Lífið

Anna og Valdimar í skýjunum með frum­burðinn

Eiður Þór Árnason skrifar
Anna Björk og Valdimar eignuðust sumarkríli á dögunum.
Anna Björk og Valdimar eignuðust sumarkríli á dögunum. Facebook

Tónlistarmaðurinn Valdimar Guðmundsson og Anna Björk Sigurjónsdóttir, hjúkrunarnemi og flugfreyja hjá Icelandair, eru í skýjunum eftir að nýr sonur þeirra mætti með hvelli í heiminn á mánudag.

Anna Björk eignaðist frumburðinn einungis rúmum tveimur tímum eftir að hún missti vatnið og vóg drengurinn sautján merkur.

„Nú erum við komin með nýja titla, mamma og pabbi, sem er eitthvað svo ótrúlegt. Mikið sem við hlökkum til að horfa á þennan dreng vaxa og dafna og sigra heiminn,“ skrifar Valdimar í hjartnæmri færslu á Facebook-síðu sinni.

Valdimar og Anna Björk kynntust árið 2018 en Valdimar ræddi ástina í viðtali í Einkalífinu ári seinna. Þar fór hann fögrum orðum um Önnu Björk og sagði hana „yndislega himnasendingu“ sem hefði gert hann að mýkri manni.


Tengdar fréttir

Valdimar og Anna Björk eiga von á barni

Söngvarinn Valdimar á von á sínu fyrsta barni með unnustu sinni Önnu Björk Sigurjónsdóttur. Frá þessu greinir Valdimar á Facebook.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.