Innlent

Gul við­vörun í kvöld

Vésteinn Örn Pétursson skrifar
Gul veðurviðvörun tekur gildi á Suðausturlandi í kvöld.
Gul veðurviðvörun tekur gildi á Suðausturlandi í kvöld. Skjáskot

Búast má við fremur mildum sunnanvindum með súld eða rigningu sunnan- og vestanlands framan af degi, en vestlægari átt og skúrum eftir það. Þetta kemur fram í hugleiðingum veðurfræðings á vef Veðurstofu Íslands.

Þar segir að síðdegis muni hvessa talsvert sunnanlands og reikna megi með snörpum vindhviðum í Mýrdal og Öræfum í kvöld. Slíkt geti verið varasamt fyrir ökutæki með aftanívagna. Því tekur gul veðurviðvörun gildi á Suðausturlandi klukkan sjö í kvöld.

Næstu daga má áfram búast við sunnan- og suðvestanáttum með dálítilli vætu næstu daga, einkum sunnan og vestan til og hlýnandi veðri.

Veðurhorfur á landinu næstu daga:

Á fimmtudag:

Sunnan og suðvestan 8-13 m/s og rigning eða súld með köflum, en víða léttskýjað NA-til. Hiti 10 til 20, hlýjast eystra.

Á föstudag:

Suðvestlæg átt, 5-13 m/s. Rigning eða súld með köflum og skúrir seinni partinn, en víða bjartviðri eystra. Hiti 10 til 20, hlýjast NA-til.

Á laugardag:

Vestlæg átt, 5-10 m/s, skýjað með köflum og víða smá skúrir, en léttskýjað SA-lands. Hiti 9 til 17 stig, hlýjast á SA-landi.

Á sunnudag, mánudag og þriðjudag:

Líklega suðvestanátt með þokusúld á V-verðu landinu, en annars bjart og mjög hlýtt veður.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið