Lífið samstarf

Öskraði þegar hann heyrði fréttirnar

MINISO
Binni Glee leitar uppi MINISO búðir hvar sem er í heiminum. „Ég elska þessa búð!"
Binni Glee leitar uppi MINISO búðir hvar sem er í heiminum. „Ég elska þessa búð!"

Binni Glee trylltist af fögnuði þegar uppáhalds búðin hans var opnuð í Kringlunni.

„Mér finnst alveg gaman að versla. Ég er mjög hagsýnn og skipulagður í fjármálunum og elska að gera góð kaup. Ég er týpan sem fer yfir strimilinn eftir innkaupaferð, er alltaf „on a budget“. Ef einhversstaðar er auglýst útsala eða afsláttur er ég mættur,“ segir Brynjar Steinn Gylfason betur þekktur sem Binni Glee. Hann segist þó vilja ákveðin gæði fyrir peninginn og kaupir ekkert drasl. Hann fagnaði því ákaft þegar japanska lífsstílsverslunin MINISO var opnuð í Kringlunni en þar fer saman flott hönnun og afar gott verð.

„Ég öskraði bara þegar ég sá að MINISO myndi opna. Ég bjó á Akureyri þá en var mættur um leið og ég komst suður, sjúklega spenntur. Ég elska þessa búð. Þarna er allt svo ódýrt en samt svo góðar vörur og ótrúlega krúttlegar,“ segir Binni en hann þekkti búðina vel.

„Ég uppgötvaði MINISO fyrst árið 2018 þegar ég var á Filipseyjum og þá fyllti ég heila ferðatösku! Ég er reyndar mjög hrifinn af asískum búðum enda hálfur Filipseyingur en MINISO er uppáhaldsbúðin mín í heiminum. Ég fór til Kóreu sama ár og fór beint í MINISO og áður en ég fór til Þýskalands árið 2019 var ég búinn að gúggla fyrirfram hvar ég finndi MINISO búð og gerði mér síðan sérferð í það moll,“ segir Binni.

Augnmaski sem hitnar er uppáhalds varan hans Binna.

Hann segir vöruúrvalið mismunandi eftir löndum og alltaf eitthvað nýtt og spennandi bætast við. MINISO býður upp á frábært úrval af vörum, þ.á.m. heilmikið af snyrtivörum; förðunarbursta, svampa, naglalakk og tæki til að hreinsa húð. Einnig býður MINISO upp á vörur fyrir heimilið; glös, bolla, hnífapör, geymslubox og gólfmottur. Sömuleiðis er MINISO með sniðugar vörur fyrir ferðalög og útilegur; brúsa, hnakkapúða, ferðasnyrtitöskur, ferðatöskur, svefngrímur og margt fleira. Síðan er MINISO með heilmikið úrval af raftækjum; Heyrnatólum, hátalara, rakatæki, hulstur fyrir síma og vekjaraklukkur. Og þá er MINISO með leikföng og bangsa af öllum stærðum og gerðum en bangsarnir hafa verið með vinsælustu vörunum í MINISO.

MINISO kemur í hverjum mánuði með nýjar og spennandi vörur og því yfirleitt hægt að finna eitthvað nýtt í hvert skipti sem þú heimsækir verslunina. Bara í þessum mánuði komu yfir eitt þúsund nýjar vörutegundir og fleiri nýjar vörur munu koma fyrir lok sumars.

„Það er svo gaman að eiga vörur úr þessari búð því það er allt svo krúttlegt. Ég kaupi líklega mest snyrtivörur og lítil handklæði eða þvottastykki en líka kerti og ilmstangir fyrir heimilið,“ segir Binni. „Uppáhaldsvaran mín er augnmaski sem hitnar. Augun verða æði! Ég nota hann áður en ég fer að sofa og þá vakna ég laus við bauga. Ég keypti sex pakka af þessum maska á Filipseyjum og þegar þeir komu í búðina hér heima keypti ég strax fjóra pakka til að eiga. Ég hef líka verið að kaupa krúttleg glös og hulstur á símann, heyrnartól og ferðakodda til að nota í flugvél. Það er hægt að finna allt í þessari búð. Ef fólk þarf að kaupa skemmtilega gjöf „on a budget“ þá mæli ég með því að kíkja þangað,“ segir Binni.






Fleiri fréttir

Sjá meira


×