Ægir framlengdi við Sundsvall

Landsliðsmaðurinn Ægir Þór Steinarsson er búinn að skrifa undir nýjan samning við sænska liðið Sundsvall Dragons.

Ægir Þór staðfesti þetta við karfan.is í kvöld. Íslendingarnir í liði Sundsvall verða því væntanlega fjórir næsta vetur.

Hlynur Bæringsson og Jakob Örn Sigurðarson eru búnir að vera hjá félaginu lengi og Ægir kom svo til liðsins. Á dögunum samdi svo Ragnar Nathanaelsson við félagið.

Ægir Þór og Ragnar mun búa saman og Ægir segir við karfan.is að því fylgi hræðsla og óvissa. Það var þó allt sagt í léttum dúr.

Sundsvall lenti í miklum hremmingum síðasta vetur er fjárhagur liðsins hrundi en þó svo liðið hafi ekki náð að styrkja sig almennilega í kjölfarið stóð liðið sig vel.