Samstarf

Panta mat á 9. holu með nýrri lausn frá Dineout.is

Dineout.is
Marinó Flóvent

Golfarar nýttu sér nýja snertilausa pöntunarþjónustu Dineout.is á Palla Open.

Dineout.is kynnti nýja snertilausa pöntunarþjónustu á Hlíðavelli um liðna helgi en Dineout.is styrkti Palla Open golfmótið sem þá fór fram. Um tvöhundruð manns tóku þátt í mótinu og nýttu sér að geta pantað veitingar með nýrri lausn Dineout.is

„Golfarar geta nú pantað veitingar á 9. holu með því að leggja símann við QR kóða á skilti við holuna. Þá birtist allt sem stendur til boða og þú hakar við það sem þig langar í. Veitingarnar sækirðu svo í Klúbbhúsið áður en þú leggur af stað á 10. holu. Á 18. holu er einnig hægt að panta með sama hætti og þá eru veitingarnar tilbúnar þegar fólk kemur í hús,“ útskýrir Inga Tinna Sigurðardóttir framkvæmdastjóri og einn fjögurra eigenda Dineout.is. „Þetta gekk frábærlega vel um helgina og golfararnir voru mjög ánægðir með þennan möguleika. Við höfum einnig sett pöntunarþjónustuna upp í golfhermum GKG sem sparar golfurum mikinn tíma en fólk vill geta nýtt allan þann tíma sem það fær úthlutað í herminum til að golfa. Þá er frábært að geta pantað drykki og veitingar á þennan hátt og fá þá til sín inn í herminn.“

Inga Tinna segir þessa nýju lausn nýtast mjög víða og hefur Dineout.is hafið uppsetningu á fleiri golfklúbbum en einnig á veitingastöðum.

„Við erum að innleiða snertilausar pantanir meðal annars á útisvæðum veitingastaða. Viðskiptavinir geta þá flýtt fyrir og pantað gegnum símann, pöntunin kemur upp inni í eldhúsi eða á barnum þar sem hún prentast út úr sérstökum prentara sem við bjóðum upp á. Þjónninn kemur svo með pöntunina á borðið. Þetta er hagræðing fyrir alla og sparar tíma,“ segir Inga Tinna.

Marinó Flóvent

Dineout.is er í grunninn hugbúnaðarfyrirtæki sem hannað hefur pöntunarkerfi fyrir veitingastaði til að halda utan um borðapantanir, take away og heimsendingar á mat en þjónustar einnig almenning sem getur nálgast yfir 120 veitingastaði gegnum Dineout.is og smáforritið Dineout Iceland. Þar getur almenningur fundið laus borð og bókað ásamt því að panta mat í take-away eða heimsendingu.

Í  hverri viku fá tveir heppnir viðskiptavinir sem panta mat með Dineout Iceland appinu endurgreitt. 

Marinó Flóvent

„Ásamt því að þjónusta veitingastaði með hugbúnaðarlausnir erum við einnig brú milli þeirra og almennings og þjónustum allan hringinn. Við bjóðum upp á borðabókunarhugbúnað, matarpöntunarhugbúnað og núna kassakerfi á þónokkrum veitingastöðum. Því til viðbótar erum við með snertilausa pöntunarþjónustu sem verður sífellt vinsælli. Við önnumst einnig heimasíðugerð fyrir veitingastaði og sérhæfða hugbúnaðargerð, í raun bjóðum við upp á allar lausnir fyrir þá sem eru með veitingastað í rekstri eða einhverskonar tengingar við veitingastaði. Það að bjóða uppá allar hugbúnaðarlausnir undir sama hattinum er mikil hagræðing fyrir veitingastaði þar sem flæðið verður skilvirkara. Til dæmis ef breyta þarf vörum eða verðum þarf bara að gera það á einum stað og það flæðir þá í gegnum allt kerfið. Einnig þarf starfsfólk bara að læra á eitt kerfi í stað margra eins og áður hefur verið.“

Marinó Flóvent

„Við höfum jafnframt fært út kvíarnar og höfum innleitt kerfið á fyrsta veitingastaðnum í Noregi. Fleiri staðir í Noregi munu bætast við á næstunni og þá erum við einnig byrjuð að innleiða kerfið okkar á Spáni. Þetta eru gríðarlega spennandi skref. Í raun má segja að hugbúnaðarþróun hafi tekið stökk í covid þegar snertilausar lausnir og heimsendingar urðu mikilvægar,“ segir Inga Tinna en gríðarlegur fjöldi bókana fer í gegnum Dineout.is

„Við fáum rétt tæplega 40.000 heimsóknir í hverjum einasta mánuði. Almenningur er farinn að bóka meira og undirbúa það að fara út að borða þegar fjöldatakmörkunum léttir og það mun bara aukast þegar rýmkar meira og ferðamennirnir koma. Við erum með tengingar inn á flest hótel á landinu svo starfsmenn hótela geta bókað borð fyrir gesti á veitingastöðum sem eru inni hjá okkur á Dineout.is. Það sparar mikla fyrirhöfn að þurfa ekki að hringja á milli staða til að leita að lausu borði heldur er hægt að fara beint inn í sérforrit fyrir hótelstarfsfólk og finna þar laus borð. Eins og áður sagði erum við með yfir 120 veitingastaði á okkar snærum og þeim fjölgar hratt enda er veitingabransinn allur að lifna við og nýir staðir bætast við flóruna,“ segir Inga Tinna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.