Erlent

Fyrst­i þel­dökk­i varn­ar­mál­a­ráð­herr­a Band­a­ríkj­ann­a

Samúel Karl Ólason skrifar
Lloyd Austin, varnarmálaráðherra Bandaríkjanna.
Lloyd Austin, varnarmálaráðherra Bandaríkjanna. AP/Jim Lo Scalzo

Öldungadeild Bandaríkjaþings hefur staðfest tilnefningu fyrrverandi herforingjans Lloyd J. Austin til embættis varnarmálaráðherra Bandaríkjanna. Hann er fyrsti þeldökki varnarmálaráðherra Bandaríkjanna.

93 öldungadeildarþingmenn greiddu atkvæði með tilnefningu Austins en tveir greiddu atkvæði gegn henni.

Austin er þar með annar ráðherra Joe Bidens sem lýkur tilnefningarferli sínu en öldungadeildarþingið staðfesti Avril Haines sem yfirmann leyniþjónusta Bandaríkjanna á miðvikudaginn. Hún er fyrsta konan til að gegna þeirri stöðu.

Biden og Austin störfuðu náið saman á árunum 2010 og 2011, þegar Biden var varaforseti. Þá var Austin yfirmaður hersins í Baghdad í Írak og unnu þeir að því að flytja hermenn á brott frá ríkinu.

Herinn sneri þó aftur árið 2014, þegar Íslamska ríkið lagði undir sig stóra hluta Íraks og Sýrlands og er Austin sagður hafa komið að skipulagningu aðgerða gegn ISIS.

Í frétt AP fréttaveitunnar segir að Biden reiði sig á Austin til að koma á stöðugleika innan ráðuneytisins en á undanförnum fjórum árum hafa tveir ráðherrar farið þar í gegn og fjórir aðrir sinnt embættinu tímabundið.

Þurfti undanþágu frá þinginu

Tilnefning Austin er óhefðbundin þar sem hann er fyrrverandi herforingi og reglurnar eru hannaðar til að tryggja borgaraleg yfirráð yfir herafla Bandaríkjanna. Hann þurfti sérstaka undanþágu þar sem reglur meina fyrrverandi herforingjum að sinna embættinu innan við sjö árum eftir að þeir hætta störfum sínum innan herafla Bandaríkjanna.

Báðar deildir þingsins samþykktu þá undanþágu í gær. Hún hefur tvisvar sinnum verið veitt áður. Árið 2017, þegar Donald Trump skipaði herforingjann Jim Mattis í embættið og árið 1950 þegar George C. Marshall varð varnarmálaráðherra á tíma Kóreustríðsins.

Þegar Austin sat fyrir svörum þingmanna sagðist hann ekki hafa sóst eftir því að verða ráðherra en hann væri tilbúinn til að sinna því. Þá sagðist Austin ætla að beita sér varðandi það að tækla þjóðernishyggju og annars konar öfgar innan herafla Bandaríkjanna.


Tengdar fréttir

Skilur eftir sig „djúpríki“ Trump-liða

Donald Trump, fráfarandi forseti Bandaríkjanna, mun skilja eftir sig mikinn fjölda opinberra starfsmanna sem voru upprunalega pólitískt skipaðir í störf sín. Erfitt mun vera fyrir ríkisstjórn Joe Biden að koma þessum mönnum frá.

Vill Austin sem varnar­mála­ráð­herra

Joe Biden hefur valið herforingjann fyrrverandi, Lloyd Austin, til að gegna embætti varnarmálaráðherra í ríkisstjórn sinni. Frá þessu greina bandarískir fjölmiðlar þó að hvorki Biden né Austin hafi enn staðfest fréttirnar.

Trump sópar fólki út úr varnarmálaráðuneytinu

Í kjölfar þess að Donald Trump, fráfarandi forseti Bandaríkjanna, rak Mark Esper, varnarmálaráðherra, hefur hann komið minnst þremur dyggum stuðningsmönnum sínum fyrir í háttsettum störfum í ráðuneytinu.

Trump skiptir út varnar­mála­ráð­herranum

Donald Trump, fráfarandi Bandaríkjaforseti, tilkynnti á Twitter fyrir skömmu að Mark Esper væri á förum úr embætti varnarmálaráðherra og að Christopher C. Miller væri tekinn við sem starfandi varnarmálaráðherra.

Mattis hæddist að Trump

James Mattis, fyrrverandi hershöfðingi og fyrrverandi varnarmálaráðherra Bandaríkjanna, hæddist að Donald Trump í gærkvöldi. Það gerði hann eftir að forsetinn kallaði Mattis "ofmetnasta hershöfðingja“ sögunnar á undarlegum fundi í Hvíta húsinu í fyrradag.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×