki talið það forsvaranlegt að framkvæma aðgerðir á lifandi gjöfum í miðjum smitsjúkdómafaraldri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.