Innlent

Einn greindist innan­lands

Atli Ísleifsson skrifar
Alls hafa um sex þúsund manns greinst með kórónuveiruna hér á landi frá upphafi faraldursins.
Alls hafa um sex þúsund manns greinst með kórónuveiruna hér á landi frá upphafi faraldursins. Vísir/Vilhelm

Einn greindist með kórónuveiruna innanlands í gær. Sá sem greindist var í sóttkví.

Þetta kemur fram í uppfærðum tölum á síðunni covid.is. Alls eru nú sautján á sjúkrahúsi vegna Covid-19.

Fjórir greindust smitaðir á landamærum í gær – tveir með virkt smit í seinni skimun og er niðurstöðu mótefnamælingar beðið í tilvikum tveggja.

64 manns eru nú í einangrun og þá eru 128 í sóttkví. 843 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 9,3, samanborið við 12,3 á föstudaginn. Nýgengi landamærasmita er nú 15,0, en var 18,8 á föstudag.

Alls hafa 5.990 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 453 einkennasýni hjá sýkla- og veirufræðideild Landspítalans og Íslenskri erfðagreiningu í gær og 432 sýni á landamærunum eða í seinni landamæraskimun. Þá voru tekin 62 sýni í sóttkvíar- og handahófsskimun.

Bólusetningu er nú lokið hjá 4.546 einstaklingum og er hafin hjá 3.703 til viðbótar.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.