„Getur Haraldur Benediktsson ekki keppt við konu án hótana?“ Óttar Kolbeinsson Proppé skrifar 15. júní 2021 22:40 Sjálfstæðiskonur eru ekki sáttar með nýjasta útspil Haralds. vísir/samsett Yfirlýsingar Haralds Benediktssonar, þingmanns Sjálfstæðisflokksins, í dag hafa vægast sagt farið öfugt ofan í margar samflokkskonur hans. Haraldur sagðist ekki mundu þiggja annað sæti á lista flokksins tapi hann oddvitaslagnum við Þórdísi Kolbrúnu Reykfjörð Gylfadóttur í prófkjöri flokksins í Norðvesturkjördæmi um næstu helgi. Haraldur er oddviti flokksins í kjördæminu en Þórdís Kolbrún er varaformaður flokksins og sitjandi ferðamála- iðnaðar- og nýsköpunarráðherra. Margar þekktar Sjálfstæðiskonur hafa tjáð sig um yfirlýsingar Haralds á samfélagsmiðlum í dag og segja þær helst vera „frekju og fýlustjórnun“, „aula-múv“ eða hótanir við samflokksmenn og kjósendur. Sama útspil og árið 2013 Rósa Guðmundsdóttir, formaður bæjarráðs Grundarfjarðar og bæjarfulltrúi Sjálfstæðisflokksins, var einna fyrst Sjálfstæðiskvenna til að tjá sig um þessar vendingar í prófkjöri kjördæmis síns. Hún rifjaði það upp að Haraldur hefði áður beitt sömu taktík. Í prófkjöri Sjálfstæðisflokksins í kjördæminu árið 2013 sóttust bæði hann og Eyrún Ingibjörg Sigþórsdóttir, þáverandi sveitarstjóri á Tálknafirði og varaþingmaður, eftir öðru sæti á lista flokksins. Þá lýsti Haraldur því yfir á kjördæmisþingi að annaðhvort tæki hann annað sætið eða ekki þátt í framboðinu. Rósa segist þá hafa hugsað með sér að fólk yrði að ráða því sjálft á hvaða forsendum það hellti sér út í pólitíkina þó henni hafi þótt þetta ómerkilegt af Haraldi. Yfirlýsingar hans í dag vekja þó upp spurningu hjá henni: „Getur Haraldur Benediktsson ekki keppt við konu án hótana?“ Borgarfulltrúar og bæjarstjórar taka undir Og þetta virðast þær Sjálfstæðiskonur sem tjá sig um málið í dag helst telja að sé vandamálið – það að Haraldur sé hræddur um að tapa fyrir konu: „Ég get ekki orða bundist. Hvílík og önnur eins frekja og fýlustjórnun gagnvart kjördæminu. Haraldur gefur kost á sér gegn varaformanni og ráðherra sem vill svo til að er kona. Honum finnst það slík höfnun ef kjördæmið velur hana í fyrsta sæti umfram hann að hann hótar að hætta fari svo,“ skrifar Nanna Kristín Tryggvadóttir. Hún er formaður efnahags- og viðskiptanefndar Sjálfstæðisflokksins og var kosningastjóri Áslaugar Örnu Sigurbjörnsdóttur dómsmálaráðherra í prófkjöri hennar í Reykjavík fyrr í mánuðinum. Viðbrögð við færslu Nönnu standa ekki á sér því þekktar Sjálfstæðiskonur smella læki við færsluna til að taka undir með henni, eða að minnsta kosti lýsa yfir ánægju með að hún tjái sig um málið. Þar má til dæmis nefna Völu Pálsdóttur, formann Landssambands Sjálfstæðiskvenna, Ásthildi Sturludóttur, bæjarstjóra Akureyrarbæjar, borgarfulltrúana Katrínu Atladóttur og Hildi Björnsdóttur og Guðbjörgu Oddnýju Jónasdóttur, varabæjarfulltrúa í Hafnarfirði. Þorbjörg Helga Vigfúsdóttir, fyrrverandi borgarfulltrúi Sjálfstæðisflokksins, gagnrýnir Harald einnig og lýsir yfir stuðningi sínum við Þórdísi Kolbrúnu: „Hversu mikið aula-múv er þetta? Hver vill svona manneskju í oddvitasæti? Áfram Þórdís Kolbrún Reykfjörð Gylfadottir, ekki láta neina fýlustjórnun hafa áhrif á neitt.“ Sigþrúður Ármann, sem hafnaði í sjötta sæti í prófkjöri Sjálfstæðisflokksins í Suðvesturkjördæmi, er ósátt við Harald og segir „svona hótun“ honum ekki til sóma. „Mikið vildi ég óska þess að Haraldur tæki heildarhagsmuni Sjálfstæðisflokksins framyfir eigin hag,“ skrifar hún. Haraldur klóri í bakkann Þá greinir Áslaug Hulda Jónsdóttir, bæjarfulltrúi flokksins í Garðabæ til ellefu ára, útspil Haralds á Facebook hjá sér: „Haraldur hefur sennilega lesið stöðuna þannig að hann myndi ekki ná fyrsta sætinu. Það ætti ekki að koma á óvart þar sem maðurinn gefur kost á sér gegn öflugum varaformanni og ráðherra Sjálfstæðisflokksins,“ skrifar hún. „Þá gerir hann það eina sem hann kann, og eitthvað sem hefur virkað fyrir hann áður, hann hótar samflokksmönnum sínum og kjósendum nokkrum dögum fyrir kjördag! Ekki treysta, bara hóta. Eru tímar stjórnmálamanna sem beita slíkum aðferðum og gefa kjósendum sínum afarkosti ekki bara búnir? Nútíðin, framtíðin og vandaðri vinnubrögð voru nefnilega að hringja!“ Leikkonan Edda Björgvinsdóttir vill þá að konur taki höndum saman til að passa almennt upp á „kjarkmiklu konurnar sem nenna að taka til í stjórnmálaflokkunum“. Hún lýsir þar yfir stuðningi við Þórdísi Kolbrúnu. Sérstök staða Staðan sem er uppi hjá Sjálfstæðisflokknum í kjördæminu er nokkuð sérstök. Haraldur er oddviti kjördæmisins eins og er, sat í fyrsta sæti á lista hans í kjördæminu fyrir síðustu kosningar en Þórdís Kolbrún í öðru sætinu. Þau eru einu þingmenn flokksins í kjördæminu. Þegar ríkisstjórn Sjálfstæðisflokks, Vinstri grænna og Framsóknarflokksins var mynduð var Þórdísi Kolbrúnu hins vegar boðið ráðherrasæti, sem ferðamála- iðnaðar- og nýsköpunarráðherra, en ekki Haraldi. Hún varð síðan varaformaður flokksins í mars 2018. Sjálfstæðisflokkurinn Alþingiskosningar 2021 Norðvesturkjördæmi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Einhver í herberginu segi ekki satt Innlent Staldraði við þegar talað var um fóstur sem frumuklasa Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Sjá meira
Haraldur sagðist ekki mundu þiggja annað sæti á lista flokksins tapi hann oddvitaslagnum við Þórdísi Kolbrúnu Reykfjörð Gylfadóttur í prófkjöri flokksins í Norðvesturkjördæmi um næstu helgi. Haraldur er oddviti flokksins í kjördæminu en Þórdís Kolbrún er varaformaður flokksins og sitjandi ferðamála- iðnaðar- og nýsköpunarráðherra. Margar þekktar Sjálfstæðiskonur hafa tjáð sig um yfirlýsingar Haralds á samfélagsmiðlum í dag og segja þær helst vera „frekju og fýlustjórnun“, „aula-múv“ eða hótanir við samflokksmenn og kjósendur. Sama útspil og árið 2013 Rósa Guðmundsdóttir, formaður bæjarráðs Grundarfjarðar og bæjarfulltrúi Sjálfstæðisflokksins, var einna fyrst Sjálfstæðiskvenna til að tjá sig um þessar vendingar í prófkjöri kjördæmis síns. Hún rifjaði það upp að Haraldur hefði áður beitt sömu taktík. Í prófkjöri Sjálfstæðisflokksins í kjördæminu árið 2013 sóttust bæði hann og Eyrún Ingibjörg Sigþórsdóttir, þáverandi sveitarstjóri á Tálknafirði og varaþingmaður, eftir öðru sæti á lista flokksins. Þá lýsti Haraldur því yfir á kjördæmisþingi að annaðhvort tæki hann annað sætið eða ekki þátt í framboðinu. Rósa segist þá hafa hugsað með sér að fólk yrði að ráða því sjálft á hvaða forsendum það hellti sér út í pólitíkina þó henni hafi þótt þetta ómerkilegt af Haraldi. Yfirlýsingar hans í dag vekja þó upp spurningu hjá henni: „Getur Haraldur Benediktsson ekki keppt við konu án hótana?“ Borgarfulltrúar og bæjarstjórar taka undir Og þetta virðast þær Sjálfstæðiskonur sem tjá sig um málið í dag helst telja að sé vandamálið – það að Haraldur sé hræddur um að tapa fyrir konu: „Ég get ekki orða bundist. Hvílík og önnur eins frekja og fýlustjórnun gagnvart kjördæminu. Haraldur gefur kost á sér gegn varaformanni og ráðherra sem vill svo til að er kona. Honum finnst það slík höfnun ef kjördæmið velur hana í fyrsta sæti umfram hann að hann hótar að hætta fari svo,“ skrifar Nanna Kristín Tryggvadóttir. Hún er formaður efnahags- og viðskiptanefndar Sjálfstæðisflokksins og var kosningastjóri Áslaugar Örnu Sigurbjörnsdóttur dómsmálaráðherra í prófkjöri hennar í Reykjavík fyrr í mánuðinum. Viðbrögð við færslu Nönnu standa ekki á sér því þekktar Sjálfstæðiskonur smella læki við færsluna til að taka undir með henni, eða að minnsta kosti lýsa yfir ánægju með að hún tjái sig um málið. Þar má til dæmis nefna Völu Pálsdóttur, formann Landssambands Sjálfstæðiskvenna, Ásthildi Sturludóttur, bæjarstjóra Akureyrarbæjar, borgarfulltrúana Katrínu Atladóttur og Hildi Björnsdóttur og Guðbjörgu Oddnýju Jónasdóttur, varabæjarfulltrúa í Hafnarfirði. Þorbjörg Helga Vigfúsdóttir, fyrrverandi borgarfulltrúi Sjálfstæðisflokksins, gagnrýnir Harald einnig og lýsir yfir stuðningi sínum við Þórdísi Kolbrúnu: „Hversu mikið aula-múv er þetta? Hver vill svona manneskju í oddvitasæti? Áfram Þórdís Kolbrún Reykfjörð Gylfadottir, ekki láta neina fýlustjórnun hafa áhrif á neitt.“ Sigþrúður Ármann, sem hafnaði í sjötta sæti í prófkjöri Sjálfstæðisflokksins í Suðvesturkjördæmi, er ósátt við Harald og segir „svona hótun“ honum ekki til sóma. „Mikið vildi ég óska þess að Haraldur tæki heildarhagsmuni Sjálfstæðisflokksins framyfir eigin hag,“ skrifar hún. Haraldur klóri í bakkann Þá greinir Áslaug Hulda Jónsdóttir, bæjarfulltrúi flokksins í Garðabæ til ellefu ára, útspil Haralds á Facebook hjá sér: „Haraldur hefur sennilega lesið stöðuna þannig að hann myndi ekki ná fyrsta sætinu. Það ætti ekki að koma á óvart þar sem maðurinn gefur kost á sér gegn öflugum varaformanni og ráðherra Sjálfstæðisflokksins,“ skrifar hún. „Þá gerir hann það eina sem hann kann, og eitthvað sem hefur virkað fyrir hann áður, hann hótar samflokksmönnum sínum og kjósendum nokkrum dögum fyrir kjördag! Ekki treysta, bara hóta. Eru tímar stjórnmálamanna sem beita slíkum aðferðum og gefa kjósendum sínum afarkosti ekki bara búnir? Nútíðin, framtíðin og vandaðri vinnubrögð voru nefnilega að hringja!“ Leikkonan Edda Björgvinsdóttir vill þá að konur taki höndum saman til að passa almennt upp á „kjarkmiklu konurnar sem nenna að taka til í stjórnmálaflokkunum“. Hún lýsir þar yfir stuðningi við Þórdísi Kolbrúnu. Sérstök staða Staðan sem er uppi hjá Sjálfstæðisflokknum í kjördæminu er nokkuð sérstök. Haraldur er oddviti kjördæmisins eins og er, sat í fyrsta sæti á lista hans í kjördæminu fyrir síðustu kosningar en Þórdís Kolbrún í öðru sætinu. Þau eru einu þingmenn flokksins í kjördæminu. Þegar ríkisstjórn Sjálfstæðisflokks, Vinstri grænna og Framsóknarflokksins var mynduð var Þórdísi Kolbrúnu hins vegar boðið ráðherrasæti, sem ferðamála- iðnaðar- og nýsköpunarráðherra, en ekki Haraldi. Hún varð síðan varaformaður flokksins í mars 2018.
Sjálfstæðisflokkurinn Alþingiskosningar 2021 Norðvesturkjördæmi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Einhver í herberginu segi ekki satt Innlent Staldraði við þegar talað var um fóstur sem frumuklasa Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Sjá meira