Erlent

98 látnir eftir sprengingarnar í Bata

Atli Ísleifsson skrifar
Alls var um fjórar sprengingar að ræða, síðdegis á sunnudaginn. Á herstöðinni eru sérsveitir hersins með aðsetur, auk þjóðvarðliða.
Alls var um fjórar sprengingar að ræða, síðdegis á sunnudaginn. Á herstöðinni eru sérsveitir hersins með aðsetur, auk þjóðvarðliða. EPA/JOSE LUIS ABECARA AGUESOMO

Fjöldi látinna eftir sprengingarnar á herstöðinni í hafnarborginni Bata í Miðbaugs-Gíneu er nú kominn í 98. Auk þeirra slösuðust rúmlega sex hundruð manns og gæti fjöldi látinna því hækkað enn frekar þegar fram í sækir.

Teodoro Obiang Nguema Mbasogo, forseti Miðbaugs-Gíneu, segir að gáleysisleg meðferð á sprengiefni hafi valdið sprengingunum. Mikill fjöldi mannvirkja hersins eyðilagðist í sprengingunum og að sögn forsetans eiga að hafa orðið einhverjar skemmdir á nær öllum húsum í borginni.

Heilbrigðisyfirvöld í landinu hafa varað við að einhverjir kunni enn að leynast í rústum húsa og hefur því verið beint til landsmanna að gefa blóð.

Alls var um fjórar sprengingar að ræða síðdegis á sunnudaginn. Á herstöðinni eru sérsveitir hersins með aðsetur, auk þjóðvarðliða.

Bata er fjölmennasta borg landsins með um 800 þúsund íbúa.

Miðbaugs-Gínea

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið