Erlent

Vildi myrða glaðar konur

Samúel Karl Ólason skrifar
Sjúkraflutningamenn flytja eitt fórnarlamb árásarinnar úr lestarstöð í Tókýó.
Sjúkraflutningamenn flytja eitt fórnarlamb árásarinnar úr lestarstöð í Tókýó. AP/Kyodo News

Maður var handtekinn fyrir að særa tíu manns með hnífi í lest í Tókýó í Japan í gær. Hann sagði lögregluþjónum að hann hefði séð konur sem virtust glaðar í lestinni og að hann vildi myrða þær.

Í frétt NHK segir að maðurinn sé 36 ára gamall og hann heiti Tsushima yusuke. Hann dró upp hníf um borð í lestinni og réðst þar á fólk. Ein kona á þrítugsaldri særðist alvarlega á baki og annarsstaðar en enginn var í lífshættur.

Árásarmaðurinn stökk út úr lestinni og flúði en hann var handtekinn þegar hann gekk inn í verslun í um fimm kílómetra fjarlægð.

Þar mun maðurinn hafa tilkynnt að hann væri árásarmaðurinn í lestinni og að hann væri þreyttur á því að flýja.

Reuters vitnar í annan japanskan miðil sem segir árásarmanninn hafa sagt lögregluþjónum að hann hafi byrjað að vilja myrða glaðar konur fyrir um sex árum síðan. Honum hafi þó í raun verið sama hvern hann dræpi, svo lengi sem hann dræpi marga.

Hann hefur játað verknaðinn og verður líklegast ákærður fyrir morðtilraunir.

Ofbeldisglæpir eru tiltölulega sjaldgæfir í Japan en fréttaveitan segir þó að nokkrar hnífaárásir þar sem ráðist hefur verið á fólk að handahófi hafi átt sér stað. Mikil öryggisgæsla er í Tókýó vegna ólympíuleikana sem standa þar yfir.

Japan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið