Svona verður dagskrá Guðna og Elizu í Danmörku atli ísleifsson skrifar 18. janúar 2017 10:31 Guðni Th. Jóhannesson forseti og Eliza Reid forsetafrú. vísir/ernir Guðni Th. Jóhannesson forseti og Eliza Reid forsetafrú halda í opinbera heimsókn til Danmerkur í næstu viku, en um er að ræða fyrstu opinberu heimsókn þeirra til útlanda frá því Guðni tók við embætti í sumar. Guðlaugur Þór Þórðarson utanríkisráðherra verður með í för ásamt opinberri sendinefnd sem í eru fulltrúar mennta- og fræðasamfélags auk embættismanna frá utanríkisráðuneyti og embætti forseta.Hefst með formlegri móttökuathöfn við Amalíuborgarhöll Skrifstofa forsetaembættisins hefur sent frá sér tilkynningu þar sem dagskrá ferðarinnar er útlistuð. Heimsóknin hefst þriðjudaginn 24. janúar með formlegri móttökuathöfn við Amalíuborgarhöll í Kaupmannahöfn og lýkur að morgni fimmtudagsins 26. janúar. „Meðal helstu dagskráratriða 24. janúar eru heimsókn í Jónshús þar sem forseti hittir forsvarsmenn hússins, ræðir við fulltrúa úr fjölbreyttu félagsstarfi Íslendinga í Kaupmannahöfn og skoðar sýningu um Jón Sigurðsson og Ingibjörgu Einarsdóttur, konu hans. Næst heldur forseti í Kristjánsborgarhöll, aðsetur danska Þjóðþingsins, og á þar fund með Lars Løkke Rasmussen forsætisráðherra og situr hádegisverð í boði hans. Þá á forseti einnig fund með forseta þingsins, Piu Kjærsgaard. Frá Kristjánsborgarhöll liggur leiðin í Konungsbókhlöðuna, Svarta demantinn, en þar verður dagskrá helguð handritum og fornsögum. Við það tækifæri afhendir forseti veglega bókagjöf, 700 eintök af nýrri heildarútgáfu Íslendingasagna í danskri þýðingu en það eru allmörg íslensk fyrirtæki sem standa að baki bókagjöfinni. Margrét Danadrottning verður viðstödd þessa dagskrá auk annarra gesta. Um kvöldið býður drottningin forseta og fylgdarliði til hátíðarkvöldverðar í Amalíuborgarhöll. Miðvikudaginn 25. janúar hefst dagskrá forseta með heimsókn í Árnasafn í Kaupmannahafnarháskóla, sem kalla má systurstofnun Árnastofnunar á Íslandi, en þar eru varðveitt þau íslensk handrit úr safni Árna Magnússonar sem ekki var skilað til Íslands, stundaðar fjölþættar rannsóknir á þessum menningararfi og gefnar út vandaðar útgáfur. Þvínæst verður haldið í höfuðstöðvar Dansk Industri við Ráðhústorgið þar sem fulltrúar úr íslensku atvinnulífi kynna starfsemi sína og áherslur á sjálfbærni, hátækni og fullnýtingu hráefna í matvæðaiðnaði. Þessi viðburður er skipulagður af Íslandsstofu. Í sömu byggingu reka dönsk stjórnvöld kynningarmiðstöð um sjálfbærni og umhverfisvernd, The State of Green, og mun forseti skoða hana ásamt Friðriki krónprins. Þá liggur leiðin til Alþjóða hafrannsóknaráðsins þar sem forseti mun kynna sér starfsemi þess og framlag til verndunar hafanna. Í hádeginu býður Kaupmannahafnarháskóli til hringborðsumræðu um þjóðernishyggju og hnattvæðingu þar sem forseti flytur ræðu og tekur þátt í samræðum ásamt hópi danskra fræðimanna og fjölmiðlamanna auk fulltrúa úr sendinefnd Íslands. Síðdegis heimsækja forsetahjón ásamt Friðriki krónprins og Mary krónprinsessu Copenhagen Hospitality School, stóran matreiðslu- og þjónaskóla þar sem margir Íslendingar hafa menntast. Þá liggur leiðin í kynningar- og fræðslumiðstöð Marels á Amager en Marel er, sem kunnugt er, leiðandi fyrirtæki í tækni fyrir matvælavinnslu. Þvínæst heimsækir forseti galleríið Bredgade Kunsthandel og opnar sýningu á verkum íslenskra listamanna sem numið hafa eða starfað í Danmörku. Síðdegis býður forseti Íslands til móttöku til heiðurs Margréti Danadrottningu í Nordatlantens Brygge og lýkur með henni formlegri dagskrá heimsóknarinnar. Auk þess að taka þátt í opinberum viðburðum heimsóknarinnar mun Eliza Reid forsetafrú eiga morgunverðarfund með Mary krónprinsessu 25. janúar og taka í kjölfarið þátt í sérstakri dagskrá með henni. Þær heimsækja leikskóla, sem hefur þótt skara fram úr m.a. með þjálfun í málfærni, og skoða jafnframt höfuðstöðvar alþjóðastofnana Sameinuðu þjóðanna í Danmörku,“ segir í tilkynningunni frá skrifstofu forseta. Mest lesið Forsetavaktin 2024: Hver verður sjöundi forseti lýðveldisins? Innlent „Nú á dögunum tók sonur minn líf sitt innan veggja fangelsisins“ Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Skólastjóradrama í Kóraskóla fær óvæntan endi Innlent Ætlar alla leið í baráttu fyrir nafninu sínu Innlent Svona voru kappræður sex efstu í baráttunni um Bessastaði Innlent Segir alvarlegt hvernig Katrín tjáði sig um Persónuvernd Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira
Guðni Th. Jóhannesson forseti og Eliza Reid forsetafrú halda í opinbera heimsókn til Danmerkur í næstu viku, en um er að ræða fyrstu opinberu heimsókn þeirra til útlanda frá því Guðni tók við embætti í sumar. Guðlaugur Þór Þórðarson utanríkisráðherra verður með í för ásamt opinberri sendinefnd sem í eru fulltrúar mennta- og fræðasamfélags auk embættismanna frá utanríkisráðuneyti og embætti forseta.Hefst með formlegri móttökuathöfn við Amalíuborgarhöll Skrifstofa forsetaembættisins hefur sent frá sér tilkynningu þar sem dagskrá ferðarinnar er útlistuð. Heimsóknin hefst þriðjudaginn 24. janúar með formlegri móttökuathöfn við Amalíuborgarhöll í Kaupmannahöfn og lýkur að morgni fimmtudagsins 26. janúar. „Meðal helstu dagskráratriða 24. janúar eru heimsókn í Jónshús þar sem forseti hittir forsvarsmenn hússins, ræðir við fulltrúa úr fjölbreyttu félagsstarfi Íslendinga í Kaupmannahöfn og skoðar sýningu um Jón Sigurðsson og Ingibjörgu Einarsdóttur, konu hans. Næst heldur forseti í Kristjánsborgarhöll, aðsetur danska Þjóðþingsins, og á þar fund með Lars Løkke Rasmussen forsætisráðherra og situr hádegisverð í boði hans. Þá á forseti einnig fund með forseta þingsins, Piu Kjærsgaard. Frá Kristjánsborgarhöll liggur leiðin í Konungsbókhlöðuna, Svarta demantinn, en þar verður dagskrá helguð handritum og fornsögum. Við það tækifæri afhendir forseti veglega bókagjöf, 700 eintök af nýrri heildarútgáfu Íslendingasagna í danskri þýðingu en það eru allmörg íslensk fyrirtæki sem standa að baki bókagjöfinni. Margrét Danadrottning verður viðstödd þessa dagskrá auk annarra gesta. Um kvöldið býður drottningin forseta og fylgdarliði til hátíðarkvöldverðar í Amalíuborgarhöll. Miðvikudaginn 25. janúar hefst dagskrá forseta með heimsókn í Árnasafn í Kaupmannahafnarháskóla, sem kalla má systurstofnun Árnastofnunar á Íslandi, en þar eru varðveitt þau íslensk handrit úr safni Árna Magnússonar sem ekki var skilað til Íslands, stundaðar fjölþættar rannsóknir á þessum menningararfi og gefnar út vandaðar útgáfur. Þvínæst verður haldið í höfuðstöðvar Dansk Industri við Ráðhústorgið þar sem fulltrúar úr íslensku atvinnulífi kynna starfsemi sína og áherslur á sjálfbærni, hátækni og fullnýtingu hráefna í matvæðaiðnaði. Þessi viðburður er skipulagður af Íslandsstofu. Í sömu byggingu reka dönsk stjórnvöld kynningarmiðstöð um sjálfbærni og umhverfisvernd, The State of Green, og mun forseti skoða hana ásamt Friðriki krónprins. Þá liggur leiðin til Alþjóða hafrannsóknaráðsins þar sem forseti mun kynna sér starfsemi þess og framlag til verndunar hafanna. Í hádeginu býður Kaupmannahafnarháskóli til hringborðsumræðu um þjóðernishyggju og hnattvæðingu þar sem forseti flytur ræðu og tekur þátt í samræðum ásamt hópi danskra fræðimanna og fjölmiðlamanna auk fulltrúa úr sendinefnd Íslands. Síðdegis heimsækja forsetahjón ásamt Friðriki krónprins og Mary krónprinsessu Copenhagen Hospitality School, stóran matreiðslu- og þjónaskóla þar sem margir Íslendingar hafa menntast. Þá liggur leiðin í kynningar- og fræðslumiðstöð Marels á Amager en Marel er, sem kunnugt er, leiðandi fyrirtæki í tækni fyrir matvælavinnslu. Þvínæst heimsækir forseti galleríið Bredgade Kunsthandel og opnar sýningu á verkum íslenskra listamanna sem numið hafa eða starfað í Danmörku. Síðdegis býður forseti Íslands til móttöku til heiðurs Margréti Danadrottningu í Nordatlantens Brygge og lýkur með henni formlegri dagskrá heimsóknarinnar. Auk þess að taka þátt í opinberum viðburðum heimsóknarinnar mun Eliza Reid forsetafrú eiga morgunverðarfund með Mary krónprinsessu 25. janúar og taka í kjölfarið þátt í sérstakri dagskrá með henni. Þær heimsækja leikskóla, sem hefur þótt skara fram úr m.a. með þjálfun í málfærni, og skoða jafnframt höfuðstöðvar alþjóðastofnana Sameinuðu þjóðanna í Danmörku,“ segir í tilkynningunni frá skrifstofu forseta.
Mest lesið Forsetavaktin 2024: Hver verður sjöundi forseti lýðveldisins? Innlent „Nú á dögunum tók sonur minn líf sitt innan veggja fangelsisins“ Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Skólastjóradrama í Kóraskóla fær óvæntan endi Innlent Ætlar alla leið í baráttu fyrir nafninu sínu Innlent Svona voru kappræður sex efstu í baráttunni um Bessastaði Innlent Segir alvarlegt hvernig Katrín tjáði sig um Persónuvernd Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira