Lægsta hassverð í fjögur ár

Verð á hassi hérlendis hefur ekki verið lægra síðan SÁÁ hóf að kanna verð meðal sjúlkinga á Vogi í janúar 2000. Þetta kemur fram í nýjust könnun samtakanna. Grammið af hassi kostar nú 1.340 krónur á götunni en kostaði tæpar þrjú þúsund krónur í upphafi árs. Þá vekur athygli að verð á amfetamíni og kókaíni hefur hækkað nokkuð frá því í lok september, amfetamínið úr 3.710 krónum í 4.360 krónur grammið en kókaín úr 10.140 í 11.500 krónur grammið. Svo virðist sem sú staðreynd að lögreglan hafi lagt hald á mikið af þessum efnum hafi leitt til hækkunar á götuverði þeirra.