Danskur prestur í fimmtán ára fangelsi fyrir hrottalegt morð Kolbeinn Tumi Daðason skrifar 4. ágúst 2021 10:25 Thomas Gotthard var dæmdur í fimmtán ára fangelsi fyrir morðið á eiginkonu sinni Mariu From Jakobsen. Lögreglan á Norður-Sjálandi Sóknarprestur í Danmörku hefur verið dæmdur í fimmtán ára fangelsi fyrir að myrða eiginkonu sína. Presturinn, Thomas Gotthard, játaði í dómsal í Hillerød í gær að hafa skipulagt morðið og losað sig við líkið að verkinu loknu. Danska ríkisútvarpið greinir frá niðurstöðunni þar sem fram kemur að morð hins 45 ára Gotthard á eiginkonunni, Mariu From Jakobsen sem var 43 ára, hafi verið þaulskipulagt. Hann viðurkenndi morðið en einnig að hafa bútað niður líkið og láta líta þannig út fyrir að eiginkonan hefði látið sig hverfa af fúsum og frjálsum vilja. Þinghald í málinu var lokað allt þar til í gær þegar Gotthard játaði verknaðinn og las upp yfirlýsingu þess efnis. Í framhaldinu var þinghaldið opnað almenningi og var niðurstaðan fimmtán ára fangelsi. Gotthard þarf að greiða allan málskostnað og sviptur öllum greiðslum vegna líftryggingar og lífeyris eiginkonunnar. Ástæða er til að vara lesendur við lýsingum á verknaðinum hér að neðan. Handtekinn þremur vikum síðar Það var í október í fyrra sem Maria From Jakobsen hvarf. Lögreglan á Norður-Sjálandi lýsti eftir henni en handtók Gotthard svo þremur vikum síðar grunaðan um morð. Hann hefur síðan verið í gæsluvarðhaldi. Gotthard þrætti í sjö mánuði fyrir að hafa myrt eiginkonu sína. Það var svo í júní sem lögreglan staðfesti að líkamsleifar Mariu hefðu fundist fyrir tilstillan Gotthard. Á þeim tíma hafði hann jafnframt játað að hafa myrt hana. Anne-Mette Seerup, saksóknari í málinu, hafði eftir Gotthard í opnu þinghaldi í gær að hann hefði játað svo að hans nánustu og fjölskylda Mariu gætu haldið áfram með líf sitt. Hann hafi viljað gefa fjölskyldunni frið. Keypti 208 lítra tunnu Í máli Seerup saksóknara kom fram að skipulagning morðsins hefði minnt á áhugamál. Hann hefði búið til lista yfir hluti til að gera. Í ákærunni kom fram að þann 19. október hefði hann farið í danska stórmarkaðinn Føtex hvar hann las innihaldslýsingar á ýmsum efnum til að komast að því hvert þeirra væri mest ætandi. Hann var innblásinn af sjónvarpsþáttaseríunni Breaking Bad þar sem hann mundi eftir því að lík hafði verið leyst upp í sýru. Hann keypti 208 lítra tunnu þar sem hann ætlaði að geyma líkið og ætandi sýru í byggingavöruversluninni Jem & Fix. Þá bjó hann þannig um hnútana að hvarf Mariu hefði verið að hennar eigin frumkvæði. Skyldi hann bíl hennar meðal annars eftir á ákveðnum stað og notaði gamalt bréf frá henni til hans sem kveðjubréf. Sendi konunni skilaboð til að blekkja Það var 26. október sem hann sló konu sína í höfuðið með steini í garðinum þeirra, hélt fyrir vit hennar í fleiri mínútur þar til hún kafnaði. Geymdi hann svo líkið í tunnunni í læstum skúr. Ók hann líkinu á yfirgefinn bóndabæ þar sem hann helti fleiri lítrum af sýru yfir það. Það gekk ekki eins og hann hafði reiknað með og endaði hann á að grafa líkið í jörð við yfirgefinn veiðiskúr. Hann reyndist ekki fullkomlega sannfærður um að það gengi upp. Gróf hann því líkið aftur upp, bútaði það niður og brenndi. Hryllingurinn tók marga daga en á meðan taldi fjölskyldan að Maria hefði bara horfið. Í dómssalnum kom fram að Gotthard reyndi að villa um fyrir lögreglu með því að senda henni endurtekið textaskilaboð og slökkti á síma sínum þegar hann var á ferðinni. Hélt fram hjá Fram kom við þinghaldið í gær að Gotthard hefði átt í ástarsambandi við aðra konu í mörg ár. Konu sem presturinn kynntist í gegnum vinnu sína. Hann sagðist hafa átt í innri baráttu varðandi hvort hann ætti að myrða konu sína. Hann hefði hins vegar þurft innri frið. Saksóknarinn Seerup gaf lítið fyrir þessar skýringar. „Þetta er ekki sorgleg ástarsaga manns sem skildi við konu sína af því hann gat ekki fengið ást lífs síns,“ sagði Seerup. „Þetta er saga manns sem myrti Mariu From Jakobsen með köldu blóði. Manns sem breyttist úr eiginmanni í morðingja.“ Þá bætti saksóknari við að engin ástæða væri til mildunar dómsins jafnvel þótt Gotthard hefði að lokum leitt lögreglu á slóð líkamsleifanna. Niðurstaða væri komin í málið vegna ítarlegrar rannsóknar lögreglu. Morðið hefði verið þaulskipulagt og verulega óhuggulegt. Engum öðrum um að kenna Gotthard átti lokaorðin í dómsalnum í Hillerød í gær. „Ég drap Mariu,“ sagði Gotthard og las upp af blaði. „Einn míns liðs ákvað ég að binda endi á framtíð hennar og drauma. Á sama tíma svipti ég börn okkar skilyrðislausrar ástar móður sinnar.“ Enginn ætti að vorkenna honum og hann gæti engum nema sjálfum sér um kennt. Að lokinni dómsuppsögu sagðist hann ætla að hugsa sig um varðandi hvort dómnum verði áfrýjað. Danmörk Erlend sakamál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enok ákærður fyrir að fleygja manni niður tröppur og berja annan Innlent Gosið gæti þúsundfaldast við nýjan atburð Innlent „Ég sé engar staðreyndavillur í þessum þætti“ Innlent Segja „alvarlegar staðreyndavillur“ í umfjöllun Kastljóss Innlent Forsetavaktin 2024: Hver verður sjöundi forseti lýðveldisins? Innlent Séra Guðrún kjörin biskup Íslands Innlent „Skítkastið var ógeðslegt“ Innlent Skotárás við heimili Drake Erlent Lífverðir Selenskís sakaðir um að skipuleggja banatilræði Erlent Undirbúa hópuppsögn hjá Grindavíkurbæ Innlent Fleiri fréttir Segir Bandaríkjamenn þurfa að þrýsta á Ísraela Skotárás við heimili Drake Stormy Daniels í dómsal með Trump Lífverðir Selenskís sakaðir um að skipuleggja banatilræði Reynt að siga lögreglu á vitni í málinu gegn Trump Fundu hlerunarbúnað í fundarherbergi ráðherra Pútín hefur fimmta kjörtímabilið með meiri völd en áður Sagðist saklaus af því að hafa drepið með eitruðum sveppum Verðhækkanir á döner-kebab eitt helsta áhyggjuefni Þjóðverja Geimskoti Starliner var frestað í nótt Segja nýjar reglur um merkingar blekkingarleik laxeldisfyrirtækja Ísraelsmenn í aðgerðum í Rafah og taka yfir landamærastöðina Tillagan „langt frá“ grundvallarkröfum Ísraela Ferðamannastaðir Færeyja lokaðir vegna viðhalds Bein útsending: Starliner ber geimfara til geimstöðvarinnar Hamas samþykkir vopnahléstillögu Áttatíu og tveggja ára Bernie vill sex ár í viðbót Ávítti Trump aftur og ítrekaði fangelsishótun Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Sjá meira
Danska ríkisútvarpið greinir frá niðurstöðunni þar sem fram kemur að morð hins 45 ára Gotthard á eiginkonunni, Mariu From Jakobsen sem var 43 ára, hafi verið þaulskipulagt. Hann viðurkenndi morðið en einnig að hafa bútað niður líkið og láta líta þannig út fyrir að eiginkonan hefði látið sig hverfa af fúsum og frjálsum vilja. Þinghald í málinu var lokað allt þar til í gær þegar Gotthard játaði verknaðinn og las upp yfirlýsingu þess efnis. Í framhaldinu var þinghaldið opnað almenningi og var niðurstaðan fimmtán ára fangelsi. Gotthard þarf að greiða allan málskostnað og sviptur öllum greiðslum vegna líftryggingar og lífeyris eiginkonunnar. Ástæða er til að vara lesendur við lýsingum á verknaðinum hér að neðan. Handtekinn þremur vikum síðar Það var í október í fyrra sem Maria From Jakobsen hvarf. Lögreglan á Norður-Sjálandi lýsti eftir henni en handtók Gotthard svo þremur vikum síðar grunaðan um morð. Hann hefur síðan verið í gæsluvarðhaldi. Gotthard þrætti í sjö mánuði fyrir að hafa myrt eiginkonu sína. Það var svo í júní sem lögreglan staðfesti að líkamsleifar Mariu hefðu fundist fyrir tilstillan Gotthard. Á þeim tíma hafði hann jafnframt játað að hafa myrt hana. Anne-Mette Seerup, saksóknari í málinu, hafði eftir Gotthard í opnu þinghaldi í gær að hann hefði játað svo að hans nánustu og fjölskylda Mariu gætu haldið áfram með líf sitt. Hann hafi viljað gefa fjölskyldunni frið. Keypti 208 lítra tunnu Í máli Seerup saksóknara kom fram að skipulagning morðsins hefði minnt á áhugamál. Hann hefði búið til lista yfir hluti til að gera. Í ákærunni kom fram að þann 19. október hefði hann farið í danska stórmarkaðinn Føtex hvar hann las innihaldslýsingar á ýmsum efnum til að komast að því hvert þeirra væri mest ætandi. Hann var innblásinn af sjónvarpsþáttaseríunni Breaking Bad þar sem hann mundi eftir því að lík hafði verið leyst upp í sýru. Hann keypti 208 lítra tunnu þar sem hann ætlaði að geyma líkið og ætandi sýru í byggingavöruversluninni Jem & Fix. Þá bjó hann þannig um hnútana að hvarf Mariu hefði verið að hennar eigin frumkvæði. Skyldi hann bíl hennar meðal annars eftir á ákveðnum stað og notaði gamalt bréf frá henni til hans sem kveðjubréf. Sendi konunni skilaboð til að blekkja Það var 26. október sem hann sló konu sína í höfuðið með steini í garðinum þeirra, hélt fyrir vit hennar í fleiri mínútur þar til hún kafnaði. Geymdi hann svo líkið í tunnunni í læstum skúr. Ók hann líkinu á yfirgefinn bóndabæ þar sem hann helti fleiri lítrum af sýru yfir það. Það gekk ekki eins og hann hafði reiknað með og endaði hann á að grafa líkið í jörð við yfirgefinn veiðiskúr. Hann reyndist ekki fullkomlega sannfærður um að það gengi upp. Gróf hann því líkið aftur upp, bútaði það niður og brenndi. Hryllingurinn tók marga daga en á meðan taldi fjölskyldan að Maria hefði bara horfið. Í dómssalnum kom fram að Gotthard reyndi að villa um fyrir lögreglu með því að senda henni endurtekið textaskilaboð og slökkti á síma sínum þegar hann var á ferðinni. Hélt fram hjá Fram kom við þinghaldið í gær að Gotthard hefði átt í ástarsambandi við aðra konu í mörg ár. Konu sem presturinn kynntist í gegnum vinnu sína. Hann sagðist hafa átt í innri baráttu varðandi hvort hann ætti að myrða konu sína. Hann hefði hins vegar þurft innri frið. Saksóknarinn Seerup gaf lítið fyrir þessar skýringar. „Þetta er ekki sorgleg ástarsaga manns sem skildi við konu sína af því hann gat ekki fengið ást lífs síns,“ sagði Seerup. „Þetta er saga manns sem myrti Mariu From Jakobsen með köldu blóði. Manns sem breyttist úr eiginmanni í morðingja.“ Þá bætti saksóknari við að engin ástæða væri til mildunar dómsins jafnvel þótt Gotthard hefði að lokum leitt lögreglu á slóð líkamsleifanna. Niðurstaða væri komin í málið vegna ítarlegrar rannsóknar lögreglu. Morðið hefði verið þaulskipulagt og verulega óhuggulegt. Engum öðrum um að kenna Gotthard átti lokaorðin í dómsalnum í Hillerød í gær. „Ég drap Mariu,“ sagði Gotthard og las upp af blaði. „Einn míns liðs ákvað ég að binda endi á framtíð hennar og drauma. Á sama tíma svipti ég börn okkar skilyrðislausrar ástar móður sinnar.“ Enginn ætti að vorkenna honum og hann gæti engum nema sjálfum sér um kennt. Að lokinni dómsuppsögu sagðist hann ætla að hugsa sig um varðandi hvort dómnum verði áfrýjað.
Danmörk Erlend sakamál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enok ákærður fyrir að fleygja manni niður tröppur og berja annan Innlent Gosið gæti þúsundfaldast við nýjan atburð Innlent „Ég sé engar staðreyndavillur í þessum þætti“ Innlent Segja „alvarlegar staðreyndavillur“ í umfjöllun Kastljóss Innlent Forsetavaktin 2024: Hver verður sjöundi forseti lýðveldisins? Innlent Séra Guðrún kjörin biskup Íslands Innlent „Skítkastið var ógeðslegt“ Innlent Skotárás við heimili Drake Erlent Lífverðir Selenskís sakaðir um að skipuleggja banatilræði Erlent Undirbúa hópuppsögn hjá Grindavíkurbæ Innlent Fleiri fréttir Segir Bandaríkjamenn þurfa að þrýsta á Ísraela Skotárás við heimili Drake Stormy Daniels í dómsal með Trump Lífverðir Selenskís sakaðir um að skipuleggja banatilræði Reynt að siga lögreglu á vitni í málinu gegn Trump Fundu hlerunarbúnað í fundarherbergi ráðherra Pútín hefur fimmta kjörtímabilið með meiri völd en áður Sagðist saklaus af því að hafa drepið með eitruðum sveppum Verðhækkanir á döner-kebab eitt helsta áhyggjuefni Þjóðverja Geimskoti Starliner var frestað í nótt Segja nýjar reglur um merkingar blekkingarleik laxeldisfyrirtækja Ísraelsmenn í aðgerðum í Rafah og taka yfir landamærastöðina Tillagan „langt frá“ grundvallarkröfum Ísraela Ferðamannastaðir Færeyja lokaðir vegna viðhalds Bein útsending: Starliner ber geimfara til geimstöðvarinnar Hamas samþykkir vopnahléstillögu Áttatíu og tveggja ára Bernie vill sex ár í viðbót Ávítti Trump aftur og ítrekaði fangelsishótun Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Sjá meira