Innlent

Tveir fluttir með þyrlu eftir vél­sleðsa­slys við Veiði­vötn

Andri Eysteinsson og Hallgerður Kolbrún E. Jónsdóttir skrifa
Björgunarsveitir eru á leið á vettvang ásamt lögreglu og landhelgisgæslunni.
Björgunarsveitir eru á leið á vettvang ásamt lögreglu og landhelgisgæslunni. Foto: Vilhelm Gunnarsson/Vilhelm Gunnarsson

Tveir hafa verið fluttir með þyrlu landhelgisgæslunnar á sjúkrahús eftir vélsleðaslys við Veiðivötn á Suðurlandi. Ekki er talið að fólkið sé alvarlega slasað. Þetta segir Ásgeir Erlendsson, upplýsingafulltrúi Landhelgisgæslunnar í samtali við fréttastofu.

Tilkynning barst um slysið um þrjú í dag og var þyrla landhelgisgæslunnar, TF-GRO, send á vettvang auk björgunarsveita og lögreglunnar á Hvolsvelli. 

Í samtali við Vísi í dag sagði Davíð Már Bjarnason, upplýsingafulltrúi Landsbjargar, að hópar björgunarsveitamanna hafi farið á vettvang en með þeim í för voru sjúkraflutningamenn af Heilbrigðisstofnun Suðurlands. Mikill snjór er á svæðinu og var aðkoman því erfið. 

Talið var í fyrstu að aðeins einn hafi slasast en tveir voru fluttir með þyrlunni til Reykjavíkur. Ekki er vitað hvers eðlis meiðsli fólksins eru að svo stöddu.  

Fréttin hefur verið uppfærð. Talið var í fyrstu að áverkar mannsins væru alvarlegir en svo reyndist ekki vera.

Landhelgisgæslan Rangárþing ytra Björgunarsveitir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið