Trump-stjórnin sögð grafa undan WHO á bak við tjöldin Kjartan Kjartansson skrifar 27. apríl 2020 13:17 Alþjóðaheilbrigðisstofnunin (WHO) og Kína hafa orðið að skotspóni Trump, að því er virðist til þess að beina athyglinni frá gagnrýni á viðbrögð Bandaríkjastjórnar við kórónuveirufaraldrinum. Vísir/EPA Bandaríkjastjórn hefur ekki aðeins stöðvað fjárframlög til Alþjóðaheilbrigðisstofnunarinnar (WHO) í miðjum kórónuveiruheimsfaraldri heldur eru Donald Trump forseti og nánustu ráðgjafar hans sagðir grafa undan stofnuninni á nokkrum vígstöðvum á bak við tjöldin. Undirróðurinn er sagður geta veikt stofnunina til lengri tíma litið. Trump forseti hefur reynt að gera WHO að blóraböggli fyrir kórónuveirufaraldrinum sem hefur lagst þyngra á Bandaríkin en flest önnur ríki. Hann hefur sakað WHO um að vera handbendi Kínverja og að hún hafi ekki látið þjóðir heims vita nægilega snemma um hættuna sem stafaði af nýju afbrigði kórónuveiru sem veldur Covid-19-sjúkdómnum. Hans eigin ríkisstjórn hefur þó verið sökuð um að grípa seint og illa til aðgerða eftir að hún fékk veður af veirunni í janúar. Framlög Bandaríkjanna til WHO voru stöðvuð í sextíu daga í síðustu viku. Washington Post segir að Trump og ríkisstjórn hans vinni gegn alþjóðastofnuninni víðar. Sjá einnig: Trump-stjórnin sögð hafa vanrækt undirbúning um mánaðaskeið Þannig hafi Mike Pompeo, utanríkisráðherra, sagt embættismönnum að fjarlægja allar tilvísanir í WHO úr upplýsingaefni um veirufaraldurinn og sniðganga stofnunina þegar kemur að lýðheilsuverkefnum sem Bandaríkin hafa stutt í gegnum WHO fram að þessu. Þess í stað beina Bandaríkin fjármunum sem fóru áður til WHO til frjálsra félagasamtaka. Pompeo hefur ekki útilokað að Bandaríkin muni hætta stuðningi við WHO varanlega. Stöðva ályktanir þar sem WHO er studd Bandaríkjastjórn hefur einnig staðið í vegi þess að öryggisráð Sameinuðu þjóðanna ályktaði um viðbrögð við faraldrinum vegna andstöðu við orðalag þar sem stuðningi var lýst við WHO. Þá gátu heilbrigðisráðherrar G20-ríkjanna heldur ekki gefið út sameiginlega yfirlýsingu um faraldurinn af sömu ástæðu fyrr í þessum mánuði. Hvíta húsið hefur ennfremur hvatt bandamenn sína til þess að grafa undan trúverðugleika WHO eins og þeir geta, þar á meðal með því að fullyrða að starfsmenn stofnunarinnar fari reglulega í íburðarmiklar „lúxusferðir“. Embættismaður Hvíta hússins sagði hópi málsvara ríkisstjórnarinnar nýlega að halda þeirri sögu á lofti án þess að leggja fram nokkrar sannanir fyrir að það ætti við rök að styðjast. „Það hefur reynst ómögulegt að ná sátt við Bandaríkin um skoðanir á starfi og hlutverki WHO,“ hefur blaðið eftir háttsettum evrópskum embættismanni. Misræmi hefur verið í gagnrýni Trump á WHO sem hann segir ganga erinda Kína og dreifa áróðri þaðan. Trump hefur sjálfur ítrekað lofað viðbrögð stjórnvalda í Beijing við faraldrinum og verið hikandi við að gagnrýna Xi Jinping forseta. Vísir/EPA Segja bandamönnum að véfengja trúverðugleika WHO Aðrir þjóðarleiðtogar hafa verið tregir til að taka undir gagnrýni Trump á WHO í faraldrinum miðjum. Hægt sé að rannsaka viðbrögð stofnunarinnar við faraldrinum eftir á en þeir telja ekki viturlegt að „skipta um hest í miðri á“. Sérfræðingar óttast að undirróður Trump og bandamanna hans eigi eftir að kippa stoðunum undan Alþjóðaheilbrigðisstofnuninni til lengri tíma. „Sextíu daga hlé á fjárframlögum Bandaríkjanna er höfuðverkur fyrir WHO en ekki endilega tilvistarleg ógn. Að því sögðu, ef utanríkisráðuneytið byrjar að veita öðrum fjárveitingar til að framfylgja heilbrigðisáætlunum sem WHO hefði getað haft umsjón með er hætta á að Bandaríkin byrji að dreifa fjármunum á óskilvirkan og brotakenndan hátt,“ segir Richard Gowan hjá Alþjóðlega neyðarhópnum, alþjóðlegri hugveitu. Bandaríkjastjórn fékk fyrstu upplýsingarnar um kórónuveiruna sem var tekin að breiðast út í Wuhan í Kína þegar um áramótin. Alþjóðaheilbrigðisstofnunin hvatti allar þjóðir til að búa sig undir að takast á við faraldurinn með eftirliti, skimun, einangrun og smitrakningu þegar í janúar. Stofnunin lýsti yfir neyðarástandi á heimsvísu 30. janúar. Trump hefur ítrekað haldið því fram að WHO hafi verið andsnúin ferðatakmörkunum sem hann kom á gagnvart ferðalöngum frá Kína 2. febrúar. Stofnunin lýsti engu að síður aðeins þeirri skoðun sinni að ferðabönn gögnuðust lítið til að stöðva faraldurinn. Í ljós hefur komið að kórónuveiran var líklega þegar byrjuð að dreifast um Bandaríkin í janúar, áður en ferðatakmarkanirnar tóku gildi. Eftir að Trump kom ferðatakmörkununum á aðhafðist ríkisstjórn hans þó lítið til að undirbúa sig fyrir útbreiðslu veirunnar í Bandaríkjunum. Þannig trassaði hún að birgja sig upp af nauðsynlegum búnaði eins og öndunarvélum og hlífðarbúnaði fyrir heilbrigðisstarfsfólks. Skimunarmál hafa jafnframt verið í miklum ólestri allt frá upphafi þó að hún hafi færst í aukana á undanförnum vikum. Faraldur kórónuveiru (COVID-19) Bandaríkin Donald Trump Forsetakosningar í Bandaríkjunum Tengdar fréttir Harmar ákvörðun Trump Dr. Tedros Adhanom sagði kórónuveiruna ekki fara í manngreiningarálit og að hún væri sameiginlegur og hættulegur óvinur 16. apríl 2020 08:54 Nú sé ekki tíminn til að draga úr fjárframlögum til WHO Framkvæmdastjóri Sameinuðu þjóðanna hefur gagnrýnt framferði Bandaríkjaforseta án þess þó að nefna hann sérstaklega á nafn. 15. apríl 2020 07:48 Trump segist hafa stöðvað fjárveitingar til WHO Bandaríkin ætla að hætta að veita Alþjóðaheilbrigðisstofnuninni (WHO) fé vegna þess hvernig stofnunin tók á kórónuveiruheimsfaraldrinum. Donald Trump Bandaríkjaforseti fullyrti að hann hefði skipað fyrir um þetta á blaðamannafundi í Hvíta húsinu í dag. 14. apríl 2020 22:59 Trump-stjórnin sögð hafa vanrækt undirbúning um mánaðaskeið Um tveir mánuðir liðu frá því að Bandaríkjastjórn fékk fyrstu upplýsingarnar um kórónuveirufaraldurinn í Kína þar til alríkisstjórnin greip til umtalsverðra aðgerða til að hefta útbreiðsluna. Afneitun og vanvirkni í röðum æðstu ráðamanna er sögð hafa átt þátt í að tímanum sem hefði getað nýst í undirbúning var kastað á glæ. 9. apríl 2020 10:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Notuðu piparúða á mótmælendur Innlent „Við höfum ekki séð þetta á Íslandi áður“ Innlent Hefði „slátrað“ dóttur sinni byggju þau í „arabalandi“ Innlent Mætti á kjörstað en fékk þau svör að hún væri búin að kjósa Innlent Ólík sýn á hvort Ísland eigi að styðja vörn Úkraínumanna Innlent Tívolíbomba hefði getað skapað stórhættu Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Maðurinn sem féll í Fnjóská fannst látinn Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Bandaríkjastjórn hefur ekki aðeins stöðvað fjárframlög til Alþjóðaheilbrigðisstofnunarinnar (WHO) í miðjum kórónuveiruheimsfaraldri heldur eru Donald Trump forseti og nánustu ráðgjafar hans sagðir grafa undan stofnuninni á nokkrum vígstöðvum á bak við tjöldin. Undirróðurinn er sagður geta veikt stofnunina til lengri tíma litið. Trump forseti hefur reynt að gera WHO að blóraböggli fyrir kórónuveirufaraldrinum sem hefur lagst þyngra á Bandaríkin en flest önnur ríki. Hann hefur sakað WHO um að vera handbendi Kínverja og að hún hafi ekki látið þjóðir heims vita nægilega snemma um hættuna sem stafaði af nýju afbrigði kórónuveiru sem veldur Covid-19-sjúkdómnum. Hans eigin ríkisstjórn hefur þó verið sökuð um að grípa seint og illa til aðgerða eftir að hún fékk veður af veirunni í janúar. Framlög Bandaríkjanna til WHO voru stöðvuð í sextíu daga í síðustu viku. Washington Post segir að Trump og ríkisstjórn hans vinni gegn alþjóðastofnuninni víðar. Sjá einnig: Trump-stjórnin sögð hafa vanrækt undirbúning um mánaðaskeið Þannig hafi Mike Pompeo, utanríkisráðherra, sagt embættismönnum að fjarlægja allar tilvísanir í WHO úr upplýsingaefni um veirufaraldurinn og sniðganga stofnunina þegar kemur að lýðheilsuverkefnum sem Bandaríkin hafa stutt í gegnum WHO fram að þessu. Þess í stað beina Bandaríkin fjármunum sem fóru áður til WHO til frjálsra félagasamtaka. Pompeo hefur ekki útilokað að Bandaríkin muni hætta stuðningi við WHO varanlega. Stöðva ályktanir þar sem WHO er studd Bandaríkjastjórn hefur einnig staðið í vegi þess að öryggisráð Sameinuðu þjóðanna ályktaði um viðbrögð við faraldrinum vegna andstöðu við orðalag þar sem stuðningi var lýst við WHO. Þá gátu heilbrigðisráðherrar G20-ríkjanna heldur ekki gefið út sameiginlega yfirlýsingu um faraldurinn af sömu ástæðu fyrr í þessum mánuði. Hvíta húsið hefur ennfremur hvatt bandamenn sína til þess að grafa undan trúverðugleika WHO eins og þeir geta, þar á meðal með því að fullyrða að starfsmenn stofnunarinnar fari reglulega í íburðarmiklar „lúxusferðir“. Embættismaður Hvíta hússins sagði hópi málsvara ríkisstjórnarinnar nýlega að halda þeirri sögu á lofti án þess að leggja fram nokkrar sannanir fyrir að það ætti við rök að styðjast. „Það hefur reynst ómögulegt að ná sátt við Bandaríkin um skoðanir á starfi og hlutverki WHO,“ hefur blaðið eftir háttsettum evrópskum embættismanni. Misræmi hefur verið í gagnrýni Trump á WHO sem hann segir ganga erinda Kína og dreifa áróðri þaðan. Trump hefur sjálfur ítrekað lofað viðbrögð stjórnvalda í Beijing við faraldrinum og verið hikandi við að gagnrýna Xi Jinping forseta. Vísir/EPA Segja bandamönnum að véfengja trúverðugleika WHO Aðrir þjóðarleiðtogar hafa verið tregir til að taka undir gagnrýni Trump á WHO í faraldrinum miðjum. Hægt sé að rannsaka viðbrögð stofnunarinnar við faraldrinum eftir á en þeir telja ekki viturlegt að „skipta um hest í miðri á“. Sérfræðingar óttast að undirróður Trump og bandamanna hans eigi eftir að kippa stoðunum undan Alþjóðaheilbrigðisstofnuninni til lengri tíma. „Sextíu daga hlé á fjárframlögum Bandaríkjanna er höfuðverkur fyrir WHO en ekki endilega tilvistarleg ógn. Að því sögðu, ef utanríkisráðuneytið byrjar að veita öðrum fjárveitingar til að framfylgja heilbrigðisáætlunum sem WHO hefði getað haft umsjón með er hætta á að Bandaríkin byrji að dreifa fjármunum á óskilvirkan og brotakenndan hátt,“ segir Richard Gowan hjá Alþjóðlega neyðarhópnum, alþjóðlegri hugveitu. Bandaríkjastjórn fékk fyrstu upplýsingarnar um kórónuveiruna sem var tekin að breiðast út í Wuhan í Kína þegar um áramótin. Alþjóðaheilbrigðisstofnunin hvatti allar þjóðir til að búa sig undir að takast á við faraldurinn með eftirliti, skimun, einangrun og smitrakningu þegar í janúar. Stofnunin lýsti yfir neyðarástandi á heimsvísu 30. janúar. Trump hefur ítrekað haldið því fram að WHO hafi verið andsnúin ferðatakmörkunum sem hann kom á gagnvart ferðalöngum frá Kína 2. febrúar. Stofnunin lýsti engu að síður aðeins þeirri skoðun sinni að ferðabönn gögnuðust lítið til að stöðva faraldurinn. Í ljós hefur komið að kórónuveiran var líklega þegar byrjuð að dreifast um Bandaríkin í janúar, áður en ferðatakmarkanirnar tóku gildi. Eftir að Trump kom ferðatakmörkununum á aðhafðist ríkisstjórn hans þó lítið til að undirbúa sig fyrir útbreiðslu veirunnar í Bandaríkjunum. Þannig trassaði hún að birgja sig upp af nauðsynlegum búnaði eins og öndunarvélum og hlífðarbúnaði fyrir heilbrigðisstarfsfólks. Skimunarmál hafa jafnframt verið í miklum ólestri allt frá upphafi þó að hún hafi færst í aukana á undanförnum vikum.
Faraldur kórónuveiru (COVID-19) Bandaríkin Donald Trump Forsetakosningar í Bandaríkjunum Tengdar fréttir Harmar ákvörðun Trump Dr. Tedros Adhanom sagði kórónuveiruna ekki fara í manngreiningarálit og að hún væri sameiginlegur og hættulegur óvinur 16. apríl 2020 08:54 Nú sé ekki tíminn til að draga úr fjárframlögum til WHO Framkvæmdastjóri Sameinuðu þjóðanna hefur gagnrýnt framferði Bandaríkjaforseta án þess þó að nefna hann sérstaklega á nafn. 15. apríl 2020 07:48 Trump segist hafa stöðvað fjárveitingar til WHO Bandaríkin ætla að hætta að veita Alþjóðaheilbrigðisstofnuninni (WHO) fé vegna þess hvernig stofnunin tók á kórónuveiruheimsfaraldrinum. Donald Trump Bandaríkjaforseti fullyrti að hann hefði skipað fyrir um þetta á blaðamannafundi í Hvíta húsinu í dag. 14. apríl 2020 22:59 Trump-stjórnin sögð hafa vanrækt undirbúning um mánaðaskeið Um tveir mánuðir liðu frá því að Bandaríkjastjórn fékk fyrstu upplýsingarnar um kórónuveirufaraldurinn í Kína þar til alríkisstjórnin greip til umtalsverðra aðgerða til að hefta útbreiðsluna. Afneitun og vanvirkni í röðum æðstu ráðamanna er sögð hafa átt þátt í að tímanum sem hefði getað nýst í undirbúning var kastað á glæ. 9. apríl 2020 10:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Notuðu piparúða á mótmælendur Innlent „Við höfum ekki séð þetta á Íslandi áður“ Innlent Hefði „slátrað“ dóttur sinni byggju þau í „arabalandi“ Innlent Mætti á kjörstað en fékk þau svör að hún væri búin að kjósa Innlent Ólík sýn á hvort Ísland eigi að styðja vörn Úkraínumanna Innlent Tívolíbomba hefði getað skapað stórhættu Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Maðurinn sem féll í Fnjóská fannst látinn Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Harmar ákvörðun Trump Dr. Tedros Adhanom sagði kórónuveiruna ekki fara í manngreiningarálit og að hún væri sameiginlegur og hættulegur óvinur 16. apríl 2020 08:54
Nú sé ekki tíminn til að draga úr fjárframlögum til WHO Framkvæmdastjóri Sameinuðu þjóðanna hefur gagnrýnt framferði Bandaríkjaforseta án þess þó að nefna hann sérstaklega á nafn. 15. apríl 2020 07:48
Trump segist hafa stöðvað fjárveitingar til WHO Bandaríkin ætla að hætta að veita Alþjóðaheilbrigðisstofnuninni (WHO) fé vegna þess hvernig stofnunin tók á kórónuveiruheimsfaraldrinum. Donald Trump Bandaríkjaforseti fullyrti að hann hefði skipað fyrir um þetta á blaðamannafundi í Hvíta húsinu í dag. 14. apríl 2020 22:59
Trump-stjórnin sögð hafa vanrækt undirbúning um mánaðaskeið Um tveir mánuðir liðu frá því að Bandaríkjastjórn fékk fyrstu upplýsingarnar um kórónuveirufaraldurinn í Kína þar til alríkisstjórnin greip til umtalsverðra aðgerða til að hefta útbreiðsluna. Afneitun og vanvirkni í röðum æðstu ráðamanna er sögð hafa átt þátt í að tímanum sem hefði getað nýst í undirbúning var kastað á glæ. 9. apríl 2020 10:00
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins