Paul Jewell í kynlífsmyndbandi

Enska götublaðið News of the World greindi í dag frá tilvist kynlífsmyndbands með Paul Jewell, knattspyrnustjóra Derby.

Á myndbandinu, sem er um klukkutímalangt, sést Jewell halda ítrekað fram hjá konu sinni til fleiri ára en þau hafa verið saman síðan þau voru táningar.

Eins og gefur að skilja er myndbandið ansi svæsið. Konan er bundin og þá koma ýmis hjálpartól einnig við sögu. Myndbandið er bæði tekið innan- og utandyra.

Jewell tók við Derby í lok nóvember í fyrra en liðinu hefur ekki náð að rétta úr kútnum og er langneðst í ensku úrvalsdeildinni með tíu stig. Fátt virðist geta komið í veg fyrir að liðið falli.

Hann hóf knattspyrnuferil sinn í Liverpool en fór til Wigan átján ára gamall þar sem hann var í fjögur ár. Árið 1988 fór hann til Bradford þar sem hann lék í tíu ár áður en hann lagði skóna á hilluna.

Að ferlinum loknum tók hann við þjálfun liðsins og kom þeim upp í ensku úrvalsdeildina árið 1999. Hann hélt liðinu uppi næsta tímabil en hætti svo og tók við Sheffield Wednesday.

Þar var hann í eitt tímabil áður en hann fór til Wigan þar sem hann var í sex ár. Þar hætti hann í lok síðasta tímabils.