Innlent

Í skoðun að breyta lánum ríkissjóðs til Vaðlaheiðarganga í hlutafé

Hólmfríður Gísladóttir skrifar
Vaðlaheiðargöng voru opnuð í lok árs 2018.
Vaðlaheiðargöng voru opnuð í lok árs 2018. Vísir/Tryggvi

Til skoðunar er að ríkissjóður breyti hluta af lánum sínum til Vaðlaheiðaganga í hlutafé. Unnið er að endurfjármögnun skulda til að draga úr fjármagnskostnaði, sem setur strik í reikninginn þrátt fyrir að rekstur ganganna gangi vel.

Frá þessu er greint í Fréttablaðinu í dag.

Vaðlaheiðargöng eru í eigu Greiðrar leiðar ehf., sem á 66 prósent, og ríkissjóðs, sem á 33 prósent. Greið leið er í eigu allra sveitarfélaganna á Norðurlandi eystra.

Fréttablaðið hefur eftir Valgeiri Bergmann, framkvæmdastjóra Vaðlaheiðarganga, að reksturinn hafi gengið vel og tekjur séu langt umfram gjöld. Hins vegar námu vaxtagjöld Vaðlaheiðarganga tæpum 900 milljónum króna árið 2019.

„Við erum með mjög óhagstæð vaxtakjör miðað við það sem þekkist í dag og þess vegna skiptir miklu máli að endurfjármagna lánin svo reksturinn geti staðið undir sér til framtíðar,“ segir Valgeir.

Heildarumferð um göngin dróst saman um 20 prósent á síðasta ári vegna fækkunar ferðamanna í kórónaveirufaraldrinum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×