Erlent

Suu Kyi lengur í gæsluvarðhaldi

Þórgnýr Einar Albertsson skrifar

Gæsluvarðhaldsúrskurður yfir Aung San Suu Kyi, kjörnum leiðtoga Mjanmar, var framlengdur í dag. Herinn hótar mótmælendum tuttugu ára fangelsisdómum.

Tvær vikur eru nú liðnar frá því herinn tók völdin í Mjanmar og setti kjörna leiðtoga í stofufangelsi. Síðan þá hefur smám saman færst meiri kraftur í mótmæli gegn herforingjastjórninni.

Viðbúnaður hers og lögreglu er töluverður og komið hefur til átaka við mótmælendur. Hundruð hafa verið handtekin, meðal annars hópur nema frá þrettán og upp í sextán ára, sem  mótmælendur kröfðust að yrði leystur úr haldi í dag. Mótmælin hafa almennt farið fram með friðsamlegum hætti. 

Til stóð að Suu Kyi yrði leidd fyrir dóm í dag, en hún er sökuð um að hafa smyglað ólöglegum fjarskiptatækjum til landsins. Lögmaður hennar sagði því þó hafa verið frestað, þótt ástæðan liggi ekki fyrir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×