Látin eftir slys í Hvalfirði

Vésteinn Örn Pétursson skrifar 17. júní 2021 17:59

Þessi mynd fylgdi tilkynningu fjölskyldunnar. Aðsend

Konan sem féll í skriðu í Hvalfirði síðastliðið þriðjudagskvöld lést á gjörgæsludeild Landspítalans í Fossvogi í morgun. Hún hét Sólveig Katrín Hallgrímsdóttir og var fædd árið 1977.

Þetta kemur fram í tilkynningu frá fjölskyldu hennar. Sólveig lætur eftir sig einn son. Hún var viðskiptafræðingur frá Bifröst og var mikil útivistarmanneskja, sem vann ötullega að því markmiði sínu að skoða og heimsækja alla fossa landsins.

Sólveig hafði skoðað 75 fossa þegar slysið varð. Fjölskylda hennar vill koma á framfæri þakklæti til Landhelgisgæslunnar auk hjúkrunar-, umönnunar- og sálgæslufólks sem lagði sig fram við mjög krefjandi aðstæður.

„Sólveig var hraust manneskja og með líffæragjöf mun sú hreysti hennar færa nokkrum manneskjum betra líf. Læknateymi er væntanlegt utan úr heimi í dag og einhvers staðar bíður fólk fullt nýrrar vonar um nýtt og betra líf,“ segir þá í tilkynningunni.

Andlát Fjallamennska Akranes Kjósarhreppur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.