Innlent

Þrír greindust innan­­lands og tveir utan sótt­kvíar

Atli Ísleifsson skrifar
Rúmlega 6.500 manns hafa nú greinst með kórónuveiruna hér á landi frá upphafi faraldursins. Síðustu daga hafa talsvert verið um smit í Skagafirði.
Rúmlega 6.500 manns hafa nú greinst með kórónuveiruna hér á landi frá upphafi faraldursins. Síðustu daga hafa talsvert verið um smit í Skagafirði. Vísir/Vilhelm

Þrír greindust með kórónuveiruna innan­lands í gær. Tveir af þeim greindust voru utan sóttkvíar, en einn var í sóttkví.

Þetta kemur fram í uppfærðum tölum á síðunni Covid.is.

84 eru nú í einangrun, en voru hundrað í gær. 543 eru nú í sóttkví, en voru 269 í gær. 997 eru nú í skimunarsóttkví. Þá eru þrír nú á sjúkrahúsi vegna Covid-19, en voru tveir í gær.

Einn greindist á landamærum í gær og reyndist sá vera með mótefni.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 17,7, en var 21,5 í gær. Nýgengi á smiti á landamærum er nú 2,5, en var 3,0 í gær.

55.780 eru nú fullbólusettir hér á landi og er bólusetning hafin hjá 85.025 til viðbótar.

Alls hafa 6.522 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 1.016 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 476 sýni tekin á landamærunum eða í seinni landamæraskimun og 319 í svokallaðri sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.