Gæslustjóri sniðgengur Þjóðhátíð og ritstjóri safnar undirskriftum Óttar Kolbeinsson Proppé skrifar 6. júlí 2021 14:18 Þjóðhátíðarnefnd sendi frá sér yfirlýsingu í gær þar sem tilkynnt var að Ingó myndi ekki annast brekkusönginn í ár eins og til stóð. vísir/vilhelm Baldur Már Róbertsson, sem hefur stýrt gæsluhópi á Þjóðhátíð síðustu átta ár, segir að hvorki hann né nokkur á hans vegum muni koma nálægt hátíðinni í ár. Tryggvi Már Sæmundsson, ritstjóri Eyjar.net og útflutningsstjóri, hefur þá stofnað til undirskriftarlista til að mótmæla því að Ingólfur Þórarinsson, eða Ingó veðurguð, hafi verið afbókaður af Þjóðhátíð. Baldur segist vera afar ósáttur við ákvörðun þjóðhátíðarnefndar um að hætta við að fá Ingó veðurguð til að sjá um brekkusönginn eftir það sem Baldur kallar „nafnlausar upphrópanir á netinu sem taka fólk af lífi án dóms og laga“. Framkvæmdastjóri forvarnarhópsins Bleika Fílsins fagnar því að losna við mann með slík viðhorf úr gæslunni. „Ég er ekki sáttur við það að einhver hópur sem kallar sig Öfgafemínista geti komið með einhverjar nafnlausar ásakanir á hendur mönnum sem að mínu besta viti eru ekki þekktir fyrir ofbeldi,“ segir Baldur Már við Vísi og vísar þar til hópsins Öfga á TikTok, sem birti sögur fleiri en tuttugu kvenna, sem lýsa kynferðislegu ofbeldi af hálfu Ingós. Í kjölfarið fóru fleiri og fleiri að greina frá sögum af Ingó á Twitter. Smá könnun: Hvenær heyrðuð þið fyrst að (ungar)stelpur þyrftu að passa sig á tilteknum ónefndum tónlistarmanni?Ég skal byrja: Árið 2008. Var í partýi og heyri stelpur tala saman um hann.— Sindri Þór (@sindri8me) July 4, 2021 Baldur segir þjóðhátíðarnefndina ekki hafa neitt fyrir sér í ákvörðun sinni annað en þessar nafnlausu sögur. „Við vitum ekkert hvað er á bak við þetta. Kannski er hann sekur en maður veit það ekki – getum við dæmt um það?“ Undarlegt viðhorf gæslumanns Í áraraðir hefur Þjóðhátíð í Vestmannaeyjum verið gagnrýnd sem fyrirbæri vegna fjölda kynferðisbrota sem eru framin þar árlega. Árið 2017 voru tíu nauðgarnir tilkynntar til lögreglu eftir Þjóðhátíð og árið 2018 voru þær átta. Spurður hvort sér þyki það ekki sniðugt hjá nefndinni að bregðast við ásökunum af festu og trúa þolendum eftir mikla gagnrýni síðustu árin segir Baldur ekki telja svo vera. „Nei, mér finnst það ekki. Ekki miðað við að þeir hafa ekkert fyrir sér í þessari ákvörðun.“ Baldur tjáði þessi viðhorf sín upprunalega í umræðuhópi Vestmanneyinga á Facebook, Heimakletti. Færsla hans þar vekur misjöfn viðbrögð. Þar er viðhorf þeirra sem eru fegnir við að losna við mann með skoðanir eins og Baldur úr gæslunni afar áberandi og bregst kona nokkur, sem kveðst hafa verið í gæsluhópi hans við orðum hans: „Ég hef farið út sem hluti af þínum hóp Baldur, og eftir þessi skrif held ég að Eyjamenn séu betur settir en ekki að þú sleppir því að mæta með þinn hóp. Ef þetta er viðhorfið gegn þolendum ofbeldis þá ert þú ekki maðurinn til að sinna gæslustörfum í dalnum,“ skrifar hún. Jóhanna Ýr Jónsdóttir, framkvæmdastjóri Bleika fílsins. Þetta tekur Jóhanna Ýr Jónsdóttir, framkvæmdastjóri forvarnarhópsins Bleika fílsins í Vestmannaeyjum, undir í samtali við Vísi. „Já, auðvitað eiga svona viðhorf ekki að viðgangast hjá gæslumönnum,“ segir hún. Sjálfum finnst Baldri grundvallarmunur á þessu tvennu. Hann segir aðstæður allt aðrar á Þjóðhátíð og að sjálfsögðu tæki hann mark á konu sem kæmi að honum til að tilkynna um kynferðisofbeldi á hátíðinni, það væri til dæmis gert undir nafni. Hann segist hafa lent í þeirri stöðu áður á hátíðinni og brugðist við með viðeigandi hætti. Skref í rétta átt Jóhann Ýr gefur ekki mikið fyrir skoðanir Baldurs á málinu í heild sinni og telur þjóðhátíðarnefnd hér vera að taka stórt skref í rétta átt. „Þó þetta hafi verið stutt og snaggaraleg yfirlýsing hjá þeim þá er þetta af hinu góða og við fögnum þessu,“ segir hún. „Auðvitað verðum við að trúa þolendum og ég get ekki skilið hvernig einhver trúir frekar einum manni heldur en stórum hóp af ungum stúlkum. Svo vænir fólk þær um lygar en hamrar á sama tíma á því að allir séu saklausir uns sekt þeirra er sönnuð.“ Hún segist ekki hafa orðið vör við að viðhorf Baldurs til málsins sé útbreitt meðal fólks og segir umræðuna komna mun lengra en fyrir örfáum árum. Fólk sé farið að átta sig á því að ákveðnir hlutir séu ekki í lagi og þeim verði ekki leyft að viðgangast lengur. Engar kvartanir til nefndarinnar Hörður Orri Grettisson, formaður þjóðhátíðarnefndar, vildi ekkert tjá sig frekar um ákvörðun nefndarinnar þegar Vísir leitaðist eftir því í dag. Hann segist þó ekki hafa orðið var við neikvæð viðbrögð fólks við henni og segir að sér hafi ekki borist neinar kvartanir eða athugasemdir við hana frá starfsfólki, eins og Baldri. Safnar undirskriftum til að mótmæla Tryggvi Már Sæmundsson, ritstjóri Eyjar.net og útflutningsstjóri, hefur stofnað til undirskriftarlista til að mótmæla því að Ingólfur hafi verið afbókaður af Þjóðhátíð. „Í gær tilkynnti þjóðhátíðarnefnd að Ingólfur Þórarinsson kæmi ekki fram á Þjóðhátíð í ár. Með fylgdi texti um að þessi ákvörðun nefndarinnar svaraði fyrir sig sjálf og yrði ekki rædd frekar af hennar hálfu. Ekkert nýtt hafði komið fram í umræðunni um málið milli þess að Ingó var tilkynntur til leiks þar til að nefndin bognaði og tilkynnti um afbókun listamannsins,“ segir Tryggvi. Tryggvi Már Sæmundsson, ritstjóri Eyjar.net og útflutningsstjóri. „Engin meint fórnarlömb hafa stigið fram. Meira að segja öfgahópurinn segist ekki hafa nafngreint neinn. Hvorki meinta þolendur né meintan geranda. Kjarni málsins er þessi: Það er ótækt með öllu að dómstóll götunnar stjórni því hverjir komi fram á viðburðum á Íslandi. Engin kæra liggur fyrir og því er engin rannsókn í gangi af hálfu lögreglunnar.“ Hann segir mikilvægt að landsmenn aðstoði þjóðhátíðarnefnd ÍBV að endurskoða þá ákvörðun um að afbóka Ingó á Þjóðhátíð. Þegar þessi frétt er skrifuð hafa 114 manns skrifað undir listann. Þjóðhátíð í Eyjum Vestmannaeyjar MeToo Tónlist Mál Ingólfs Þórarinssonar Tengdar fréttir Fimm ára fangelsi fyrir nauðgun á Þjóðhátíð Birkir Árnason hefur verið dæmdur í fimm ára fangelsi fyrir að hafa nauðgað konu á útisalerni á þjóðhátíð í Vestmannaeyjum um síðustu verslunarmannahelgi. Þetta er sama niðurstaða og Héraðsdómur Suðurlands hafði áður komist að. 16. febrúar 2012 16:39 Tíu nauðganir tilkynntar síðustu tvær vikur Sex manns leituðu á neyðarmóttöku fyrir þolendur kynferðisbrota í síðustu viku og fjórir vikuna þar á undan. 27. júlí 2016 13:00 Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Tóku á móti tveimur börnum á innan við klukkustund Innlent Umfangsmestu loftárásir frá upphafi stríðs Erlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Rigning í kortunum Veður Níu af tíu börnum tveggja lækna létust í árásum Ísraela Erlent „Hafa ekki lyft litla fingri í máli Oscars“ Innlent Fleiri fréttir Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Sjá meira
Baldur segist vera afar ósáttur við ákvörðun þjóðhátíðarnefndar um að hætta við að fá Ingó veðurguð til að sjá um brekkusönginn eftir það sem Baldur kallar „nafnlausar upphrópanir á netinu sem taka fólk af lífi án dóms og laga“. Framkvæmdastjóri forvarnarhópsins Bleika Fílsins fagnar því að losna við mann með slík viðhorf úr gæslunni. „Ég er ekki sáttur við það að einhver hópur sem kallar sig Öfgafemínista geti komið með einhverjar nafnlausar ásakanir á hendur mönnum sem að mínu besta viti eru ekki þekktir fyrir ofbeldi,“ segir Baldur Már við Vísi og vísar þar til hópsins Öfga á TikTok, sem birti sögur fleiri en tuttugu kvenna, sem lýsa kynferðislegu ofbeldi af hálfu Ingós. Í kjölfarið fóru fleiri og fleiri að greina frá sögum af Ingó á Twitter. Smá könnun: Hvenær heyrðuð þið fyrst að (ungar)stelpur þyrftu að passa sig á tilteknum ónefndum tónlistarmanni?Ég skal byrja: Árið 2008. Var í partýi og heyri stelpur tala saman um hann.— Sindri Þór (@sindri8me) July 4, 2021 Baldur segir þjóðhátíðarnefndina ekki hafa neitt fyrir sér í ákvörðun sinni annað en þessar nafnlausu sögur. „Við vitum ekkert hvað er á bak við þetta. Kannski er hann sekur en maður veit það ekki – getum við dæmt um það?“ Undarlegt viðhorf gæslumanns Í áraraðir hefur Þjóðhátíð í Vestmannaeyjum verið gagnrýnd sem fyrirbæri vegna fjölda kynferðisbrota sem eru framin þar árlega. Árið 2017 voru tíu nauðgarnir tilkynntar til lögreglu eftir Þjóðhátíð og árið 2018 voru þær átta. Spurður hvort sér þyki það ekki sniðugt hjá nefndinni að bregðast við ásökunum af festu og trúa þolendum eftir mikla gagnrýni síðustu árin segir Baldur ekki telja svo vera. „Nei, mér finnst það ekki. Ekki miðað við að þeir hafa ekkert fyrir sér í þessari ákvörðun.“ Baldur tjáði þessi viðhorf sín upprunalega í umræðuhópi Vestmanneyinga á Facebook, Heimakletti. Færsla hans þar vekur misjöfn viðbrögð. Þar er viðhorf þeirra sem eru fegnir við að losna við mann með skoðanir eins og Baldur úr gæslunni afar áberandi og bregst kona nokkur, sem kveðst hafa verið í gæsluhópi hans við orðum hans: „Ég hef farið út sem hluti af þínum hóp Baldur, og eftir þessi skrif held ég að Eyjamenn séu betur settir en ekki að þú sleppir því að mæta með þinn hóp. Ef þetta er viðhorfið gegn þolendum ofbeldis þá ert þú ekki maðurinn til að sinna gæslustörfum í dalnum,“ skrifar hún. Jóhanna Ýr Jónsdóttir, framkvæmdastjóri Bleika fílsins. Þetta tekur Jóhanna Ýr Jónsdóttir, framkvæmdastjóri forvarnarhópsins Bleika fílsins í Vestmannaeyjum, undir í samtali við Vísi. „Já, auðvitað eiga svona viðhorf ekki að viðgangast hjá gæslumönnum,“ segir hún. Sjálfum finnst Baldri grundvallarmunur á þessu tvennu. Hann segir aðstæður allt aðrar á Þjóðhátíð og að sjálfsögðu tæki hann mark á konu sem kæmi að honum til að tilkynna um kynferðisofbeldi á hátíðinni, það væri til dæmis gert undir nafni. Hann segist hafa lent í þeirri stöðu áður á hátíðinni og brugðist við með viðeigandi hætti. Skref í rétta átt Jóhann Ýr gefur ekki mikið fyrir skoðanir Baldurs á málinu í heild sinni og telur þjóðhátíðarnefnd hér vera að taka stórt skref í rétta átt. „Þó þetta hafi verið stutt og snaggaraleg yfirlýsing hjá þeim þá er þetta af hinu góða og við fögnum þessu,“ segir hún. „Auðvitað verðum við að trúa þolendum og ég get ekki skilið hvernig einhver trúir frekar einum manni heldur en stórum hóp af ungum stúlkum. Svo vænir fólk þær um lygar en hamrar á sama tíma á því að allir séu saklausir uns sekt þeirra er sönnuð.“ Hún segist ekki hafa orðið vör við að viðhorf Baldurs til málsins sé útbreitt meðal fólks og segir umræðuna komna mun lengra en fyrir örfáum árum. Fólk sé farið að átta sig á því að ákveðnir hlutir séu ekki í lagi og þeim verði ekki leyft að viðgangast lengur. Engar kvartanir til nefndarinnar Hörður Orri Grettisson, formaður þjóðhátíðarnefndar, vildi ekkert tjá sig frekar um ákvörðun nefndarinnar þegar Vísir leitaðist eftir því í dag. Hann segist þó ekki hafa orðið var við neikvæð viðbrögð fólks við henni og segir að sér hafi ekki borist neinar kvartanir eða athugasemdir við hana frá starfsfólki, eins og Baldri. Safnar undirskriftum til að mótmæla Tryggvi Már Sæmundsson, ritstjóri Eyjar.net og útflutningsstjóri, hefur stofnað til undirskriftarlista til að mótmæla því að Ingólfur hafi verið afbókaður af Þjóðhátíð. „Í gær tilkynnti þjóðhátíðarnefnd að Ingólfur Þórarinsson kæmi ekki fram á Þjóðhátíð í ár. Með fylgdi texti um að þessi ákvörðun nefndarinnar svaraði fyrir sig sjálf og yrði ekki rædd frekar af hennar hálfu. Ekkert nýtt hafði komið fram í umræðunni um málið milli þess að Ingó var tilkynntur til leiks þar til að nefndin bognaði og tilkynnti um afbókun listamannsins,“ segir Tryggvi. Tryggvi Már Sæmundsson, ritstjóri Eyjar.net og útflutningsstjóri. „Engin meint fórnarlömb hafa stigið fram. Meira að segja öfgahópurinn segist ekki hafa nafngreint neinn. Hvorki meinta þolendur né meintan geranda. Kjarni málsins er þessi: Það er ótækt með öllu að dómstóll götunnar stjórni því hverjir komi fram á viðburðum á Íslandi. Engin kæra liggur fyrir og því er engin rannsókn í gangi af hálfu lögreglunnar.“ Hann segir mikilvægt að landsmenn aðstoði þjóðhátíðarnefnd ÍBV að endurskoða þá ákvörðun um að afbóka Ingó á Þjóðhátíð. Þegar þessi frétt er skrifuð hafa 114 manns skrifað undir listann.
Þjóðhátíð í Eyjum Vestmannaeyjar MeToo Tónlist Mál Ingólfs Þórarinssonar Tengdar fréttir Fimm ára fangelsi fyrir nauðgun á Þjóðhátíð Birkir Árnason hefur verið dæmdur í fimm ára fangelsi fyrir að hafa nauðgað konu á útisalerni á þjóðhátíð í Vestmannaeyjum um síðustu verslunarmannahelgi. Þetta er sama niðurstaða og Héraðsdómur Suðurlands hafði áður komist að. 16. febrúar 2012 16:39 Tíu nauðganir tilkynntar síðustu tvær vikur Sex manns leituðu á neyðarmóttöku fyrir þolendur kynferðisbrota í síðustu viku og fjórir vikuna þar á undan. 27. júlí 2016 13:00 Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Tóku á móti tveimur börnum á innan við klukkustund Innlent Umfangsmestu loftárásir frá upphafi stríðs Erlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Rigning í kortunum Veður Níu af tíu börnum tveggja lækna létust í árásum Ísraela Erlent „Hafa ekki lyft litla fingri í máli Oscars“ Innlent Fleiri fréttir Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Sjá meira
Fimm ára fangelsi fyrir nauðgun á Þjóðhátíð Birkir Árnason hefur verið dæmdur í fimm ára fangelsi fyrir að hafa nauðgað konu á útisalerni á þjóðhátíð í Vestmannaeyjum um síðustu verslunarmannahelgi. Þetta er sama niðurstaða og Héraðsdómur Suðurlands hafði áður komist að. 16. febrúar 2012 16:39
Tíu nauðganir tilkynntar síðustu tvær vikur Sex manns leituðu á neyðarmóttöku fyrir þolendur kynferðisbrota í síðustu viku og fjórir vikuna þar á undan. 27. júlí 2016 13:00