Kynjahlutföll kjósenda Miðflokks og Pírata eru nánast jöfn. Mestu munar hjá Vinstri grænum en fjórar konur kjósa flokkinn fyrir hvern karlmann. Þetta sýna niðurstöður könnunar sem MMR gerði í samstarfi við Morgunblaðið.
Kjósendur Samfylkingarinnar eru einnig líklegri til að vera konur en þó munar ekki jafnmiklu og hjá Vinstri hreyfingunni - grænu framboði.
Karlmenn virðast vera líklegri til að kjósa flokka á hægri væng stjórnmálanna. Þrír karlmenn kjósa Sjálfstæðisflokkinn fyrir hverjar tvær konur. Meðal kjósenda Viðreisnar eru karlar miklum mun fleiri.
Sem áður segir eru kynjahlutföll nánast alveg jöfn hjá kjósendum Miðflokks og Pírata. Örlítið fleiri karlmenn segjast styðja Sósíalistaflokkinn.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
