Dagskráin í dag: Íslandsmeistaratitillinn norður í fyrsta sinn?

Stórleikur dagsins fer fram á Hlíðarenda þar sem boðið verður upp á viðhafnarútsendingu frá leik Valskvenna og KA/Þórs í úrslitaeinvígi Olís deildar kvenna í handbolta.

Norðankonur unnu fyrsta leikinn í einvíginu og geta því með sigri í dag tryggt sér fyrsta Íslandsmeistaratitil sinn í sögunni. Leikurinn hefst klukkan 15:45 en útsending hefst 15:10.

Það styttist óðum í Evrópumótið í fótbolta og verður æfingaleikur Englands og Rúmeníu í beinni útsendingu líkt og æfingaleikur Króata og Belga.