Innlent

Af­nema á­kvæði um for­gangs­röðun við bólu­setningu

Elma Rut Valtýsdóttir skrifar
Heilbrigðisráðherra hefur samþykkt reglugerðarbreytingu þar sem ákvæði um forgangshópa mun falla úr gildi.
Heilbrigðisráðherra hefur samþykkt reglugerðarbreytingu þar sem ákvæði um forgangshópa mun falla úr gildi. Vísir/Egill

Heilbrigðisráðherra hefur ákveðið að fella úr gildi ákvæði reglugerðar sem kveður á um forgangshópa. Samkvæmt áætlun eiga allir þeir sem skilgreindir eru í forgangshópum að vera búnir að fá boð í bólusetningu í lok þessarar viku.

Bólusetning gegn Covid-19 byggist nú á sömu reglugerðarheimildum og bólusetning við öðrum smitsjúkdómum hér á landi. Með reglugerðarbreytingunni verður ákvörðun um bólusetningu vegna Covid-19 því alfarið á forræði sóttvarnarlæknis samkvæmt læknisfræðilegu mati að hverju sinni.

Hingað til hefur bólusetning barna sem fædd eru síðar en 2006 einskorðast við langvinna sjúkdóma. Með reglugerðarbreytingunni falla þau skilyrði úr gildi og sóttvarnarlækni verður heimilt að bjóða börnum bólusetningu, telji hann efni standa til. En nú þegar hefur eitt bóluefni fengið markaðsleyfi hér á landi fyrir börn niður að tólf ára aldri.

Um 85 prósent þeirra sem áformað er að bólusetja, hafa fengið að minnsta kosti eina sprautu og eru vel yfir 50 prósent fullbólsett gegn Covid-19. Gert er ráð fyrir að allir verði búnir að fá boð í bólusetningu í þessari viku.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×