Engir vetrarólympíuleikar fyrir Gay

Spretthlauparinn Tyson Gay er hættur við að reyna að komast í bandaríska landsliðið á bobsleðum.

Gay ætlaði sér að komast í landsliðið og síðan ætlaði hann sér að komast með liðinu á vetrarólympíuleikana.

„Við ákváðum að það væri best fyrir Gay að fylgjast með og læra að þessu sinni,“ sagði talsmaður bandaríska liðsins.

Fyrrum liðsfélagi Gay, Ryan Bailey, komst aftur á móti í liðið en hann var búinn að æfa sig lengur.

Bailey fékk engin silfurverðlaun á ÓL í London árið 2012 og það var Gay að kenna. Hann féll á lyfjaprófi og fyrir vikið voru verðlaun spretthlaupssveitarinnar bandarísku tekin af þeim.

Gay er næstfljótasti maður allra tíma en umdeildur þar sem hann féll á lyfjaprófi.