Einn greindist með kórónuveiruna innanlands í gær

Atli Ísleifsson skrifar 19. febrúar 2021 10:36

Alls hafa rúmlega sex þúsund greinst með kórónuveiruna hér á landi frá upphafi faraldursins. Landspítali/Þorkell Þorkelsson

Einn greindist með kórónuveiruna innanlands í gær. Sá sem greindist var í sóttkví við greiningu. Smitið er það fyrsta sem greinist hér á landi í eina viku.

Þetta kemur fram í uppfærðum tölum á síðunni covid.is. Tveir greindust með veiruna á landamærum og reyndust þeir báðir vera með mótefni.

Sá sem greindist innanlands greindist í svokallaðri sóttkvíar- og handahófsskimun.

27 manns eru nú í einangrun, samanborið við 26 í gær. 26 eru nú í sóttkví, en þeir voru 27 í gær. 891 eru í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 2,2, en var 1,9 í gær. Nýgengi landamærasmita er nú 4,6, en var 5,2 í gær.

6.045 manns hafa nú greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 688 einkennasýni hjá sýkla- og veirufræðideild Landspítalans og Íslenskri erfðagreiningu í gær og 595 sýni á landamærunum eða í seinni landamæraskimun.

Fréttin hefur verið uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.