Innlent

Hannes skoðar úr­skurðinn með lög­mönnum sínum

Nadine Guðrún Yaghi skrifar
Hannes Hjartarson ætlar ekki að tjá sig um málið. 
Hannes Hjartarson ætlar ekki að tjá sig um málið. 

Hannes Hjartarson, háls, nef- og eyrnalæknirinn sem sviptur var starfsleyfi vegna ónauðsynlegra skurðaðgerða, ætla ekki að tjá sig um efni úrskurðar heilbrigðisráðuneytisins eða málið að öðru leyti. 

Þetta kemur fram í tilkynningu Hannesar til fréttastofu. Þar segir jafnframt að hann hafi móttekið úrskurð ráðuneytisins og muni fara yfir efni hans með lögmönnum sínum. 

Hannes starfaði á Handlæknastöðinni þar til í desember 2019. Hann var sviptur starfsleyfi eftir umfangsmikla rannsókn embættis landlæknis á starfsháttum hans. Niðurstaða óháðra sérfræðinga var að hann hefði framkvæmt ónauðsynlegar skurðaðgerðir og einnig óeðlilega margar aðgerðir eða 53 ónefndar aðgerðir, á þriggja mánaða tímabili, á meðan aðrir læknar á sömu stofu gerðu núll til tvær aðgerðir. 

Heilbrigðisráðuneytið birti í gær úrskurð þar sem ákvörðun landlæknis um að svipta Hannes starfsleyfi sínu er staðfest. 

Rætt verður við stjórnarformann Handlæknastöðvarinnar í Kvöldfréttum Stöðvar 2 í kvöld sem segist vera miður sín yfir málinu. Verkferlar hafi verið endurskoðaðir hjá handlæknastöðinni. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.