Sportið í dag: Valdís Þóra, nýkrýndur markakóngur, staðan fyrir vestan og lyfjamál

Þáttur dagsins af Sportinu í dag verður ekki af verri endanum. Hann hefst að vanda klukkan 15:00 á Stöð 2 Sport.

Atvinnukylfingurinn Valdís Þóra Jónsdóttir sest í stólinn í dag og fer yfir sína framtíð í golfinu.

Markakóngur þýsku úrvalsdeildarinnar í handknattleik, Bjarki Már Elísson, verður á línunni frá Lemgo og við heyrum einnig í nýjasta atvinnumanni okkar í handbolta, Grétari Ara Guðjónssyni. 

Svo verður púlsinn tekinn á Birnu Lárusdóttir, formanni barna- og unglinganefndar Vestra, og rætt við hana um stöðu íþrótta á Vestfjörðum sem og framhaldið hjá félaginu. 

Einnig verður Birgir Sverrisson frá Lyfjaeftirliti Íslands í viðtali og rætt við hann um stöðuna á lyfjamálunum á þessum einkennilegu tímum. Þetta og meira til í Sportinu í dag.