Lífið

Búin að finna ástina á Íslandi og gefur út nýtt ástarlag

Sylvía Rut Sigfúsdóttir skrifar
Söngkonan Klara Elias gaf út sína þriðju smáskífu í dag af EP plötu sem væntanleg er í sumar.
Söngkonan Klara Elias gaf út sína þriðju smáskífu í dag af EP plötu sem væntanleg er í sumar.

Söngkonan Klara Elíasdóttir sendi frá sér lagið Skyline í dag af væntanlegri plötu. Þetta er þriðja smáskífan af plötunni sem Klara gefur út undir nafninu Klara Elias en lögin Paralyzed og Champagne hlutu góðar viðtökur hér á landi.

Skyline er poppballaða og er nú þegar komið á Spotify. Ólíkt fyrstu tveim smáskífunum frá henni þar sem þemað er brotið hjarta og ástarsorg, fjallar þessi sumarsmellur um það að taka áhættu og hafa hugrekki til að verða ástfanginn. 

Klara samdi lagið með lagahöfundinum og upptökustjóranum James Wong. Hann hefur meðal annars samið lög fyrir Justin Bieber, Demi Lovato og Fifth Harmony. 

„Lagið var samið í eyðimörkinni í Kaliforníu, áður en að hörmungarnar dundu yfir heiminn í fyrra, í einu fallegasta húsi sem ég hef unnið í. Lagið endurspeglar algjörlega hvað ég var bjartsýn og hamingjusöm þennan dag. Lagið fjallar eiginlega um það að þora að verða ástfangin og áhættuna sem fylgir því að galopna hjarta sitt fyrir einhverju nýju - þó það hræði þig. Því það getur verið mjög „scary“ þegar það hefur verið brotið illa áður - að taka sénsinn og treysta því að ef maður fellur að einhver sé þar til að grípa þig,“ segir Klara um lagið sem má heyra hér fyrir neðan.

Klara er einnig búin að hanna og framleiða varning, hettupeysur og boli. Allur varningur verður seldur rafrænt í gegnum síðu sem fer í loftið í kringum útgáfu Skyline.

Klara flutti til Íslands á síðasta ári eftir nokkurra ára búsetu í Los Angeles. Hún hefur síðan þá fundið ástina á Íslandi og gefið út fullt af nýrri tónlist svo hún hefur haft í nógu að snúast. Ábreiða hennar af Justin Bieber laginu Anyone hefur verið mjög vinsælt síðustu vikur en þau vinna nú saman að íslenskri tónlist sem kemur út á næstunni. 

„Já ég er mjög hamingjusöm,“ sagði Klara um ástarmál sín í augnablikinu í viðtali í Brennslunni á FM957 í dag. Hún sagðist þar mjög glöð að vera komin til Íslands.

Viðtal Brennslunnar við Klöru og lagið Skyline má heyra í spilaranum hér fyrir neðan. Klippan hefst á Nylon laginu Fimm á richter en spjallið við Klöru hefst strax í kjölfarið.


Tengdar fréttir

„Við hlæjum svolítið oft að þessu tímabili“

Söngkonan Klara Elias var gestur í Snyrtiborðið með HI beauty. Klara er nýlega flutt aftur til Íslands eftir að búa í 11 ár í Los Angeles. Hún byrjaði snemma að syngja og hefur starfað við tónlist frá 18 ára aldri, þegar hljómsveitin NYLON var stofnuð.

„Erfiðustu sambandsslit sem ég hef farið í gegnum“

Klara Elias eða Klara Ósk Elíasdóttir gaf á miðnætti út sína aðra smáskífu sem ber nafnið Champagne. Lagið Champagne samdi Klara með Ölmu Guðmundsdóttur og danska pródúsentinum David „Dehiro“ Morup sem sá einnig um að útsetja.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.