Sport

Dag­skráin í dag: Leikurinn um­talaði, Domino’s deild karla og fót­bolti

Anton Ingi Leifsson skrifar
KA/Þór er í harðri baráttu um deildarmeistaratitilinn og mætir í Garðabæinn í dag.
KA/Þór er í harðri baráttu um deildarmeistaratitilinn og mætir í Garðabæinn í dag. VÍSIR/DANÍEL

Íþróttirnar halda áfram að rúlla á Stöð 2 Sport og hliðarrásum í dag og kvöld en í dag má finna meðal annars útsendingar frá fótbolta, handbolta og körfubolta.

Klukkan 14.50 er það útsending frá EM í eFótbolta áður en sýnt verður frá leikjum í ítalska boltanum; Torino og Napoli annars vegar og hins vegar Lazio og AC Milan.

Njarðvík og Höttur mætast í fallbaráttuslag í Domino’s deild karla klukkan 19.00 en klukkan 19.20 er ansi áhugaverður leikur í Olís-deild kvenna er Stjarnan og KA/Þór mætast. Mikið hefur verið rætt og ritað um þann leik en þetta er endurtekinn leikur.

Áfrýjunardómstóll HSÍ komst að þeirri niðurstöðu í síðustu viku að Stjarnan og KA/Þór ættu að mætast aftur. KA/Þór virtist hafa unnið 27-26 sigur í leik liðanna í febrúar en Stjarnan kærði úrslit leiksins þegar í ljós kom að vegna mistaka á ritaraborði hafði einu marki verið bætt við hjá KA/Þór í fyrri hálfleik. Hvort lið skoraði því 26 mörk í leiknum.

Allar beinar útsendingar dagsins má sjá hér.

Mest lesið


Fleiri fréttir

Sjá meira


×

Mest lesið