Innlent

27 greindust innan­lands

Atli Ísleifsson skrifar
Tvær hópsýkingar komu upp um helgina, annars vegar í tengslum við leikskólann Jörfa í Reykjavík og svo fyrirtækið Íslenskt sjávarfang.
Tvær hópsýkingar komu upp um helgina, annars vegar í tengslum við leikskólann Jörfa í Reykjavík og svo fyrirtækið Íslenskt sjávarfang. Vísir/Vilhelm

27 greindust með kórónuveiruna innan­lands í gær. 25 þeirra sem greindust voru í sóttkví, en tveir greindust utan sóttkvíar.

Þetta kemur fram í uppfærðum tölum á síðunni Covid.is. Alls hafa því fjörutíu greinst innanlands síðustu tvo sólarhringa, en á laugardag greindust þrettán og þar af átta utan sóttkvíar.

97 eru nú í einangrun, en voru 73 á föstudag. 386 eru nú í sóttkví, en voru 165 á föstudag. 922 eru nú í skimunarsóttkví. Þá eru þrír nú á sjúkrahúsi vegna Covid-19, en þeir voru þrír á föstudag.

Ekkert smit greindist á landamærum í gær.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 20,7, en var 12,5 á föstudag. Nýgengi á smiti á landamærum er nú 6,8

29.686 eru nú fullbólusettir hér á landi og er bólusetning hafin hjá 40.796 til viðbótar.

Alls hafa 6.329 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 796 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 547 sýni tekin á landamærunum eða í seinni landamæraskimun og 190 í svokallaðri sóttkvíar- og handahófsskimun.

Fréttin hefur verið uppfærð. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.