Sprengi­sandur: Ís­lands­banki til al­mennings og á­standið í Banda­ríkjunum

Heiðar Guðjónsson, hagfræðingur og forstjóri Sýnar, er fyrsti gestur þáttarins. Hann mun ræða nauðsyn innviðafjárfestinga og furðar sig á fjarveru þeirra á samdráttartímum.

Ólafur Arnalds, prófessor við Landbúnaðarháskóla Íslands mun rekja niðurstöður úr tveimur nýjum ritum um jarðveg og loftslagsmál. Hann færir rök fyrir því að betri umgengni við landið og rétt nýting þess gæti skilað Íslandi kolefnishlutleysi hratt og örugglega.

Þingkonurnar Sigríður Á. Andersen, Hanna Katrín Friðriksson og Bjarkey Olsen Gunnarsdóttir ræða hugmyndir Sigríðar um að gefa almenningi Íslandsbanka sem og nýjustu vendingar í sóttvarnarmálum.

Að lokum munu Karl Th. Birgisson og Jón Óskar Sólnes fjalla um ástandið í Bandaríkjunum eftir árásina á þinghúsið á miðvikudag.

Hægt er að hlusta á þáttinn hér að neðan.