Fjárhagseftirlit utanríkisráðuneytisins óviðunandi

Meirihluti fjárlaganefndar Alþingis leggst gegn því að utanríkisráðuneytið fái tæplega 47 milljón króna viðbótarframlag úr ríkissjóði vegna bótakröfu á hendur fyrrverandi starfsmanni sendiráðs Íslands í Vín.

Starfsmaðurinn, kona á þrítugsaldri, var dæmd í tveggja ára fangelsi fyrir fjárdrátt en ríkið þurfti að afskrifa bótakröfuna eftir árangurslaust fjárnám. Utanríkisráðuneytið óskaði eftir viðbótarframlagi úr ríkissjóði vegna þessa.

Í nefndaráliti meirihluta fjárlaganefndar við fjáraukalög segir að ráðuneytið þurfi sjálft að bera þennan kostnað þar sem ljóst þykir að fjárhagseftirlit ráðuneytisins hafi verið óviðunandi.