Innlent

Tólf berjast um átta sæti

Snorri Másson skrifar
Hörðust verður baráttan um annað sæti í kjördæmunum tveimur, þar sem sex sækjast eftir tveimur sætum.
Hörðust verður baráttan um annað sæti í kjördæmunum tveimur, þar sem sex sækjast eftir tveimur sætum. Vinstri grænir

Samtals verða tólf í framboði í forvali Vinstri grænna í Reykjavík sem verður dagana 16. til 19. maí. Sex bjóða sig fram í annað sætið.

Í forvalinu verður kosið í efstu fjögur sætin á framboðslistum Vinstri grænna til Alþingis í Reykjavíkurkjördæmum suður og norður.

Frambjóðendur bjóða sig því fram í tiltekið sæti í kjördæmunum og er síðan úthlutað sæti í öðru hvoru þeirra.

Katrín Jakobsdóttir, forsætisráðherra og Svandís Svavarsdóttir heilbrigðisráðherra sækjast báðar eftir fyrsta sæti á lista, hvor í sínu kjördæmi.

Andrés Skúlason verkefnastjóri, Daníel E. Arnarson, framkvæmdastjóri Samtakanna ’78, Elva Hrönn Hjartardóttir, sérfræðingur hjá VR, Kolbeinn Óttarsson Proppé alþingismaður, Orri Páll Jóhannsson, aðstoðarmaður umhverfis- og auðlindaráðherra og varaþingmaður, og Steinunn Þóra Árnadóttir alþingismaður sækjast öll eftir 2. sæti.

Aðrir frambjóðendur eru:

Brynhildur Björnsdóttir, blaðamaður, bókarýnir og söngkona, í 4. sæti.

Eva Dögg Davíðsdóttir, doktorsnemi í umhverfis- og þróunarfræði, í 3.-4. sæti.

Guy Conan Stewart, kennari, í 4. sæti.

René Biasone, sérfræðingur hjá Umhverfisstofnun, í 4. sæti.

Vinstri græn Ríkisstjórn Katrínar Jakobsdóttur Alþingiskosningar 2021 Reykjavíkurkjördæmi norður Reykjavíkurkjördæmi suður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið