Lífið

Furðuðu sig á því að það væru tvö baðherbergi hlið við hlið

Stefán Árni Pálsson skrifar
Kolbeinn Höður og Björg fjárfestu í eign eftir ferlið.
Kolbeinn Höður og Björg fjárfestu í eign eftir ferlið.

Á miðvikudagskvöldið var á dagskrá nýr þáttur af Draumaheimilinu á Stöð 2.

Hugrún Halldórsdóttir er þáttastjórnandinn en þátturinn er alls ekki aðeins fyrir fólk í kaup- eða söluhugleiðingum heldur fá áhorfendur góð ráð og innblástur fyrir sín eigin heimili.

Draumaheimilið er sjónvarpsþáttur þar sem fylgst er með Íslendingum í fasteignahugleiðingum taka eina af stærstu ákvörðunum lífsins, hvaða eign skal kaupa.

Á miðvikudaginn skoðaði parið Kolbeinn Hörður Gunnarsson og Björg Einarsdóttir þrjár eignir í þeirri von um að finna draumaeignina.

Parið var með það markmið að finna sér eign fyrir um fjörutíu milljónir. Þau skoðuðu þrjár eignir, eina í Hafnarfirðinum og tvær í Kópavoginum.

Íbúðin í Hafnarfirðinum var sú dýrasta og var sett á hana um 55 milljónir. Hún var svo gott sem ný og var þar að finna tvö baðherbergi. Það sem parið furðaði sig á að baðherbergin voru hlið við hlið en hér að neðan má sjá brot úr þættinum.

Parið valdi síðan eina íbúð til að fjárfesta í en hægt er að sjá þáttinn í heild sinni á Stöð 2+.

Klippa: Furðuðu sig á því að það væru tvö baðherbergi hlið við hlið





Fleiri fréttir

Sjá meira


×