Ársverðbólga hefur verið yfir markmiði Seðlabankans frá því í maí í fyrra. Vísir/Vilhelm
Ársverðbólga mælist 4,1 prósent nú í febrúar og er 0,2 prósentustigum lægri en í janúar þegar hún mældist 4,3 prósent. Verðbólga hafði verið á uppleið frá því í byrjun síðasta árs en í janúar í fyrra var tólf mánaða verðbólga 1,7 prósent.
Verðbólga fór yfir 2,5 prósenta markmið Seðlabankans í maí og hefur verið yfir markmiði síðan. Síðastliðna tólf mánuði hefur vísitala neysluverðs án húsnæðis hækkað um 4,5 prósent.
Fram kemur í tölum Hagstofu Íslands að vetrarútsölur séu víða gengnar til baka og hefur það haft áhrif á vísitölu neysluverðs. Hækkaði verð á húsgögnum og heimilisbúnaði um 3,2 prósent milli janúar og febrúar (áhrif á vísitöluna 0,17 prósent) og verð á fötum og skóm um 4,4 prósent (0,15 prósent). Viðhald og viðgerðir á húsnæði hækkuðu um 2,2 prósent (0,11 prósent).
Ársverðbólga nú í janúar mælist 4,3 prósent samkvæmt útreikningum Hagstofu Íslands, núll komma sjö prósentustigum meiri en hún mældist í desember þegar hún var 3,6 prósent.
Horfur hafa versnað varðandi viðskiptakjör Íslands á þessu ári miðað við fyrri spá Seðlabankans og verðbólga er meiri en reiknað var með. Maginvextir bankans verða ábreyttir í 0,75 prósentum samkvæmt vaxtaákvörðun í morgun.
Verðbólga mælist nú 3,6 prósent og er um hækkun að ræða. Alls voru 14.900 einstaklingar atvinnulausir í nóvember.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
