Á myndinni má að sögn sjóhersins sjá brak úr kafbátnum og hluta af eigum áhafnarinnar. EPA-EFE/MADE NAGI
Kafbáturinn sem hvarf á miðvikudaginn með 53 manna áhöfn innanborðs úti fyrir ströndum Balí er sokkinn að sögn indónesíska sjóhersins.
Brak úr kafbátnum hefur fundist nærri þeim stað þar sem síðast var vitað um bátinn. Þá hafa einnig fundist innanstokksmunir og einhverjar eigur áhafnarinnar, á borð við bænamottur, að því er segir í frétt BBC. Þá tókst með hjálp tækninnar að finna flak kafbátsins á um 850 metra dýpi, sem er langtum dýpra en báturinn þolir.
Aðeins voru súrefnisbirgðir í bátnum sem hefðu dugað í þrjá daga. Kafbáturinn, KRI Nanggala 402, var þýsk smíði og var um fjörutíu ára gamall. Endurbætur voru gerðar á bátnum árið 2012.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
