„Fullkominn aflabrestur“ í ferðaþjónustunni Sylvía Hall skrifar 19. apríl 2020 16:08 Jóhannes Þór Skúlason, framkvæmdastjóri Samtaka ferðaþjónustunnar. Komið hefur í ljós að hlutabótaleiðin mun ekki duga fyrir ferðaþjónustufyrirtæki þar tekjulausa tímabilið verður að líkum of langt. Þetta segir Jóhannes Þór Skúlason, framkvæmdastjóri Samtaka ferðaþjónustunnar en hann var gestur í þjóðmálaþættinum Sprengisandi í dag. Þá eigi fyrirtækin ekki heldur efni á að greiða uppsagnarfrest starfsmanna. Jóhannes segir aðgerðarpakka stjórnvalda hafa litið ágætlega út þegar hann var kynntur. Hins vegar breytist staðan nánast daglega til hins verra og ljóst sé að þær aðgerðir dugi alls ekki til. Það þurfi í raun að vera hægt að loka fyrirtækjunum og þannig komast hjá öllum greiðslum til að halda þeim á lífi. Yrði flestum ferðaþjónustufyrirtækjum leyft að færa í þrot, líkt og gæti gerst, yrðu eignir þeirra seldar nauðungarsölu og þar með yrði erfiðara að endurlífga kerfið þegar ferðamenn snúa til baka. „Við erum að horfa til þess að ferðaþjónustufyrirtæki verða nánast alveg tekjulaus væntanlega, við skulum segja að fyrstu alvöru möguleikar þeirra til þess að afla sér tekna verða sumarið 2021. Það þýðir það að við þurfum að þreyja þorrann þangað til,“ segir Jóhannes. „Við vitum það alveg að það verður fjöldi fyrirtækja, því miður, sem mun ekki lifa þetta af. En það þurfa að vera einhvers konar leiðir sem hægt er að fara, til dæmis að fyrirtæki geti einfaldlega bara lokað.“ Hann segir vandann mikinn í ferðaþjónustunni og það sé alveg ljóst að um sértækan vanda sé að ræða sem þurfi sértækar aðgerðir. Fyrirtækin geti ekki staðið undir því að greiða kostnað þegar tekjurnar eru engar. „Dæmi um fyrirtæki sem er bara skynsamlega rekið, hefur lagt allan arð í fjárfestingar og byggt upp, það átti í upphafi fyrir mánuði síðan 150 milljónir á bankareikningi og 230 milljónir í útistandandi kröfum – það hefur enginn fengið greiddar útistandandi kröfur því þetta er lausafjárvandi. Nú er staðan þannig að þetta fyrirtæki á 50 milljónir eftir en að greiða þriggja mánaða uppsagnarfrest kostar 170 milljónir.“ Hann segir grundvallaratriði að þó margar aðgerðir nýtist ferðaþjónustufyrirtækjum sé það ekki nóg. Það væri hægt að líkja því við að enginn fiskur myndi veiðast í íslenskri landhelgi í heilt ár. „Ég held við myndum segja að það væri sértækur vandi sem þyrfti að skoða sérstaklega. Þetta er það sem við erum að glíma við; fullkominn aflabrestur.“ Ferðaþjónustan nánast hrunin til grunna Bjarnheiður Hallsdóttir, formaður Samtaka ferðaþjónustunnar, tekur í sama streng í nýrri skoðanagrein á Vísi sem birtist í dag. Hún segir alvarleika málsins jafnast á við loðnubrest, sem allir viti að sé alvarlegt fyrir afkomu þjóðarinnar. „En nú er öldin önnur. Ísland er ferðaþjónustuland. Vöxtur í ferðaþjónustu síðasta áratug hefur fært þjóðinni lífskjör og hagsæld sem ekki hafa þekkst áður hér á landi. Á sama tíma er Ísland nú það land í Evrópu, sem er efnahagslega hvað háðast ferðaþjónustu. Því miður hefur stjórnsýslan og hagstjórnin ekki enn tekið nægjanlegt mið af þessari staðreynd. Þeirri staðreynd að það er ný breyta í jöfnunni – ferðaþjónusta,“ segir Bjarnheiður. Hún segir ferðaþjónustuna hafa nánast hrunið til grunna á nokkrum vikum eftir tilkomu kórónuveirufaraldursins. Bjarnheiður Hallsdóttir. „Ferðaþjónusta er ekki „kórónuvæn“ atvinnugrein. Þó óvissan sé mikil, má því miður reikna með að atvinnugreinin nái sér varla á strik, að neinu marki, fyrr en eftir 12-18 mánuði. Höggið er af þeirri stærðargráðu að engin leið er að vera undirbúin til að mæta slíku áfalli. Öll fyrri áföll og örðugleikar í atvinnulífi landsins blikna í samanburðinum.“ Þá sé ljóst að þó ferðaþjónustan sé ekki eina atvinnugreinin sem verði fyrir höggi sé höggið þar langmest. Það sé ekki hægt að vinna upp tapið eða laga þjónustuna að breyttum aðstæðum. Hún þurfi á ferðamönnum að halda. Hver einasti dagur án þeirra sé dagur þar sem tekjur tapast og nú þurfi sértækar aðgerðir. „Á óvenjulegum tímum eru sértækar aðgerðir bæði skynsamlegar og nauðsynlegar. Þegar þessu dæmalausa ástandi linnir, þá er ferðaþjónustan líklegust til að draga þjóðina „aftur“ upp úr efnahagslegum öldudal. Þær aðgerðir sem þegar hafa verið kynntar af hálfu stjórnvalda eru ekki nóg. Aðgerðir þurfa að vera útsjónarsamar og þær þurfa að hafa „langtímavinkil“. Að óbreyttu munu þær einfaldlega þýða að meirihluti ferðaþjónustufyrirtækja landsins munu drukkna í föstum kostnaði og fara í þrot á næstu mánuðum.“ Faraldur kórónuveiru (COVID-19) Ferðamennska á Íslandi Sprengisandur Tengdar fréttir „Ríkið þarf að gera eitthvað mikið og það þarf að vera stórt“ Gríðarlegur vandi blasir við ferðaþjónustu hér á landi. Forráðamenn kalla eftir sértækum aðgerðum stjórnvald annars stefni í fjöldagjaldþrot. 18. apríl 2020 18:36 Segir að meirihluti ferðaþjónustufyrirtækja gæti farið í þrot grípi stjórnvöld ekki til aðgerða Stjórnvöld þurfa að grípa til sértækra aðgerða fyrir ferðaþjónustuna á næstu vikum eigi meirihluti fyrirtækja í greininni ekki að fara í þrot, segir formaður Samtaka ferðaþjónustunnar. 18. apríl 2020 13:02 Enginn fer í ferðalag til að sitja í sóttkví Jóhannes Þór Skúlason hefur áhyggjur af stöðu ferðaþjónustunnar hér á landi. 16. apríl 2020 18:59 Mest lesið Upplifir að þau hafi verið leidd í gildru Innlent Sprenging í Osló og stórt svæði girt af Erlent „Alvarlegasta árásin gegn dönskum innviðum til þessa“ Erlent Harmsaga fjölskyldunnar ekkert einsdæmi Innlent Errol Musk sakaður um að misnota börn sín Erlent Gagnrýndi allt og alla í langri og slitróttri ræðu Erlent Stefnir í lokað þinghald að beiðni mæðgnanna Innlent Hrædd um að brennuvargur gangi laus í bænum Innlent Fóru með fleipur um einhverfu og bóluefni Erlent Bein útsending: Trump ávarpar allsherjarþingið Erlent Fleiri fréttir „Við erum notuð sem hræðsluáróður fyrir verðandi foreldra“ „Maður er skíthræddur um að maður brenni inni“ Núverandi kvikusöfnunartímabil geti dregist á langinn Brennuvargur gengur laus, stórfjölgun krabbameina og í beinni frá Köben Þorgerður telur tilefni til að kalla saman þjóðaröryggisráð Inga eigi að kalla saman þjóðaröryggisráð þegar í stað Skólameistarar styðja ekki breytingar ráðherra Stefnir í lokað þinghald að beiðni mæðgnanna Harmsaga fjölskyldunnar ekkert einsdæmi Örlög hjartanna enn óráðin Troðfyllti stangirnar af amfetamínbasa Forsetahjónin á leið til Finnlands Benti á mikilvægi fyrirmynda þegar kæmi að jafnréttismálum Ekki lengur framsal á fullveldi heldur neytendavernd Mæla hiklaust með lyfinu á meðgöngu ef þörf þykir á Hrædd um að brennuvargur gangi laus í bænum Starfandi forsætisráðherra lítur drónabrölt „grafalvarlegum augum“ Vara við svikapóstum frá Ríkisskattstjóra Dularfullir drónar og umdeildar kenningar um einhverfu og parasetamól Telja sig vita hverjir grímuklæddu mennirnir eru Ferðum aflýst og einni vél snúið við vegna drónaumferðar í Kaupmannahöfn Ætlar að fækka sveitarfélögum fyrir kosningar Aðeins helmingur telur sig við góða heilsu Rannsaka húsbrot og eldsvoða á Sauðárkróki Krefur Reykjavíkurborg um frekari svör vegna fundargerðar Upplifir að þau hafi verið leidd í gildru Rannsaka mál sex grímuklæddra manna sem réðust á einn Óttaslegnir eldri borgarar eftir endurtekna eldsvoða Vill frekar fjölga lögreglumönnum heldur en lögreglustöðvum Maðurinn sem lýst var eftir fundinn Sjá meira
Komið hefur í ljós að hlutabótaleiðin mun ekki duga fyrir ferðaþjónustufyrirtæki þar tekjulausa tímabilið verður að líkum of langt. Þetta segir Jóhannes Þór Skúlason, framkvæmdastjóri Samtaka ferðaþjónustunnar en hann var gestur í þjóðmálaþættinum Sprengisandi í dag. Þá eigi fyrirtækin ekki heldur efni á að greiða uppsagnarfrest starfsmanna. Jóhannes segir aðgerðarpakka stjórnvalda hafa litið ágætlega út þegar hann var kynntur. Hins vegar breytist staðan nánast daglega til hins verra og ljóst sé að þær aðgerðir dugi alls ekki til. Það þurfi í raun að vera hægt að loka fyrirtækjunum og þannig komast hjá öllum greiðslum til að halda þeim á lífi. Yrði flestum ferðaþjónustufyrirtækjum leyft að færa í þrot, líkt og gæti gerst, yrðu eignir þeirra seldar nauðungarsölu og þar með yrði erfiðara að endurlífga kerfið þegar ferðamenn snúa til baka. „Við erum að horfa til þess að ferðaþjónustufyrirtæki verða nánast alveg tekjulaus væntanlega, við skulum segja að fyrstu alvöru möguleikar þeirra til þess að afla sér tekna verða sumarið 2021. Það þýðir það að við þurfum að þreyja þorrann þangað til,“ segir Jóhannes. „Við vitum það alveg að það verður fjöldi fyrirtækja, því miður, sem mun ekki lifa þetta af. En það þurfa að vera einhvers konar leiðir sem hægt er að fara, til dæmis að fyrirtæki geti einfaldlega bara lokað.“ Hann segir vandann mikinn í ferðaþjónustunni og það sé alveg ljóst að um sértækan vanda sé að ræða sem þurfi sértækar aðgerðir. Fyrirtækin geti ekki staðið undir því að greiða kostnað þegar tekjurnar eru engar. „Dæmi um fyrirtæki sem er bara skynsamlega rekið, hefur lagt allan arð í fjárfestingar og byggt upp, það átti í upphafi fyrir mánuði síðan 150 milljónir á bankareikningi og 230 milljónir í útistandandi kröfum – það hefur enginn fengið greiddar útistandandi kröfur því þetta er lausafjárvandi. Nú er staðan þannig að þetta fyrirtæki á 50 milljónir eftir en að greiða þriggja mánaða uppsagnarfrest kostar 170 milljónir.“ Hann segir grundvallaratriði að þó margar aðgerðir nýtist ferðaþjónustufyrirtækjum sé það ekki nóg. Það væri hægt að líkja því við að enginn fiskur myndi veiðast í íslenskri landhelgi í heilt ár. „Ég held við myndum segja að það væri sértækur vandi sem þyrfti að skoða sérstaklega. Þetta er það sem við erum að glíma við; fullkominn aflabrestur.“ Ferðaþjónustan nánast hrunin til grunna Bjarnheiður Hallsdóttir, formaður Samtaka ferðaþjónustunnar, tekur í sama streng í nýrri skoðanagrein á Vísi sem birtist í dag. Hún segir alvarleika málsins jafnast á við loðnubrest, sem allir viti að sé alvarlegt fyrir afkomu þjóðarinnar. „En nú er öldin önnur. Ísland er ferðaþjónustuland. Vöxtur í ferðaþjónustu síðasta áratug hefur fært þjóðinni lífskjör og hagsæld sem ekki hafa þekkst áður hér á landi. Á sama tíma er Ísland nú það land í Evrópu, sem er efnahagslega hvað háðast ferðaþjónustu. Því miður hefur stjórnsýslan og hagstjórnin ekki enn tekið nægjanlegt mið af þessari staðreynd. Þeirri staðreynd að það er ný breyta í jöfnunni – ferðaþjónusta,“ segir Bjarnheiður. Hún segir ferðaþjónustuna hafa nánast hrunið til grunna á nokkrum vikum eftir tilkomu kórónuveirufaraldursins. Bjarnheiður Hallsdóttir. „Ferðaþjónusta er ekki „kórónuvæn“ atvinnugrein. Þó óvissan sé mikil, má því miður reikna með að atvinnugreinin nái sér varla á strik, að neinu marki, fyrr en eftir 12-18 mánuði. Höggið er af þeirri stærðargráðu að engin leið er að vera undirbúin til að mæta slíku áfalli. Öll fyrri áföll og örðugleikar í atvinnulífi landsins blikna í samanburðinum.“ Þá sé ljóst að þó ferðaþjónustan sé ekki eina atvinnugreinin sem verði fyrir höggi sé höggið þar langmest. Það sé ekki hægt að vinna upp tapið eða laga þjónustuna að breyttum aðstæðum. Hún þurfi á ferðamönnum að halda. Hver einasti dagur án þeirra sé dagur þar sem tekjur tapast og nú þurfi sértækar aðgerðir. „Á óvenjulegum tímum eru sértækar aðgerðir bæði skynsamlegar og nauðsynlegar. Þegar þessu dæmalausa ástandi linnir, þá er ferðaþjónustan líklegust til að draga þjóðina „aftur“ upp úr efnahagslegum öldudal. Þær aðgerðir sem þegar hafa verið kynntar af hálfu stjórnvalda eru ekki nóg. Aðgerðir þurfa að vera útsjónarsamar og þær þurfa að hafa „langtímavinkil“. Að óbreyttu munu þær einfaldlega þýða að meirihluti ferðaþjónustufyrirtækja landsins munu drukkna í föstum kostnaði og fara í þrot á næstu mánuðum.“
Faraldur kórónuveiru (COVID-19) Ferðamennska á Íslandi Sprengisandur Tengdar fréttir „Ríkið þarf að gera eitthvað mikið og það þarf að vera stórt“ Gríðarlegur vandi blasir við ferðaþjónustu hér á landi. Forráðamenn kalla eftir sértækum aðgerðum stjórnvald annars stefni í fjöldagjaldþrot. 18. apríl 2020 18:36 Segir að meirihluti ferðaþjónustufyrirtækja gæti farið í þrot grípi stjórnvöld ekki til aðgerða Stjórnvöld þurfa að grípa til sértækra aðgerða fyrir ferðaþjónustuna á næstu vikum eigi meirihluti fyrirtækja í greininni ekki að fara í þrot, segir formaður Samtaka ferðaþjónustunnar. 18. apríl 2020 13:02 Enginn fer í ferðalag til að sitja í sóttkví Jóhannes Þór Skúlason hefur áhyggjur af stöðu ferðaþjónustunnar hér á landi. 16. apríl 2020 18:59 Mest lesið Upplifir að þau hafi verið leidd í gildru Innlent Sprenging í Osló og stórt svæði girt af Erlent „Alvarlegasta árásin gegn dönskum innviðum til þessa“ Erlent Harmsaga fjölskyldunnar ekkert einsdæmi Innlent Errol Musk sakaður um að misnota börn sín Erlent Gagnrýndi allt og alla í langri og slitróttri ræðu Erlent Stefnir í lokað þinghald að beiðni mæðgnanna Innlent Hrædd um að brennuvargur gangi laus í bænum Innlent Fóru með fleipur um einhverfu og bóluefni Erlent Bein útsending: Trump ávarpar allsherjarþingið Erlent Fleiri fréttir „Við erum notuð sem hræðsluáróður fyrir verðandi foreldra“ „Maður er skíthræddur um að maður brenni inni“ Núverandi kvikusöfnunartímabil geti dregist á langinn Brennuvargur gengur laus, stórfjölgun krabbameina og í beinni frá Köben Þorgerður telur tilefni til að kalla saman þjóðaröryggisráð Inga eigi að kalla saman þjóðaröryggisráð þegar í stað Skólameistarar styðja ekki breytingar ráðherra Stefnir í lokað þinghald að beiðni mæðgnanna Harmsaga fjölskyldunnar ekkert einsdæmi Örlög hjartanna enn óráðin Troðfyllti stangirnar af amfetamínbasa Forsetahjónin á leið til Finnlands Benti á mikilvægi fyrirmynda þegar kæmi að jafnréttismálum Ekki lengur framsal á fullveldi heldur neytendavernd Mæla hiklaust með lyfinu á meðgöngu ef þörf þykir á Hrædd um að brennuvargur gangi laus í bænum Starfandi forsætisráðherra lítur drónabrölt „grafalvarlegum augum“ Vara við svikapóstum frá Ríkisskattstjóra Dularfullir drónar og umdeildar kenningar um einhverfu og parasetamól Telja sig vita hverjir grímuklæddu mennirnir eru Ferðum aflýst og einni vél snúið við vegna drónaumferðar í Kaupmannahöfn Ætlar að fækka sveitarfélögum fyrir kosningar Aðeins helmingur telur sig við góða heilsu Rannsaka húsbrot og eldsvoða á Sauðárkróki Krefur Reykjavíkurborg um frekari svör vegna fundargerðar Upplifir að þau hafi verið leidd í gildru Rannsaka mál sex grímuklæddra manna sem réðust á einn Óttaslegnir eldri borgarar eftir endurtekna eldsvoða Vill frekar fjölga lögreglumönnum heldur en lögreglustöðvum Maðurinn sem lýst var eftir fundinn Sjá meira
„Ríkið þarf að gera eitthvað mikið og það þarf að vera stórt“ Gríðarlegur vandi blasir við ferðaþjónustu hér á landi. Forráðamenn kalla eftir sértækum aðgerðum stjórnvald annars stefni í fjöldagjaldþrot. 18. apríl 2020 18:36
Segir að meirihluti ferðaþjónustufyrirtækja gæti farið í þrot grípi stjórnvöld ekki til aðgerða Stjórnvöld þurfa að grípa til sértækra aðgerða fyrir ferðaþjónustuna á næstu vikum eigi meirihluti fyrirtækja í greininni ekki að fara í þrot, segir formaður Samtaka ferðaþjónustunnar. 18. apríl 2020 13:02
Enginn fer í ferðalag til að sitja í sóttkví Jóhannes Þór Skúlason hefur áhyggjur af stöðu ferðaþjónustunnar hér á landi. 16. apríl 2020 18:59