Erlent

Taldi ráð­herra í eigin ríkis­stjórn von­lausan með öllu

Vésteinn Örn Pétursson skrifar
Johnson var óánægður með heilbrigðisráðherrann sinn.
Johnson var óánægður með heilbrigðisráðherrann sinn. Leon Neal/Getty

Dominic Cummings, fyrrverandi aðstoðarmaður Borisar Johnson, forsætisráðherra Bretlands, hefur birt einkaskilaboð milli þeirra tveggja þar sem Johnson segir Matt Hancock, heilbrigðisráðherra í ríkisstjórn sinni, vera „algjörlega vonlausan.“

Cummings er ósáttur við hvernig Johnson brást við kórónuveirufaraldrinum í Bretlandi, en hann lét af störfum sem sérstakur ráðgjafi hans seint á síðasta ári. Í bloggfærslum sem Cummings hefur birt nýlega deilir hann skjáskotum sínum af samskiptum sem hann segir vera við forsætisráðherrann.

Skrifstofa forsætisráðherrans hefur ekki neitað því að um ósvikin samskipti milli Johnson og Cummings sé að ræða, eftir því sem breska ríkisútvarpið greinir frá.

Vonsvikinn með gang skimana

Eitt skjáskotanna virðist vera síðan í mars í fyrra. Þar tjáir Cummings forsætisráðherranum Johnson að Bandaríkin hafi aukið til muna getu sína til að skima fyrir Covid-19 og lýsti því að Bretland hefði sagst ætla gera slíkt hið sama, en mistekist.

Þá segir hann að Hancock segðist fullur efasemda um að ná settum markmiðum hvað varðar skimun.

Við því hafði Johnson stutt svar, sem þó hefur verið hulið að hluta, líklega vegna blótsyrðis sem forsætisráðherrann hefur notað: „Algjörlega ******* vonlaus.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.