Samfélagið á Flateyri slegið

Berghildur Erla Bernharðsdóttir skrifar 20. janúar 2021 14:01

Frá Flateyri þar sem fjölskyldan er búsett. Visir/Egill

Rannsókn lögreglu á tildrögum banaslyssins í Skötufirði gengur vel en er ekki lokið samkvæmt upplýsingum frá lögreglunni á Vestfjörðum. Bænastund verður haldin í Flateyrarkirkju í kvöld. Sóknarpresturinn segir slysið hafa mikil áhrif á samfélagið.

Drengurinn sem var í bifreiðinni sem fór út af veginum í Skötufirði og hafnaði í sjónum á laugardagsmorguninn lést í gær á Landspítala Háskólasjúkrahúsi

Nafn drengsins er Mikolaj Majewski og var hann á öðru ári. Tomasz Majewski faðir hans lenti einnig í slysinu og er líðan hans eftir atvikum góð samkvæmt lögreglunni á Vestfjörðum. Eftirlifandi hálf systir Mikolaj er , Wiktoria Majowska 12 ára, sem er búsett hér á landi ásamt móður sinni og fósturföður.

Móðir drengsins Kamila Majewska, lést á laugardagskvöld.

Von er á fjölskyldu Tomaszar og Kamilu frá Póllandi á föstudag. Samkvæmt upplýsingum frá aðstandanda er gert ráð fyrir að útför Kamilu og Mikolaj verði í Póllandi.

Rannsókn á tildrögum slyssins miðar vel samkvæmt upplýsingum frá lögreglu en ekki er hægt að segja frá niðurstöðu hennar að svo stöddu.

Fjölnir Ásbjörnsson sóknarprestur í Flateyrarkirkju. Vísir(Friðrik

Lögreglan sendir eftirlifandi eiginmanni og föður sýnar innilegustu samúðarkveðjur. Þá vill lögreglan ítreka þakkir til viðbragðsaðila sem komu á vettvang og ekki síður þeirra fjögurra vegfarenda sem fyrstir komu að og veittu fyrstu hjálp.

Þá óskar Pólska sendiráðið á Íslandi aðstendum dýpstu samúðarkveðjur.

Bænastund verður haldin í Flateyrarkirkju í kvöld. Fjölnir Ásbjörnsson er sóknarprestur í Flateyrarkirkju.

„Það var bænastund einmitt á sunnudaginn var þar sem við opnuðum kirkjuna. Það tókst ákaflega vel og í kvöld ætlum við að opna kirkjunna klukkan frá 20-22. Fólk getur þá komið, kveikt á kertum, spjallað saman eða rætt við prest,“ segir Fjölnir.

Hann segir samfélagið slegið.

„Samfélagið er mjög náið á Flateyri, það þekkjast allir mjög vel og þetta hefur mikil áhrif vítt og breitt í samfélaginu. Fólk villl leggja sitt af mörkum til að aðstoða fjölskylduna,“ segir Fjölnir.

Stofnaður hefur verið söfnunareikningur fyrir Tomasz Majewski sem lenti í slysinu. Söfnunarfénu verður varið til að standa straum af útfararkostnaði, stuðningi við fjölskylduna og ferðum milli Íslands og Póllands. Reikningsnúmer er:0123-15-021551, kt: 031289-4089.

Banaslys í Skötufirði Ísafjarðarbær Samgönguslys

Tengdar fréttir

Líðan mannsins eftir atvikum góð

Líðan mannsins sem lifði af bílslysið í Skötufirði á laugardag er eftir atvikum góð. Þetta kemur fram í tilkynningu frá lögreglunni á Vestfjörðum.

20. janúar 2021 11:19

Erfiðast að sjá fólk hrapa

Fjallgöngumaðurinn John Snorri Sigurjónsson stefnir á að standa á toppnum á K2 áður en mánuðurinn er á enda. Hópurinn býr sig nú undir aftakaveður sem spáð er á morgun og bíður átekta á meðan það gengur yfir. Tveir hafa týnt lífi á fjallinu undanfarna daga.

19. janúar 2021 19:01

Litli drengurinn látinn eftir slysið í Skötufirði

Drengur sem lenti í umferðarslysi ásamt foreldrum sínum í Skötufirði í Ísafjarðardjúpi á laugardag er látinn.

19. janúar 2021 18:39

Safna fyrir fjölskyldu konunnar sem lést í Skötufirði

Söfnun hefur verið hrundið af stað fyrir fjölskyldu Kamilu Majewsku, pólskrar konu búsett á Flateyri, sem lést eftir umferðarslys í Skötufirði á laugardagsmorgun. Pólskir vinir konunnar standa að söfnuninni og segja hana til styrktar eiginmanni hennar og sonar sem sé í lífshættu.

19. janúar 2021 11:50

Ráðast í endurbætur á símasambandi á slysstað í næstu viku

Framkvæmdastjóri Neyðarlínunnar segir það sjaldgæft að fólk nái ekki sambandi í neyð vegna slæms símasambands og að þeim stöðum fari mjög fækkandi. Til stendur að ráðast í endurbætur á símasambandi í Skötufirði í næstu viku þar sem banaslys átti sér stað á laugardag.

18. janúar 2021 20:46

„Menn verða að geta komist í síma ef slys ber að höndum“

Varðstjóri á Ísafirði segir að innan samfélagsins fyrir vestan fari nú fram hávær umræða um slæmt ástand innviða í Ísafjarðardjúpi í skugga banaslyssins á laugardag.

18. janúar 2021 13:37

Viðbragðsaðilar lausir úr sóttkví

Viðbragðsaðilar sem tóku þátt í björgunaraðgerðum vegna umferðarslyssins sem varð í Skötufirði í gær eru lausir úr úrvinnslusóttkví. Þetta kemur fram í tilkynningu frá lögreglunni á Vestfjörðum.

17. janúar 2021 14:18

Vegfarendur náðu konu og barni úr bílnum

Neyðarlínu barst tilkynning um slysið í Skötufirði 16 mínútur yfir tíu í morgun. Vegfarendur höfðu komið að bíl fjölskyldunnar úti í sjó en þurftu að fara af slysstað til þess að hringja í Neyðarlínuna.

16. janúar 2021 18:30

Fólk sem aðstoðaði við björgunina í úrvinnslusóttkví

Fólkið sem kom að beinni björgun eftir að bíll fór í sjóinn í Skötufirði er nú í úrvinnslusóttkví. Þetta staðfestir Rögnvaldur Ólafsson, aðstoðaryfirlögregluþjónn hjá almannavarnadeild ríkislögreglustjóra, í samtali við fréttastofu.

16. janúar 2021 14:16

Fjölskylda flutt með þyrlu til Reykjavíkur eftir slysið

Þau þrjú sem voru í bílnum sem fór í sjóinn í Skötufirði voru flutt á sjúkrahús í Reykjavík með þyrlum Landhelgisgæslunnar nú eftir hádegi. Komið var með fólkið á Borgarspítalann á öðrum tímanum.

16. janúar 2021 13:05

Vegfarendur náðu fólki úr bíl sem fór í sjóinn í Skötufirði

Viðbragðsaðilar voru kallaðir út vegna slyss í Skötufirði í Ísafjarðardjúpi á Vestfjörðum vegna tilkynningar um bíl sem fór í sjóinn á ellefta tímanum í morgun. Þrír voru í bílnum.

16. janúar 2021 11:06

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.