Aftur greindist enginn með kórónuveiruna

Atli Ísleifsson skrifar 23. febrúar 2021 10:43

Alls hafa rúmlega 10 þúsund manns verið fullbólusettir gegn Covid-19 á Íslandi. Vísir/Vilhelm

Annan daginn í röð greindist enginn með kórónuveiruna innanlands í gær. Enginn greindist heldur á landamærum í gær.

Þetta kemur fram í uppfærðum tölum á síðunni covid.is. Sautján manns eru nú í einangrun, samanborið við 25 í gær.

24 eru nú í sóttkví, samanborið við 26 í gær. 882 eru í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 1,4, en var 1,6 í gær. Nýgengi landamærasmita er nú 4,9 líkt og í gær.

6.049 manns hafa nú greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

10.554 eru nú fullbólusettir hér á landi og er bólusetning hafin hjá 6.825 til viðbótar.

Alls voru tekin 1.188 einkennasýni hjá sýkla- og veirufræðideild Landspítalans og Íslenskri erfðagreiningu í gær og 259 sýni á landamærunum eða í seinni landamæraskimun.

Fréttin hefur verið uppfærð. Athugið að í upphaflegri útgáfu var ranglega sagt frá því að tveir hafi greinst á landamærum. Það hefur verið leiðrétt.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.