Ákveðin að koma enn sterkari til baka Sylvía Rut Sigfúsdóttir skrifar 10. júní 2021 15:31 Sara ræddi um meiðslin í þættinum Ísland í dag. Stöð2 Crossfit stjarnan Sara Sigmundsdóttir segir að hennar versta martröð hafi orðið að veruleika nú í mars þegar hún sleit krossband í hné á æfing. Krossbandið slitnaði aðeins tveimur dögum áður en undankeppnin fyrir Evrópuleikana í Crossfit hófst, með þeim afleiðingum að Sara missir af tímabilinu 2021 eins og það leggur sig. „Ég slít krossbandið í æfingu sem ég á bara ekkert að geta slitið það í, ég var að lyfta frá öxlum og yfir haus,“ segir Sara um meiðslin. Hún var því fyrst viss um að meiðslin væru ekki svo alvarleg. Sara hefur um árabil verið ein skærasta stjarnan í Crossfit heiminum og hafði sett stefnuna á verðlaunapall á heimsleikunum í ár, en hún hefur í tvígang lent þar í þriðja sæti. En þótt vonbrigðin séu gríðarleg er Sara þegar byrjuð að æfa aftur eftir aðgerð og er ákveðin í að koma sterkari til baka en nokkru sinni. Sigrún Ósk ræddi við Söru í þættinum Ísland í dag. Innslagið má sjá í spilaranum hér fyrir neðan. Hélt fast í tvö prósentin Sara hafði samband við Örnólf Valdimarsson bæklunarlækni eftir að hún meiddist. Hún taldi sjálf að bólgueyðandi lyf væri allt sem þyrfti til að kippa hnénu í lag, en hann vildi fá að skoða hana. „Ég fer til hans og hann tekur krossbands-test til öryggis.“ Sara segir að hún hafi séð strax á svipbrigðunum og svipnum á honum að þetta væri alvarlegt. Hann sagði að það væru 98 prósent líkur á að krossbandið væri slitið en íþróttakonan missti samt ekki vonina strax. „98 er ekki hundrað, það eru þessi tvö prósent.“ Eftir að krossbandsslitin voru staðfest fékk Sara tíma í aðgerð mánuði síðar. Hún hóf strax að styrkja hnéð markvisst til að batinn yrði sem skjótastur. Mánuði eftir aðgerð mátti hún svo byrja að æfa, en það var ekki einfalt mál fyrir eina hraustustu konu heims að halda aftur af sér í æfingunum. „Það er eitt það erfiðasta sem ég hef upplifað.“ Upp og niður andlega Æfingarútínan núna er þannig að hún æfir í tvo tíma í senn, tvö daga í röð og svo einn í frí. Reyndar syndir hún á frídeginum. „Þetta er mjög lítið miðað við það sem ég er vön. Ég er alveg að deyja ég er með svo mikla orku en svo minni ég sjálfa mig á að þetta eru bara sextán vikur í heildina.“ Sara segir að meiðslin hafi látið hana vinna í eigin veikleikum, sem hún hafi ekki endilega gefið sér tíma til að gera áður. „Veikleikinn hjá mér hefur svolítið verið hausinn minn.“ Í þættinum var einnig rætt við Snorra Barón umboðsmann Söru. Hann segir að hugarfar hennar hvað varðar meiðslin hafi verið til fyrirmyndar frá fyrsta degi. Hún leyfir aðdáendum að fylgjast með öllu ferlinu í gegnum þætti á Youtube. Eins og Sara segir sjálf í viðtalinu þá koma dagar inn á milli þar sem er erfitt að sætta sig við að tímabilið, sem átti að verða það besta í langan tíma, hafi verið búið áður en það byrjaði. „Ég er alveg búin að fara upp og niður andlega.“ Kveðja frá Van Dijk og Mufasa Snorri var meðvitaður um þetta og bjó til myndband þar sem hann með góðri hjálp safnaði saman kveðjum og hvatningarorðum til Söru úr ólíkum áttum. Til að mynda frá okkar fremsta íþróttafólki, vinum Söru úr crossfit heiminum og sjálfum Virgil Van Dijk sem á það sameiginlegt með Söru að vera að jafna sig eftir krossbandsslit. Skemmtileg kveðja frá leikmanni Liverpool.Stöð2 Í þessu sama myndbandi leyndust einnig gersemar eins og þessi ógleymanlegi keppandi í Britains Got Talent og Mufasa nokkur sem sló í gegn í netheimum með dansgleði sem er svo smitandi að ef hann nær ekki að hressa fólk við þá getur það enginn. Snorri myndaði svo óborganleg viðbrögð Söru þegar hún fékk að sjá myndbandið og má sjá þau í spilaranum hér fyrir ofan. Bæði myndbandið og viðbrögðin við því hafa verið partur af þáttum á YouTube sem heita Road to Recovery en í þeim fá aðdáendur Söru að fylgjast með henni í bataferlinu. Ný fatalína í vinnslu „Ég held að líkaminn minn hafi bara þurft á þessu að halda og ég kem bara til baka með einhverju trompi,“ segir Sara meðal annars í viðtalinu. Sara er sannkölluð stórstjarna í Crossfit heiminum og er með um þrjú hundruð þúsund fleiri fylgjendur á instagram en fjórfaldur heimsmeistarinn í greininni, Tia Claire Toomey. Snorri segir að engin kona á Íslandi sé með fleiri fylgjendur á Instagram en Sara. Sara náði að halda í styrktaraðilana þrátt fyrir meiðslin og gerði gott betur því hún er búin að gera nokkra nýja samninga eftir að hún meiddist og er að hanna sína eigin fatalínu fyrir merki sem heitir WIT. Í Ísland í dag var einnig kíkt inn í einkalíkamsrækt Söru sem faðir hennar útbjó fyrir hana svo hún fengi næði og pláss til að æfa. Ísland í dag CrossFit Mest lesið Krabbameinið sem týndist: „Fyrst sagði ég bara fokk!“ Áskorun Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Fleiri fréttir Páll Óskar genginn í það heilaga: „Besti dagur lífs okkar“ Kastast í kekki milli Carragher og kærastans Veltir fyrir sér hvort hann sé dottinn úr tísku Óhefðbundinn páskamatseðill að hætti Sigurðar Laufdal á OTO Knattspyrnufólk og bransastjörnur fjölmenntu í bíó Líkt við apa og klappað eins og hundi Barnalán hjá Batman Svar við spurningu lesanda: Hvað má fróa sér oft í viku? „Ég get ekki gert upp á milli barna“ Þingforseti, borgarfulltrúi og Frikki Dór í fjölmennu útgáfuhófi Handboltagoðsögn selur glæsihús í Garðabæ Veglegir vinningar í páskabingói Blökastsins á skírdag Ætlaði sér alltaf að verða leikari Júlí Heiðar og Þórdís eiga von á stelpu: „Djöfull var ég tekin“ Sacha Baron Cohen æfareiður út í Rebel Wilson Chess After Dark strákarnir boða til einvígis aldarinnar Arnar Grant og Vítalía á kaffihúsi og RÚV þrenna í miðborginni Fjandinn laus þegar málshættina vantar Palli snöggreiddist þegar hann var sakaður um að hafa verið tjokkó Undurfagrar páskaskreytingar Keypti íbúðina af huggulegustu hommum landsins Myndaveisla: Bjarni Ben skálaði fyrir einstökum Audi Eyþór stillti Eivøru upp við vegg og lét hana flytja lagið Running Up That Hill „Harry Klein“ er látinn Stjörnulífið: Hlustendaverðlaunin, ferðalög og afmælisgleði Vill komast aftur í vinnuna Vaknaði einn daginn og gat ekki notað hægri höndina Missti fimmtán kíló á sjö vikum í Taílandi Hámhorfið: Hvað eru hetjur hafsins að horfa á? Einstakar ljósmyndir úr Sundhöll Reykjavíkur í gegnum tíðina Sjá meira
Krossbandið slitnaði aðeins tveimur dögum áður en undankeppnin fyrir Evrópuleikana í Crossfit hófst, með þeim afleiðingum að Sara missir af tímabilinu 2021 eins og það leggur sig. „Ég slít krossbandið í æfingu sem ég á bara ekkert að geta slitið það í, ég var að lyfta frá öxlum og yfir haus,“ segir Sara um meiðslin. Hún var því fyrst viss um að meiðslin væru ekki svo alvarleg. Sara hefur um árabil verið ein skærasta stjarnan í Crossfit heiminum og hafði sett stefnuna á verðlaunapall á heimsleikunum í ár, en hún hefur í tvígang lent þar í þriðja sæti. En þótt vonbrigðin séu gríðarleg er Sara þegar byrjuð að æfa aftur eftir aðgerð og er ákveðin í að koma sterkari til baka en nokkru sinni. Sigrún Ósk ræddi við Söru í þættinum Ísland í dag. Innslagið má sjá í spilaranum hér fyrir neðan. Hélt fast í tvö prósentin Sara hafði samband við Örnólf Valdimarsson bæklunarlækni eftir að hún meiddist. Hún taldi sjálf að bólgueyðandi lyf væri allt sem þyrfti til að kippa hnénu í lag, en hann vildi fá að skoða hana. „Ég fer til hans og hann tekur krossbands-test til öryggis.“ Sara segir að hún hafi séð strax á svipbrigðunum og svipnum á honum að þetta væri alvarlegt. Hann sagði að það væru 98 prósent líkur á að krossbandið væri slitið en íþróttakonan missti samt ekki vonina strax. „98 er ekki hundrað, það eru þessi tvö prósent.“ Eftir að krossbandsslitin voru staðfest fékk Sara tíma í aðgerð mánuði síðar. Hún hóf strax að styrkja hnéð markvisst til að batinn yrði sem skjótastur. Mánuði eftir aðgerð mátti hún svo byrja að æfa, en það var ekki einfalt mál fyrir eina hraustustu konu heims að halda aftur af sér í æfingunum. „Það er eitt það erfiðasta sem ég hef upplifað.“ Upp og niður andlega Æfingarútínan núna er þannig að hún æfir í tvo tíma í senn, tvö daga í röð og svo einn í frí. Reyndar syndir hún á frídeginum. „Þetta er mjög lítið miðað við það sem ég er vön. Ég er alveg að deyja ég er með svo mikla orku en svo minni ég sjálfa mig á að þetta eru bara sextán vikur í heildina.“ Sara segir að meiðslin hafi látið hana vinna í eigin veikleikum, sem hún hafi ekki endilega gefið sér tíma til að gera áður. „Veikleikinn hjá mér hefur svolítið verið hausinn minn.“ Í þættinum var einnig rætt við Snorra Barón umboðsmann Söru. Hann segir að hugarfar hennar hvað varðar meiðslin hafi verið til fyrirmyndar frá fyrsta degi. Hún leyfir aðdáendum að fylgjast með öllu ferlinu í gegnum þætti á Youtube. Eins og Sara segir sjálf í viðtalinu þá koma dagar inn á milli þar sem er erfitt að sætta sig við að tímabilið, sem átti að verða það besta í langan tíma, hafi verið búið áður en það byrjaði. „Ég er alveg búin að fara upp og niður andlega.“ Kveðja frá Van Dijk og Mufasa Snorri var meðvitaður um þetta og bjó til myndband þar sem hann með góðri hjálp safnaði saman kveðjum og hvatningarorðum til Söru úr ólíkum áttum. Til að mynda frá okkar fremsta íþróttafólki, vinum Söru úr crossfit heiminum og sjálfum Virgil Van Dijk sem á það sameiginlegt með Söru að vera að jafna sig eftir krossbandsslit. Skemmtileg kveðja frá leikmanni Liverpool.Stöð2 Í þessu sama myndbandi leyndust einnig gersemar eins og þessi ógleymanlegi keppandi í Britains Got Talent og Mufasa nokkur sem sló í gegn í netheimum með dansgleði sem er svo smitandi að ef hann nær ekki að hressa fólk við þá getur það enginn. Snorri myndaði svo óborganleg viðbrögð Söru þegar hún fékk að sjá myndbandið og má sjá þau í spilaranum hér fyrir ofan. Bæði myndbandið og viðbrögðin við því hafa verið partur af þáttum á YouTube sem heita Road to Recovery en í þeim fá aðdáendur Söru að fylgjast með henni í bataferlinu. Ný fatalína í vinnslu „Ég held að líkaminn minn hafi bara þurft á þessu að halda og ég kem bara til baka með einhverju trompi,“ segir Sara meðal annars í viðtalinu. Sara er sannkölluð stórstjarna í Crossfit heiminum og er með um þrjú hundruð þúsund fleiri fylgjendur á instagram en fjórfaldur heimsmeistarinn í greininni, Tia Claire Toomey. Snorri segir að engin kona á Íslandi sé með fleiri fylgjendur á Instagram en Sara. Sara náði að halda í styrktaraðilana þrátt fyrir meiðslin og gerði gott betur því hún er búin að gera nokkra nýja samninga eftir að hún meiddist og er að hanna sína eigin fatalínu fyrir merki sem heitir WIT. Í Ísland í dag var einnig kíkt inn í einkalíkamsrækt Söru sem faðir hennar útbjó fyrir hana svo hún fengi næði og pláss til að æfa.
Ísland í dag CrossFit Mest lesið Krabbameinið sem týndist: „Fyrst sagði ég bara fokk!“ Áskorun Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Fleiri fréttir Páll Óskar genginn í það heilaga: „Besti dagur lífs okkar“ Kastast í kekki milli Carragher og kærastans Veltir fyrir sér hvort hann sé dottinn úr tísku Óhefðbundinn páskamatseðill að hætti Sigurðar Laufdal á OTO Knattspyrnufólk og bransastjörnur fjölmenntu í bíó Líkt við apa og klappað eins og hundi Barnalán hjá Batman Svar við spurningu lesanda: Hvað má fróa sér oft í viku? „Ég get ekki gert upp á milli barna“ Þingforseti, borgarfulltrúi og Frikki Dór í fjölmennu útgáfuhófi Handboltagoðsögn selur glæsihús í Garðabæ Veglegir vinningar í páskabingói Blökastsins á skírdag Ætlaði sér alltaf að verða leikari Júlí Heiðar og Þórdís eiga von á stelpu: „Djöfull var ég tekin“ Sacha Baron Cohen æfareiður út í Rebel Wilson Chess After Dark strákarnir boða til einvígis aldarinnar Arnar Grant og Vítalía á kaffihúsi og RÚV þrenna í miðborginni Fjandinn laus þegar málshættina vantar Palli snöggreiddist þegar hann var sakaður um að hafa verið tjokkó Undurfagrar páskaskreytingar Keypti íbúðina af huggulegustu hommum landsins Myndaveisla: Bjarni Ben skálaði fyrir einstökum Audi Eyþór stillti Eivøru upp við vegg og lét hana flytja lagið Running Up That Hill „Harry Klein“ er látinn Stjörnulífið: Hlustendaverðlaunin, ferðalög og afmælisgleði Vill komast aftur í vinnuna Vaknaði einn daginn og gat ekki notað hægri höndina Missti fimmtán kíló á sjö vikum í Taílandi Hámhorfið: Hvað eru hetjur hafsins að horfa á? Einstakar ljósmyndir úr Sundhöll Reykjavíkur í gegnum tíðina Sjá meira