Bóluefni Moderna hefur nú fengið nýtt nafn og heitir því Spikevax það sem eftir er. Bóluefnið hefur verið í notkun hér á landi frá því í janúar og hefur hingað til verið vísað til þess bara sem „Moderna“ en nú hlýtur að verða breyting þar á.
Þetta kemur fram í tilkynningu á vef Lyfjastofnunar Evrópu. Bóluefnið er nú notað fyrir alla átján ára og eldri og er um að ræða svokallað RNA bóluefni.
Tilraunir hafa verið gerðar á virkni bóluefnisins í hópi 12 til 17 ára unglinga og samkvæmt niðurstöðum annars stigs tilrauna hefur efnið 96 prósenta virkni í þeim aldurshópi. Enginn í þeim aldurshópi hefur þó formlega fengið bóluefnið, utan tilraunadýranna auðvitað. Þá standa nú yfir rannsóknir hjá Moderna um virkni Spikevax á hálfs árs til ellefu ára börn.
Alþjóðaheilbrigðisstofnunin (WHO) hefur mælt með því að bóluefni Moderna gegn kórónuveirunni fái neyðarheimild til notkunar. Moderna hefur sagst ætla að stórauka framleiðslugetu sína þannig að fyrirtækið geti framleitt allt að þrjá milljarða skammta á næsta ári.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
