Sport

Þurfti að taka af honum annan fótinn átta ára en stundar tvær íþróttir í dag með góðum árangri

Anton Ingi Leifsson skrifar
Hilmar Snær Örvarsson er ansi lunkinn íþróttamaður.
Hilmar Snær Örvarsson er ansi lunkinn íþróttamaður. vísir/skjáskot

Hilmar Snær Örvarsson lætur ekkert stoppa sig. Átta ára gamall varð að taka af honum annan fótinn vegna beinkrabbameins. Hann lét það ekki stöðva sig og hefur náð frábærum árangri í alpagreinum skíðaíþrótta og í golfi.

Íþróttamenn leita allra leiða til að æfa og halda sér í formi. Hilmar Snær Örvarsson er þar engin undantekning. Hilmar stundar nám í læknislegri verkfræði við Háskóla Íslands og varð fyrsti Íslendingurinn til að sigra í Evrópumótaröð fatlaðra í alpagreinum skíðaíþrótta.

Hann er ekki síðri í golfinu, þar sem hann er með einn í forgjöf. Hvor íþróttin er skemmtilegri?

„Það er ekki hægt að gera upp á milli. Þær eru báðar mjög skemmtilegar og mjög ólíkar,“ sagði Hilmar í samtali við Arnar Björnsson í Sportpakka kvöldsins.

„Maður er að reyna nýta þennan tíma og lærir inn á milli. Það var eitt lokamót eftir í heimsbikarnum og því var aflýst. Maður verður þá bara að skipta yfir í golfið fyrir sumarið.“

En hver er munurinn á golfi og skíðum?

„Golfið er rólegra og skíðin meiri harka. Svo er eiginlega ekkert líkt.“

Klippa: Sportpakkinn: Hilmar Snær



Fleiri fréttir

Sjá meira


×