Bein útsending: Kvöldfréttir Stöðvar 2

Erla Björg Gunnarsdóttir skrifar 4. ágúst 2021 18:01

Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30. Vísir

Flest bendir til að kórónuveiran sé að flæða yfir landamærin þar sem yfir helmingur smitaðra greinist með nýjar stökkbreytingar delta-veirunnar að sögn forstjóra Íslenskrar erfðagreiningar.

Rætt verður við Kára Stefánsson í kvöldfréttum Stöðvar 2 en hann telur að skima eigi alla á landamærunum og þannig sé hægt að takmarka aðgerðir innanlands.

Í fréttatímanum ræðum við einnig við Erling Jóhannesson, formann Bandalags íslenskra listamanna, sem er einn þeirra sem fundaði með stjórnvöldum í dag í vinnu þeirra við kortleggja leiðina til að lifa með veirunni.

Ísland verður rautt á korti Sóttvarnastofnunar Evrópu á morgun og munu því gilda aðrar reglur um íslenska ferðalanga víða um heim. Farið verður yfir það í fréttatímanum og við heyrum í skipuleggjendum Menningarnætur, en í dag kom tilkynning um að búið væri að aflýsa öllum viðburðum þann 21. ágúst.

Þetta og meira til í kvöldfréttum á samtengdum rásum Stöðvar 2, Bylgjunnar og á Vísi kl. 18:30.

Kvöldfréttirnar eru nú í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.