Drottningin látin fáeinum vikum eftir lát konungsins

Atli Ísleifsson skrifar 30. apríl 2021 07:42

Shiyiwe Mantfombi Dlamini Zulu. Súlúmenn telja um ellefu milljónir, eða um átján prósent suður-afrísku þjóðarinnar. Twitter

Shiyiwe Mantfombi Dlamini Zulu, drottning Súlúmanna í Suður-Afríku, er látin, 65 ára að aldri. Hún lést einungis fáeinum vikum eftir að eiginmaður hennar, Goodwill Zwelithini konungur, lést.

Zwelithini andaðist 12. mars síðastliðinn, 72 ára að aldri. Ein sex eiginkvenna konungsins tók þá við völdum og skyldum konungborins þjóðhöfðingja Súlúmanna, en sá er leiðtogi stærsta þjóðarbrots Suður-Afríku og hefur almennt haft mikil áhrif á samfélag sinna manna í landinu.

Súlúmenn telja um ellefu milljónir, eða um átján prósent suður-afrísku þjóðarinnar. Goodwill Zwelithini var afkomandi Cetshwayo konungs sem leiddi þjóð Súlúmanna í stríðinu við Breta árið 1879. Zwelithini settist á konungsstól árið 1968 þegar faðir hans lést.

Shiyiwe Mantfombi Dlamini Zulu drottning var lögð inn á sjúkrahús skömmu eftir lát eiginmanns síns, en í morgun greindi Mangosuthu Buthelezi, sem gegnir ígildi embættis forsætisráðherra Súlúmanna, frá því að drottningin væri látin. „Við erum orðlaus, þetta kom mjög á óvart.“

Talið er að hinn 46 ára Misuzulu Zulu prins, elsti sonur Dlamini Zulu, muni nú taka við embætti konungs Súlúmanna.

Cyril Ramaphosa, forseti Suður-Afríku, minnist hinnar drottningarinnar á Twitter þar sem hann sendir samúðarkveðjur til konungskjölfskyldunnar og þjóð Súlúmanna.

Personally and on behalf of government and all South Africans, I offer my sincerest condolences to the Royal Family and the Zulu nation. We extend our thoughts, prayers and hearts once more to the Royal Family who, in the midst of mourning the passing of the beloved King, pic.twitter.com/OU1VzioZF5
— Cyril Ramaphosa #StaySafe (@CyrilRamaphosa) April 30, 2021

Andlát Suður-Afríka Kóngafólk

Tengdar fréttir

Konungur Súlúmanna fallinn frá

Goodwill Zwelithini, konungur Súlúmanna í Suður-Afríki, er látinn, 72 ára að aldri. Hann lést á sjúkrahúsi þar sem hann hafði notið aðhlynningar að undanförnu vegna einkenna sykursýki.

12. mars 2021 12:09

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir